Reagon ashpër Haxhiu për dënimin prej 7,500 eurosh për vdekjen e Tafil Tafallarit

0

Deputetja e Lëvizjes Vetëvendosje në Kuvendin e Kosovës, Albulena Haxhiu ka reaguar në lidhje me dënimin me gjobë 7 mijë e 500 që ka ndërmarrë Inspektorati i Punës si masë ndëshkuese ndaj kompanisë “Bechtel & Enka”, në lidhje me vdekjen e punëtorit Tafil Tafallari, shkruan Ndërtimi.info

Deputetja, Haxhiu ka cilësuar të dhimbshme këtë vendim, pasi sipas saj u kuptua se në Kosovë jetë e një punëtori vlen 7 mijë e 500 euro.

Reagimi i deputetes Haxhiu ka ardhur pas publikimi të vendimit të Inspektoratit të Punës nga Ndërtimi.info, e që vazhdimisht ka përcjellë zhvillimet në lidhje me rastin e vdekjes së Tafil Tafallarit.

Derisa ka ngritur pyetje se a ka institucione të drejtësisë që vendosin drejtësi, Haxhiu ka vlerësuar se përgjegjësia penale është e para dhe mbi të gjitha.

“ 7, 500 euro qenka dënu kompania Bechtel&Enka për vdekjen e punëtorit në vendin e punës! Madje inspektoriati krekoset me këtë!

Pra u kuptua se në Kosovë jeta e një punëtori vlen 7,500 euro?!

E dhimbshme!

A ka institucione të drejtësisë në këtë vend që vendosin drejtësi dhe japin dënime penale për vdekjet e punëtorëve në vendet e punës?

Përgjegjësia penale është e para dhe mbi të gjitha!”, ka shkruara deputetja Haxhiu në facebook.