Connect with us

Featured

Render-i si fushatë elektorale

Published

on

Shkruan: Arber Sadiki, arkitekt
Pak kush mundë t’a besojë që nga dhjetra emisione, promovime, debate elektrorale, që kan mbushur ekrane televizive, gazeta, portale, forume sociale, personalisht deri më sot kam ndjekur zero prej tyre. Kjo aspak nuk është një thirrje për qytetarët që të mos jenë aktiv në politikat që hartohen me impakt direkt mbi jetën e tyre, përkundrazi inkurajojë secilin për angazhim direkt. Por personalisht, kam një milion arsyje për t’i fikur të gjithë senzorët që mund të përthithin çfardolloj informacioni me përmbajtje politike. Si rrjedhojë e këtij mosinformimi, nuk jam në gjendje të jap asnjë gjysëm gjykimi rreth platformave që kan parashtruar cilido kandidat. Kjo qetësi do të kishte vazhduar në mua padyshim deri në fund të kësaj fushateje, po të mos ishte bombartuar faqja ime personale në Facebook nga një material parazgjedhor me përmbajtje arkitektonike. Këtu nuk mbeta pa u ngacmuar e rrjedhimisht edhe pa u shprehur.
Fillimisht, u gëzova që dikush promovimin e zhvillimit arkitekturor të qytetit e sheh si një mundësi për të mbledhur votues. Futja e arkitekturës në axhendën e politikbërjes e bënë atë të rëndësishme dhe rrjeshimisht ngritë cilësinë e saj. Kjo ndikon direkt në kualitetin urban, në cilësinë e jetës së gjithësecilit.
Edhe pse materiali kishte rreth dhejtë minuta kohëzgjatje, kohë kjo e konsiderueshme për një arkitekt, vendosa të rrezikoj dhe t’a shoh me vëmendje deri në fund. Një video material, atë që në gjuhën e vizualizimeve e quajmë animacion, e që në arkitekturë e përdorim kur na sosen të gjitha mjetet tjera për t’i spjeguar investitorit idenë tonë arkitektonike, për rreth dhjetë minuta t’a bënë Prishtinën përshesh e tërhon.
Në fakt materiali nuk është i ndërtuar pa strategji, gjithmonë mendoj elektorale. Ai nisë me prezentimin e kampusit universitar të stilit alla Dubai, në një lokacion të humbur të Prishtinës. Kjo me qëllim për të zbutur zemrimin e pritur të gjithësecilit për zhbërjen e kampusit universitar ekzistues të projektuar nga arkitekti Bashkim Fehmiu dhe shëndërrtimin e tij në një kampus fetar, i cili na “promovohet” fuqishëm në minutat vijues të prezentimit. Sallës së operas dhe baletit kaq të përfolur për gjetjen e njlë lokacion të përshtatshëm, këtu i gjindet vendi sa hapë e mbyllë sytë. Mu në mes të katedrales katolike, kishës ortodokse (e cila do të vihet në funskion simbas projektit në fjalë) dhe xhamisë që parasheh projekt-propozimi, duke e zhbë objektin e Institutin Albanologjik, një nga mrekullitë arkitekturore të Prishtinës. Në pozicionimin e saj, ndoshta autori e ka pasur parasysh numrin e vogël të instrumentistëve të orkestrës sonë simfonike, dhe ka menduar që shfaqjet e baletit dhe të operave të zhvillohet nën përcjelljen e tingujve të këmbanareve dhe ezanit?!
Normalisht, në një projekt-propozim të një bisnesmeni, siç ja ka ënda t’a quaj vehten autori, nuk ka si të mungoj edhe elementi i tregtisë. Një kullë gjigante, që e pagëzon “World Trade Center”, me një përmbajtje “All in one”, ngritet në lartësi si një përbindësh i gatshëm nga çasti në çast t’a gllabëroj qytetin. Lartësia e saj arrogante mbi objektet fetar, jep një mesazh të qartë të “rrespektit” të “bisnesmen-politicientit” ndaj besimit dhe komuniteteve fetare në raport me rrespektin ndaj profitit.
Prezentimit nuk i ikë pothuajse asnjë nga temat aktuale arkitektonike. Kjo prap është për t’u admiruar, por jo edhe keqpërdorimi i tyre. Stadiumi kombëtar i Kosovës i pozicionuar në Bërnicë, me sa duket nuk do të ketë nevojë fare për tribuna shikuesish, sepse do të mjaftojnë kullat alla Edi Rama përreth për të ndjekur ndeshjet.
I gjithë materiali përcillet me shifra qesharake investuese në raport me vlerën reale të asaj që shfaqet në ekran. Për më tepër të gjitha këto finansa thuhet se do të sigurohen nga “erërat e shenjta”.
Nëse diçka mund të ketë pozitive në gjithë këtë maskenball arkitektonik elektoral, është, me sa më tha një kolegë i cili mbahet se merr vesh nga konsulacionet politike, se promovuesi i këtij Disneyland materiali, ka gjasa për t’u bërë kryetar i Prishtinës aq sa ka gjasa të ndërtohen rrokaqejë prej fluskash sapuni, mu ashtu siç janë rrokaqejtë e propozuar prej tij.

