Restaurantin në Kalanë e Vushtrrisë do ta hapë djali i dajës së kryetarit të komunës

0

Gjatë ditës së djeshme drejtoresha e Kulturës, Rinisë dhe Sportit në Vushtrri ka alarmuar publikun me një postim ku ka treguar se Instituti për Mbrojtjen e Monumenteve të Trashëgimisë Kulturore ka lëshuar vendim, me anë të cilit Kalanë e Vushtrrisë e ka dhënë në shfrytëzim për restaurant.

Një gjë e tillë është pranuar edhe nga ushtruesi i detyrës së këtij Institutit, Agim Gërguri, i cili ka thënë se do të ketë aktivitet të gastronomisë, e jo restaurant.

“Është e pavërtete e madhe që Kalaja e Vushtrrisë është shndërruar në restorant”, ka shkruar Gërguri, në një letër dërguar medieve.

E në një raport të lajmeve të Kohavisionit është thënë se shfrytëzuesi i ardhshëm i Kalasë së Vushtrrisë, në formë të restaurantit, do të jetë djali i dajës së Bajram Mulakut, kryetarit të Komunës së Vushtrrisë. Këtë gjë e ka konfirmuar edhe vet shfrytëzuesi i hapësirë, Mentor Salihu.

“Është e vërtetë që jam djali i dajës së Bajram Mulakut. Por nuk ka pasë qasje Bajrami, e komuna e Vushtrrisë”, ka thënë ai për KTV.

Ky veprim i Institutit për Mbrojtjen e Monumenteve të Trashëgimisë Kulturore ka ngjallur shumë reagime ndër qytetarë të Vushtrrisë dhe persona publik të këtij qyteti.

Vitet e fundit Kalaja e Vushtrrisë është shfrytëzuar për aktivitete nga komuna dhe shoqëria civile.

PËRGJIGJU

Please enter your comment!
Please enter your name here