Connect with us

Trashëgimia

Rikthehet vëmendja te Muzeu i Nënës Terezë në Prizren, që u nis më 2010

Published

on

Kujtimet për Nënë Terezën parashihet të mblidhen edhe në Prizren, ku të parët e saj kanë lënë gjurmë të pashlyera brenda komunitetit. Ato do të ruhen në një ndërtesë që kishte filluar të ngrihej në vitin 2010 me buxhet të Ministrisë së Kulturës, ndërkohë që, sipas raporteve, punimet në të kishin përfunduar qysh në vitin 2012.

Rishtazi, Komuna e Prizrenit dhe dega në Kosovë e fondacionit suedez “Trashëgimia Kulturore pa Kufij” (CHwB) kanë ndërmarrë nismën për funksionalizimin e Muzeut të Nënë Terezës. Në këtë institucion kulturor planifikohet që të shpalosen gjurmë dhe tregime të jetës së shenjtores shqiptare Gonxhe Bojaxhiu.

Kryetari i Komunës së Prizrenit, Mytaher Haskuka, të martën, në rrjetet sociale, ka shprehur qëndrimin se Prizrenit do t’i shtohet edhe një muze. Ai ka sqaruar se me CHwB-në muaj më parë është nënshkruar marrëveshja për funksionalizimin e Muzeut të Nënë Terezës.

“Objekti për muzeun e Nënës Terezë është ndërtuar në vitin 2010, mirëpo nuk janë përfunduar të gjitha punimet në të. Në takim u informova për mbarëvajtjen e projektit dhe intervenimet të cilat do të bëhen, ku përveç intervenimeve të detyrueshme në fasada, kulm, dysheme, mure dhe instalimeve të ngrohjes e ventilimit, në këtë objekt do të vendoset edhe lifti për t’iu mundësuar qasje personave me aftësi të kufizuara. Së shpejti do të bëhet edhe thirrja publike për mbledhjen e artefakteve dhe informatave rreth jetës dhe veprës së Nënës Terezë”, ka shkruar Haskuka.

Ndërsa Adea Mekuli nga CHwB-Kosova ka bërë të ditur se funksionalizimi i Muzeut të Nënë Terezës në Prizren është pjesë e projektit “Shtegu Kulturor ‘Gjurmëve të Nënës Terezë’”, në kuadër të programit për bashkëpunim ndërkufitar Kosovë-Maqedoni Veriore, që mbështetet nga BE-ja.

“Nënë Tereza është një simbol i dashurisë dhe paqes në botë, por jeta e saj shpesh është subjekt i interpretimeve të njëanshme, duke rezultuar në retorikë të tensionuar në mesin e disa komuniteteve në Kosovë dhe në Maqedoninë e Veriut. Krijimi i një shtegu kulturor që tregon për jetën e hershme të Nënës Terezë mund të sjellë një mundësi që lokacionet e ndërlidhura me jetën në rini të saj të evidencohen zyrtarisht dhe narracioni historik mbi prejardhjen, familjen dhe rininë e saj të gjejë një pajtim më të gjerë. Ky shteg kulturor tenton të paraqesë një udhëtim për prejardhjen, fëmijërinë dhe rininë e saj, deri te vendimi për t’u bërë motër misionare”, ka thënë Mekuli. Sipas saj, projekti ka nisur të zbatohet në vitin 2019 dhe do të zgjasë 2 vjet. Ajo ka pohuar se tashmë identifikimi i lokacioneve të ndërlidhura me jetën e Nënës Terezë dhe të familjes së saj në Kosovë dhe në Maqedoni të Veriut ka përfunduar, dhe se gjendja fizike e aseteve dhe qasjes tek ato është analizuar dhe vlerësuar.

