Connect with us

Aktuale

Rindërtimi i teremocentralit Kosova A kushton deri në 120 milionë euro!

Published

on

Drejtori ekzekutiv i Korporatës Energjetike të Kosovës, Nagip Krasniqi, ka diskutuar për planet e mundshme dhe kostot e mundshme për rindërtimin e termocentralit me qymyr më të vjetër dhe më ndotës të vendit, termocentralin Kosova A.

Krasniqi vuri në dukje se kostot përkatëse janë të prirura për të ndryshuar, por ka shpjeguar se sipas një vlerësimi të përafërt, renovimi i një blloku të termocentralit ‘Kosova A’ mund të kushtojë nga 70 deri në 120 milionë euro.

Këto komente, Krasniqi i bëri gjatë emisionit ‘Kallxo Pernime’ në kuadër të kallxo.com.

“Mund të jetë nga 70 deri në 100-120 milion për bllok. Që i bije 3 njësi… nëse themi mesatare 100, 3 blloqe bëjnë 300 [mlion], kapaciteti i të cilëve mund të kthehet deri në 200MW”, tha Krasniqi.

I pyetur se për sa mund të zgjasë ky investim afatin e funksionimit të Kosovës A, Krasniqi tha 15 vjet.

Megjithatë, ai ka theksuar se ky projekt, si dhe rindërtimi apo investimi tjetër përkatës në termocentralin Kosova B, do të jenë më të qarta kur të përfundojë Strategjia e Energjisë, e cila aktualisht është duke u hartuar nga Ministria e Ekonomisë.

Megjithatë, ai konfirmoi se kjo përgjigje do të jetë në strategji.

“Së pari ju e dini që Ministria e Ekonomisë është duke e përpilu strategjinë e energjisë, kshtuqë është pak herët të flasim se kah do të shkoj drejtimi nëse do të rindërtohen termocentralet apo jo”, tha ai.

“Ideja është që kur të bëhet rindërtimi ato do ta kenë jetëgjatësin diku 15 vite t’a zëmë”, sqaroi Krasniqi.

Për më tepër, drejtori i KEK arsyetoi llogarinë e këtij investimi duke sqaruar se nuk ka alternativë tjetër, dhe se nuk mund të krahasohen cmimet e importit me këtë investim.

Sa i përket financimit të projektit, drejtori i KEK-ut deklaroi se financimi ende nuk është përcaktuar, por mund të jetë nga vetë KEK-u, qeveria apo edhe ndonjë kompani e mundshme që mund të tregojë burimin e financimit të projektit.

“Edhe kjo pjesë tash që do të vije pas strategjisë. Mund të ketë financim edhe të KEK’ut mund të ketë financim edhe nga shteti, mund të ketë edhe nga palët tjera”, tha ai.

“Ka raste që edhe vetë kompania që oferton për rindërtimin e termocentralit pjesë e kontratës e përfshin edhe financimin, burimet e financimit”, theksoi ai./Media Ndërtimi.

 

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Aktuale

Rama paralajmëron se Tirana do të jetë metropoli me atraktiv i Ballkanit

Published

on

Kryeministri Edi Rama i ftuar në një ceremoni në kryeqytet, foli për Tiranën dhe transformimin e saj ndër vite.

Rama tha se në 5-6 vitet e ardhshme, këto që shohim do të jenë një pjesë dhe jo shumica e asaj që do të shohim, duke theksuar se ka shumë projekte, dëshirë, ambicie dhe shpirti i sipërmarrjes është futur në një garë për ndërtuar ndërtesa jo vetëm të mira, por edhe të bukura.

Ai shton se Tirana kështu do të bëhet një destinacion edhe arkitektonik.

Sipas, Ramës gjatë viteve në vazhdim shqiptarët do të jenë banorë dhe qytetarë të njërit prej kryeqyteteve më të bukur të Evropës, duke specifikuar se Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.

“Kjo është historia e një qyteti që nuk i ka thënë të gjithë. Unë besoj që në 5-6 vitet e ardhshme, këto që shohim do të jenë një pjesë, jo shumica e atyre që do të shohim, sepse ka shumë akoma projekte, dëshirë, ambicie dhe një lloj gare që është futur në shpirtin e sipërmarrjes që të bëjmë ndërtesa jo thjeshtë të mira, por edhe të bukura, duke i dhënë Tiranës mundësinë që të bëhet një destinacion arkitektonik.

Një vend mes Ballkanit që do të disponojë një koleksion veprash të arkitekturës të mbledhura së bashku nga arkitektët më të mirë të kësaj kohe dhe do të krijojë një trashëgimi të denjë për gjeneratat e tjera.

Unë nuk dyshoj, që nëse sot në ndjejmë kënaqësinë që kemi dalë nga ai llum i tmerrshëm ku e hapëm shekullin e ri në Tiranë, nesër do të jemi banorë dhe qytetarë të njërit prej kryeqyteteve më të bukur të Evropës. Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.”, deklaroi kryeministri Rama./Media Ndërtimi

Continue Reading

Aktuale

“Brenda shtëpisë së zbrazët, ajo jeton mes kujtimeve dhe dëshmon forcën e Nënës”

Published

on

Në rrugën “Martirët Qerkezi”, në shtëpinë-muze qëndron Nëna Ferdonije. Brenda shtëpisë së zbrazët, ajo jeton mes kujtimeve dhe dëshmon forcën e Nënës. Shtëpia e familjes Qerkezi, në Gjakovë dëshmon gjenocidin dhe spastrimin etnik të Serbisë në Kosovë.

Nga aty, 25 vite më parë, forcat policore të Serbisë ia rrëmbyen dhe zhdukën të katër djemtë: Artanin, Armendin, Ardianin e Edmondin, si dhe bashkëshortin Halimin. Nga ajo shtëpi u rrëmbyen edhe Vegim Qerkezi, Shpejtim Ymeraga, Skender e Myrteza Dylhasi, dhe Shpend e Fatos Jetishi.

Në Dardaninë e Pejës, më 27 mars 1999 forcat e armatosura serbe, policë të njësive speciale dhe serb lokal, brenda tri orëve i masakruan 40 civilë shqiptarë të kësaj lagje.

Ne i kujtojmë çdoherë e nuk do t’i harrojmë kurrë.

Në këtë 25 vjetor i përkujtojmë edhe 75 të vrarët në masakrën në Klladernicë të Skënderajt, 18 të vrarët në Mamushë, dhe 10 anëtarët e familjes Rama të vrarë në Obiliq. Sot, në Fushë Kosovë përkujtohen 168 shqiptarët e vrarë nga forcat e armatosura serbe.

Me mall e dhembje, i kujtojmë sot dhe ҫdo ditë, të gjithë të vrarët dhe të zhdukurit me dhunë nga Serbia.

Sakrifica e popullit tonë është themeli i Republikës sonë të lirë.

Lavdi të gjithë të rënëve në rrugën e gjatë për çlirimin e Kosovës!

Albin Kurti, kryeministër i Kosovës. Prishtinë, 27 mars 2024./Media Ndërtimi

Continue Reading

Trending