Featured

Kompanitë kosovare ftohen të respektojnë Ligjin gjerman të furnizimit

Published

on

Ligji Gjerman i Zinxhirit të Furnizimit (Lieferkettensorgfaltspflichtengesetz – LkSG) ka hyrë në fazën e dytë të zbatimit më 1 janar 2024, duke zgjeruar fushëveprimin e tij për të mbuluar të gjitha kompanitë në Gjermani me mbi 1000 punonjës.

Zgjerimi do të shtojë rreth 2,000 kompani gjermane në kuadrin rregullator. Këto kompani do të aplikojnë kriteret që parashihen me ligj përgjatë gjithë zinxhirit të tyre të furnizimit dhe tek furnitorët jashtë Gjermanisë. Përfshirë këtu kompanitë nga Kosova që janë furnitorë të kompanive gjermane, apo që synojnë të bëhen furnitorë për kompani gjermane.

Ligji për Zinxhirin e Furnizimit u miratua në vitin 2021 dhe zyrtarisht hyri në fuqi më 1 janar 2023, duke iu kërkuar kompanive gjermane të plotësojnë kritere për të siguruar dhe mbrojtur të drejtat e njeriut dhe çështjet mjedisore në zinxhirët e tyre të furnizimit global.

Ligji implementohet në tri faza: Në fazën e parë, ligji gjerman u aplikua për kompanitë me mbi 3000 punonjës në Gjermani. Përafërsisht 900 kompani të mëdha gjermane u detyruan ta zbatojnë ligjin.

Në vitin e parë të zbatimit, Zyra Federale për Çështjet Ekonomike dhe Kontrollin e Eksportit (BAFA) ishte përgjegjëse për monitorimin dhe zbatimin e ligjit. BAFA kreu 486 inspektime të kompanive të mëdha për të vlerësuar pajtueshmërinë. Vlerësimi i përgjithshëm i BAFA ishte pozitiv, duke gjetur se kompanitë ishin përgjithësisht të suksesshme në krijimin e sistemeve dhe proceseve të nevojshme për të përmbushur kërkesat e Ligjit në fazën e parë.

Megjithatë, zgjerimi i zbatueshmërisë së Ligjit Gjerman të Zinxhirit të Furnizimit në ndërmarrjet e  mesme pritet të paraqesë më shumë sfida.

Kompanitë kosovare që nuk i zbatojnë kushtet e parapara me këtë ligj, nuk do të mund të vazhdojnë apo fillojnë eksportin në Gjermani.

Continue Reading

Aktuale

‘Autostrada Hangar’ do të hapë dyert për publikun më 5 Mars 2022

Published

on

Autostrada Hangar synon të gjenerojë bashkëjetesë mes komuniteteve duke punuar dhe prodhuar së bashku si një ekip dhe do të përdoret veçanërisht për të plotësuar nevojën urgjente të një edukimi joformal dhe programeve të ndërtimit të aftësive në mënyrë që të fuqizojë të rinjtë në Kosovë dhe rajon.

“Edhe pse hapësira jonë u përdor si një nga ambientet kryesore të edicionit të tretë në 2021, ku patëm një vit mjaft të suksesshëm me ekspozitën tonë ndërkombëtare, programin e zhvillimit të aftësive dhe edukimit, më 5 mars ajo do të jetë gati të hapë dyert e saj me një dizajn i ri dhe një program vjetor.

Deri më tani, ne kemi qenë të përkushtuar për të institucionalizuar “Autostrada Hangar” si institucioni i vetëm i artit bashkëkohor në Prizren përmes krijimit të një programi publik vjetor bazuar në nevojat e komuniteteve dhe partnerëve duke ndjekur parimin e gjithëpërfshirjes, duke e bërë programin të hapur për komunitete të ndryshme dhe më shumë. ekologjikisht të qëndrueshme”, shkruan në njoftim./Media Ndërtimi.

Continue Reading

Aktuale

Asociacioni i Arkitektëve shpallë zgjedhjet për kryetar

Published

on

Asociacionit të Arkitektëve të Kosovës, njofton se duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 27, të Statutit të Asociacionit të Arkitektëve të Kosovës, të vitit 2020, shpallë Zgjedhjet e rregullta për Kryetarin e AAK-së

Kuvendi zgjedhor i Asociacioni i Arkitektëve kosovar, do të mbahet të mërkurën, më 30.03.2022 nga ora 17:00, në Modelariumin e Fakultetit të Arkitekturës – Prishtinë.

Ftohen, të gjithë anëtarët e Asociacionit të Arkitektëve të Kosovës që të marrin pjesë në kuvendin zgjedhor, dhe në frymën e konkurrencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 33, të statutit./Media Ndërtimi.

Continue Reading

Trending