“Aktualisht është në përfundim e sipër një hulumtim gjithëpërfshirës mbi narracionin historik për jetën e hershme të Nënës Terezë, i cili do të përdoret për broshura shpjeguese përgjatë shtegut, ueb-faqe, videodokumentarë dhe publikime të tjera ku shihet e nevojshme gjatë projektit”, ka deklaruar Mekuli. Tutje ka shpjeguar se ndërhyrjet fizike me qëllim të restaurimit dhe rinovimit në objekte të përzgjedhura përgjatë shtegut do të jenë aspekti thelbësor për të siguruar qëndrueshmëri të projektit.

Gjatë procesit të identifikimit të lokacioneve, sipas saj, ndër të tjera është shënjuar edhe ndërtesa e paraparë për Muze për Nënën Terezë në Prizren.

 

Click to comment

You must be logged in to post a comment Login

Leave a Reply

Trashëgimia

11 asete të reja i shtohen trashëgimisë kulturore të Kosovës

Published

on

11 asete të reja iu shtuan Kosovës në listën e trashëgimisë kulturore në mbrojtje të përhershme.

Kështu bëri të ditur Ministria e Kulturës, Rinisë dhe Sportit në një postim në Facebook.

Ndërkaq këto janë 11 asetet e reja që i shtohen kësaj liste:

Tuma e Shpenadisë – Prizren;

Tuma e Gjinocit – Suharekë;

Vendbanimi shumështresor i Topanicës – Kamenicë;

Vendbanimi prehistorik i Hisarit – Suharekë;

Sahat Kulla dhe Muzeu Arkeologjik – Prizren;

Shtëpia e familjes Pomaku – PrizrenKroi i Beledinjës – Prizren;

Shtëpia e Adem Aga Gjonit – Prizren;

Shtëpia e Zekirja Sokolit – Prizren;

Ndërtesa e Kuvendit të Vjetër – Beledije – Prizren;Kompleksi i Sarajit të Vjetër – Prizren./Media Ndërtimi

Continue Reading

Trashëgimia

Shqipëria u përgjigjet kritikave të UNESCO-s për Gjirokastrën dhe Beratin

Published

on

Organizata Botërore e Monumenteve, UNESCO u kërkoi një vit më parë autoriteteve shqiptare të finalizonin me urgjencë Planin e Menaxhimit të Integruar për Gjirokastrën dhe Beratin.

Shqipëria thotë në raportin e dorëzuar në UNESCO se kjo nuk është bërë ende dhe i arsyeton vonesat me largimin nga Instituti i Trashëgimisë të gjithë ekipit që punonte për Planin e Menaxhimit.

Ndërsa raporti i Shqipërisë për gjendjen e konservimit të Beratit dhe Gjirokastrës u publikua në faqen e Qendrës së Trashëgimisë Botërore, kjo ende nuk ka ndodhur për Butrintin, për të cilin raporti duhej të dorëzohej nga pala shqiptare më 1 shkurt, shkruan Radio Zëri i Amerikës.

Qendra e Trashëgimisë Botërore të UNESCOS publikoi në faqen e saj raportin e Shqipërisë për gjendjen e konservimit të “Qendrave Historike të Beratit dhe Gjirokastrës” që listohen si site në seri në pasuritë botërore.

Raporti është përgatitur nga ministria shqiptare e Kulturës dhe Ekonomisë në përgjigje të vendimit të Komitetit të Trashëgimisë Botërore që u mbajt në shtator të vitit të shkuar në Arabinë Saudite.

Sipas raportit ende Berati dhe Gjirokastra nuk kanë të finalizuar një Plan të Menaxhimit të Integruar, megjithëse proçesi me mbështetjen ndërkombëtare ka nisur që në vitin 2019 dhe është kërkuar të përfundojë me urgjencë nga Komiteti i Trashëgimisë Botërore.

Vendimi i Komitetit të Trashëgimisë Botërore ne sesionin e 45 te UNESCO-s që u mbajt vitin e shkuar në Arabinë Saudite, nuk ishte bërë i njohur më parë për opinionin shqiptar, por paragrafe të tij zbulohen nga raporti i dorëzuar këto ditë nga Shqipëria.

