Connect with us

Aktuale

Rastet e shtatë të akuzuarve për korrupsion që i takojnë profilit të lartë parashkruhen në janar 2022

Published

on

Hulumtuesi i Institutit të Kosovës për Drejtësi (IKD), Leotrim Gashi ka thënë se rastet e shtatë personave të akuzuar për korrupsion, të cilët i takojnë profilit të lartë, pritet të parashkruhen deri më 20 janar 2022.

Gjatë publikimit të raportit “Korrupsioni në prag të parashkrimit”, Gashi deklaroi se IKD pas monitorimit dhe analizimit të aktakuzave të korrupsionit, ka gjetur raste të cilat rrezikojnë të mbeten të pagjykuara, për shkak të afrimit të përfundimit të afatit të parashkrimit absolut.

Sipas gjetjeve të IKD, janë 11 persona të akuzuar për vepra penale të korrupsionit, rastet e të cilave do të parashkruhen gjatë vitit 2022.

“Shtatë nga ta janë persona të profilit të lartë dhe rastet e tyre do të parashkruhen deri më 20 janar 2021”, tha hulumtuesi i IKD-së, raporton “Betimi për Drejtësi”.

Tutje, ai bëri të ditur se IKD ka identifikuar edhe rastet e 12 personave të tjerë, 6 të cilët janë të profilit të lartë, të cilat nëse nuk marrin një aktgjykim përfundimtar në vitin 2023, mund të parashkruhen pa një vendim përfundimtar.

Gjatë prezantimit të raportit, hulumtuesi i IKD-së tha se arsyet e parashkrimit janë të shumta, duke nisur nga numri i madh i lëndëve, mosrespektimi i afateve procedurale, avancimet e gjyqtarëve, mungesat e palëve, moszbatimi i masave ndaj palëve që mungojnë e kthimi i shpeshtë i rasteve në rigjykim.

Ditë më parë, “Betimi për Drejtësi” ka hulumtuar se si rasti i njohur si “FAN”, si një prej rasteve të mëdha të korrupsionit, i shënjestruar për liberalizimin e vizave, më 20 janar të vitit të ardhshëm do të parashkruhet.

Pra, si aktakuzë do të hudhet në shportë, ndërsa të akuzuarit do të mbesin përjetësisht të pagjykuar me një vendim meritor të drejtësisë për akuzat e ngritura ndaj tyre.

Mungesa e të akuzuarit Agim Deshishku dhe përfaqësuesit të palës së dëmtuar të ATK-së, ka bërë që të dështojë për herë të katërt seanca e rigjykimit ndaj ish-deputetit të Lidhjes Demokratike të Kosovës (LDK), Naser Osmanit dhe zyrtarëve të Agjencisë Kosovare të Privatizimit (AKP) Melita Ymeraga, Adrian Kelmendi, Bahri Shabani, Shkëlzen Lluka dhe Naim Avniu, në rastin e njohur si “FAN”.

Rigjykimi për këtë rast ka filluar më 8 korrik 2021, por që kjo seancë kishte dështuar, po ashtu kishin dështuar edhe seanca e 28 shtatorit dhe 28 tetorit, për arsye të mungesës së palëve në procedurë, raporton “Betimi për Drejtësi”.

Osmani bashkë me zyrtarët e Agjencisë Kosovare të Privatizimit (AKP) Melita Ymeraga, Adrian Kelmendi, Bahri Shabani, Shkëlzen Lluka dhe Naim Avniu, po akuzohen për veprën penale të keqpërdorimit të pozitës zyrtare.

Ndërsa, i akuzuari Deshishku po gjykohet për legalizim të përmbajtjes së rreme.

Prokuroria Speciale më 16 shkurt 2016, kishte ngritur aktakuzë kundër deputetit Naser Osmani, nënkryetar i Bordit të Drejtorëve të AKP-së, Bahri Shabani, Shkëlzen Lluka, Naim Avdiu, Melita Ymeraga, Adrian Kelmendi, Agim Deshishku./Media Ndërtimi.

