Connect with us

Aktuale

Qeveria mund t’i ‘mbyll sytë’ përsëri për mos inkasimin e faktuarve të energjisë në veri

Published

on

Buxheti i shtetit rrezikon të dëmtohet sërish nëse brenda këtij viti nuk gjendet një zgjidhje për humbjet si pasojë e mos-inkasimit të të hyrave për energjinë elektrike të shpenzuar në katër komunat në veri të Kosovës, ka raportuar ATV.

Institucionet shtetërore ende nuk kanë prezantuar një plan për mundësimin e inkasimit në Mitrovicën e Veriut, Zvecan, Leposaviq dhe Zubik Potok.

Një zgjidhje afatgjate dhe të qëndrueshme brenda gjashtë muajsh e kishte premtuar ministrja e Ekonomisë Artane Rizvanolli në muajin maj, kur kuvendi miratoi mbulimin e humbjeve prej 11 milion eurosh në veri, të Operatorit të Sistemit, Transmisionit dhe Tregut, KOSTT.

Javën e kaluar në raportimin e tij në Komisionin për Buxhet në Kuvend, Kryeshefi i KOSTT Jeton Mehmeti tha se institucioni që ai drejton ka mundësi të mbuloj shpenzimet vetëm deri në dhjetor.

Duke përmendur rrezikimin e likuiditetit financiar të KOSTT-it, ai shtoi se sërish mund t’i drejtohen Qeverisë ose Kuvendit për largimin e kësaj barre.

Në anën tjetër, Zyra e Rregullatorit të Energjisë ende nuk ka shqyrtuar kërkesën për licencim të kompanisë Elektrosever me seli në Mitrovicën e Veriut, ndonëse e njejta ka aplikuar në dhjetor të vitit të kaluar.

KOSTT ka njoftuar se humbjen në veri, në periudhën prill – gusht, janë 109 gigavat energji elektrike.

“Qeveria që ka obliguar KOSTT të kryej këtë detyrim ose barrë të mbulimit të humbjeve për pjesën e Kosovës veriore, duhet të jepë zgjidhje. Ose përmes tarifave, operatori I transmisionit është operator apo entitet I rregulluar, rregulloeht përmes Zyrës së Rregullatorit të Energjisë, ose Aksionari, në këtë rast, Qeveria e Republikës së Kosovës, duhet të subvencionojë për të mbajtur operatorin e transmisionit funksional’, ka thënë Arben Gjuka.

Brenda tetorit skadon ‘afati’ që Qeveria t’ua paguaj faktuarat e rrymës serbëve në veri  

Aktuale

Hapni dyert për instalimin e Valvulës Termostatike nga ekipet e autorizuara të Prishtina HeatSave

Published

on

Hapni dyert për ekipet e autorizuara ashtu që të përfitoni pajisjet si dhe instalimin e tyre falas. Pas nëntorit, këto pajisje së bashku me instalim do të kushtojnë deri në 500 euro për konsumator.

Andaj, nëse nuk do të jeni në shtëpi në datat e paralajmëruara për instalim në lagjen tuaj, ju lutem kontaktoni në 080099000 sa më parë, që të mos humbisni rastin për instalimin e pajisjeve të reja për radiatorët tuaj si:

Valvulës Termostatike e cila rregullon qarkullimin e ujit të ngrohtë nga sistemi i Ngrohtores Termokos deri tek radiatori.

Termo-Kokës e cila ndihmon në përcaktimin e temperaturës në radiator. Rrotullojeni për të caktuar temperaturën dhe për të kontrolluar shpenzimet e energjisë.

Alokatorit cili vendoset në radiator për të matur temperaturën dhe për të përcjellur shfrytëzimin e energjisë.

Prishtina HeatSave është investim 10M dollarësh nga Fondacioni i Mileniumit i Kosovës (MFK) & Korporata e Sfidave të Mileniumit (MCC), me qëllim të modernizimit të sistemit të matjes së shpenzimeve të ngrohjes përmes Termokos./Media Ndërtimi.

Continue Reading

Aktuale

Raporti i UN-Habita alarmon qytetet botërore

Published

on

UN-Habitat sapo ka publikuar Raportin e tij vjetor të Qyteteve Botërore gjatë sesionit të njëmbëdhjetë të Forumit Urban Botëror, i cili u zhvillua në Katowice, Poloni nga 27 qershor deri më 30 qershor 2022.

I titulluar “Parashikimi i së ardhmes së qyteteve”, pikat kryesore të publikimit të vitit 2022 janë njohuri për të ardhmen e sferës urbane, bazuar në “tendencat, sfidat dhe mundësitë ekzistuese, si dhe kushtet përçarëse, duke përfshirë mësimet e vlefshme nga pandemia COVID-19”.

Në fakt, ai synon t’u paraqesë qyteteve mënyra për t’u përgatitur për sfidat e ardhshme dhe për të adresuar çështjet aktuale.

Meqenëse popullsia globale që jeton në zonat urbane do të rritet nga 56 përqind në 2021 në 68 përqind në 2050, kryesisht në Afrikë dhe Lindjen e Mesme, transformimi i qyteteve tona për të arritur një të ardhme më të mirë duhet të jetë një interes global.

Duke pasur nevojë urgjente për “zgjidhje inovative për zonat urbane për t’iu përgjigjur kësaj krize të trefishtë C të COVID, klimës dhe konfliktit”, siç deklarohet nga Nënsekretari i Përgjithshëm i OKB-së dhe Drejtori Ekzekutiv i UN-Habitat Maimunah Mohd Sharif, Raporti i Qyteteve Botërore 2022 bën thirrje për më shumë angazhim nga qeveritë kombëtare, rajonale dhe lokale dhe inkurajon adoptimin e mëtejshëm të teknologjive inovative dhe koncepteve të jetesës urbane./Media Ndërtimi.

Continue Reading

Aktuale

Studentët e Arkitekturës të UP-së eksplorojnë ndërtimin e zonave urbane në Cottbus të Gjermanisë

Published

on

Studentët Behar Iberhysaj, Tringa Rama, Vanesa Nikqi, Dafina Balaj, Marina Frrokaj, ishin pjesë e Summer School – Introverted and Extroverted Spaces: Neë pedagogical approaches to the house and the city, në Cottbus të Gjermanisë, me dt. 11.06.2022 – 19.06.2022. Kjo vizitë është realizuar fal marrëveshjeve që Fakulteti i Arkitekturës ka me profesorët dhe universitetet në Gjermani.

Studentët kanë eksploruar se si është ndërtuar dhe përvetësuar hapësira urbane në disa territore në Cottbus përmes përjetimit të përvojës së tyre.

Gjate hulumtimit dhe punës së bërë janë përdorur metoda etnografike dhe vizuale për të identifikuar hapësirat që janë dhe mund të bëhen të dukshme dhe ato që janë dhe mund të mbeten të padukshme.

Qëllimi i shkollës verore ka qenë të rikonceptohet raporti mes shtëpisë dhe qytetit, duke reflektuar mbi nocionin se pjesët e dukshme dhe dimensionet prezentë e përbëjnë qytetin, ndërsa e padukshmja dhe jo-prezentja përfaqësojnë shtëpinë./Media Ndërtimi.

Continue Reading

Trending