Në paragrafin 2,3 vendimi i Komitetit të Trashëgimisë Botërore shprehej “se vërente me keqardhje dështimin e Shtetit Palë (Shqipërisë ) për të zbatuar plotësisht asistencën ndërkombëtare të dhënë për zhvillimin e Planit të Menaxhimit të Integruar për Beratin dhe Gjirokastrën në bashkëpunim me sektorët qeveritarë dhe qytetarët”.

“Vendimet e mëparshme të Komitetit, thuhej më tej nga UNESCO, i kërkojnë Shtetit Palë që të finalizojë Planin e Menaxhimit si çështje urgjent, duke marrë parasysh komentet dhe rekomandimet e bëra tashmë nga Organet Këshillimore”.

Ndërsa UNESCO ka kërkuar me urgjencë përfundimin e Planit të Menaxhimit autoritetet shqiptare janë përgjigjur se ky proces nuk ka përfunduar edhe tani pasi i gjithë ekipi i punës së Institutit të Trashëgimisë Kombëtare që ishte i angazhuar drejtpërdrejt në hartimin e draftit të parë të Planit të Menaxhimit të Integruar është larguar nga ky institucion.

“Instituti Kombëtar i Trashëgimisë Kulturore ka dorëzuar në Qendrën e Trashëgimisë Botërore një draft të Planit të menaxhimit më 16 shkurt të vitit 2023 ndërsa komentet i janë dërguar Institutit Kombëtar të Trashëgimisë Kulturore më 16 mars të vitti 2023” thuhet në raportin e Shqipërisë.

Raporti vijon më tej se “rishikimi i draftit të Planit të Menaxhimit pas komenteve të ekspertëve të ICOMOS dhe ICCROM nuk ka përfunduar plotësisht brenda afateve kohore të përcaktuara në kontratë, për shkak të disa vështirësive”.

Sipas raportit “Instituti i Trashëgimisë gjatë periudhës së zbatimit të kontratës ka pasur disa ndryshime në nivelet e menaxhimit dhe nivelet e stafit teknik, dhe i gjithë ekipi i punës që ishte e angazhuar drejtpërdrejt në hartimin e draftit të parë të Planit të Menaxhimit të Integruar është larguar nga institucioni ”.

Raporti thotë se se “ aktualisht stafi i Institutit Trashëgimisë Kombëtare është i reduktuar dhe pa përvojën e nevojshme në përgatitjen e një plani të integruar të menaxhimit për të dyja qendrat historike”/Media Ndërtimi

 

Continue Reading

Trashëgimia

Kulla e shekullit XVIII në Deçan është shndërruar në muze etnologjik

Published

on

Përveç bukurive të shumta natyrore, Rrafshi i Dukagjinit ofron edhe shumë vende të tjera të trashëgimisë kulturore për t’i vizituar. Një prej tyre është edhe kulla e shndërruar në muze etnologjik.

Kulla e ndërtuar në shekullin XVIII nga familja e Zymer Himës në Deçan, tani është shndërruar në Muze Etnologjik.

Në këtë muze, janë të ekspozuara artefakte dhe eksponate të shumta të lidhura kryesisht me mënyrën e jetës nëpër periudhat e ndryshme historike në trevën e Rrafshit të Dukagjinit.

Drejtor i Muzeut dhe ekspert i trashëgimisë Bekim Vishaj bën thirrje që muzeu të pasurohet në vazhdimësi me vegla dhe artefakte të reja të cilat do ta pasuronin edhe më shumë këtë institucion të kulturës dhe trashëgimisë.

Muzeu Etnologjik (Kulla e Zymer Himës) është një monument i trashëgimisë kulturore në Deçan i kategorisë “artiktektuore” që mbikëqyret nga Komuna e Deçanit dhe Ministria e Kulturës./Media Ndërtimi

Continue Reading

Trending