 

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Aktuale

Rama paralajmëron se Tirana do të jetë metropoli me atraktiv i Ballkanit

Published

on

Kryeministri Edi Rama i ftuar në një ceremoni në kryeqytet, foli për Tiranën dhe transformimin e saj ndër vite.

Rama tha se në 5-6 vitet e ardhshme, këto që shohim do të jenë një pjesë dhe jo shumica e asaj që do të shohim, duke theksuar se ka shumë projekte, dëshirë, ambicie dhe shpirti i sipërmarrjes është futur në një garë për ndërtuar ndërtesa jo vetëm të mira, por edhe të bukura.

Ai shton se Tirana kështu do të bëhet një destinacion edhe arkitektonik.

Sipas, Ramës gjatë viteve në vazhdim shqiptarët do të jenë banorë dhe qytetarë të njërit prej kryeqyteteve më të bukur të Evropës, duke specifikuar se Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.

“Kjo është historia e një qyteti që nuk i ka thënë të gjithë. Unë besoj që në 5-6 vitet e ardhshme, këto që shohim do të jenë një pjesë, jo shumica e atyre që do të shohim, sepse ka shumë akoma projekte, dëshirë, ambicie dhe një lloj gare që është futur në shpirtin e sipërmarrjes që të bëjmë ndërtesa jo thjeshtë të mira, por edhe të bukura, duke i dhënë Tiranës mundësinë që të bëhet një destinacion arkitektonik.

Një vend mes Ballkanit që do të disponojë një koleksion veprash të arkitekturës të mbledhura së bashku nga arkitektët më të mirë të kësaj kohe dhe do të krijojë një trashëgimi të denjë për gjeneratat e tjera.

Unë nuk dyshoj, që nëse sot në ndjejmë kënaqësinë që kemi dalë nga ai llum i tmerrshëm ku e hapëm shekullin e ri në Tiranë, nesër do të jemi banorë dhe qytetarë të njërit prej kryeqyteteve më të bukur të Evropës. Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.”, deklaroi kryeministri Rama./Media Ndërtimi

Continue Reading

Aktuale

“Brenda shtëpisë së zbrazët, ajo jeton mes kujtimeve dhe dëshmon forcën e Nënës”

Published

on

Në rrugën “Martirët Qerkezi”, në shtëpinë-muze qëndron Nëna Ferdonije. Brenda shtëpisë së zbrazët, ajo jeton mes kujtimeve dhe dëshmon forcën e Nënës. Shtëpia e familjes Qerkezi, në Gjakovë dëshmon gjenocidin dhe spastrimin etnik të Serbisë në Kosovë.

Nga aty, 25 vite më parë, forcat policore të Serbisë ia rrëmbyen dhe zhdukën të katër djemtë: Artanin, Armendin, Ardianin e Edmondin, si dhe bashkëshortin Halimin. Nga ajo shtëpi u rrëmbyen edhe Vegim Qerkezi, Shpejtim Ymeraga, Skender e Myrteza Dylhasi, dhe Shpend e Fatos Jetishi.

Në Dardaninë e Pejës, më 27 mars 1999 forcat e armatosura serbe, policë të njësive speciale dhe serb lokal, brenda tri orëve i masakruan 40 civilë shqiptarë të kësaj lagje.

Ne i kujtojmë çdoherë e nuk do t’i harrojmë kurrë.

Në këtë 25 vjetor i përkujtojmë edhe 75 të vrarët në masakrën në Klladernicë të Skënderajt, 18 të vrarët në Mamushë, dhe 10 anëtarët e familjes Rama të vrarë në Obiliq. Sot, në Fushë Kosovë përkujtohen 168 shqiptarët e vrarë nga forcat e armatosura serbe.

Me mall e dhembje, i kujtojmë sot dhe ҫdo ditë, të gjithë të vrarët dhe të zhdukurit me dhunë nga Serbia.

Sakrifica e popullit tonë është themeli i Republikës sonë të lirë.

Lavdi të gjithë të rënëve në rrugën e gjatë për çlirimin e Kosovës!

Albin Kurti, kryeministër i Kosovës. Prishtinë, 27 mars 2024./Media Ndërtimi

Continue Reading

Trending