Policia deklarohet për rastin e rrëzimit të punëtorit në Pejë

0

Përgjatë punimeve në një objekt në rrugën “Shpëtim Bojku” në Pejë, një punëtor është rrëzuar nga skelet dhe për pak sa nuk ka përfunduar me fatalitet.

Ndërtimi.info ka komunikuar me policinë për detaje më të hollësishme, të njëjtit kanë konfirmuar se shkaqet e këtij rasti ende janë duke e hetuar. Mirëpo, një prej arsyejeve sipas Policisë ka qenë heqja e pajisjeve mbrojtëse gjatë orarit të punës.

“Rasti ka ndodhur në orën 9:30 minuta, ky rast është klasifikuar si heqje e pajisjeve mbrojtëse gjatë orarit të punës. Viktima e këtij rasti është një person me inicialet G.P, nga Peja. Posa kemi marrë informacionet njësitë e Policisë kanë dal në vendin e ngjarjes, ku viktima është dërguar fillimisht në spitalin rajonal, dhe më pas në QKUK në Prishtinë”, ka thënë zëdhënësi i Policisë në Pejë  Xhevat Ibraj.

Sipas informacioneve të cilat i ka Policia nga stafi mjekësor i lënduari ka dëmtime të mëdha në kokë, mirëpo, gjendja e tij është jashtë rrezikut për jetë.

Lidhur me rastin në fjalë, Ibraj ka sqaruar më tej se është arrestuar menaxheri i kompanisë. “Me vendim të prokurorit, personit F.K i është shqiptuar masa e ndalimit, ndërsa procedurat në vazhdim varet nga vendimet që do të marrë prokurori. Rasti është ende në hetim e sipër”, ka shtuar më tej Ibraj.

 

 

PËRGJIGJU

Please enter your comment!
Please enter your name here