Një zyrtare e lartë e Gjermanisë tha të premten, më 27 janar, se ajo shpreson se vendi i saj do të marrë nga Australia hidrogjen të prodhuar nga burime të ripërtërira të energjisë, deri në vitin 2030.

Të dy vendet kanë përshpejtuar planet për të bashkëpunuar në fushën e energjisë së pastër ndërsa Gjermania përpiqet të gjejë një zëvendësim për furnizimet me gaz natyror nga Rusia. Gjermania po promovon një politikë ambicioze për reduktimin e emetimeve të CO2 në “zero” deri në vitin 2045, shkruan Radio Evropa e Lirë.

“Hidrogjeni i gjelbër” shihet si lëndë djegëse kyçe për makineritë në industri dhe prodhimi i tij kërkon temperatura të larta, të cilat krijohen në industrinë e metaleve.

Ministrja gjermane e Arsimit dhe Shkencës, Bettina Stark-Watzinger tha se Australia ka potencial të fortë për të prodhuar hidrogjen me ndihmën e energjisë së bollshme të ripërtërirë të erës dhe diellit.

“Qëllimi im është që dërgesa e parë të arrijë në Gjermani më së voni deri në vitin 2030”, tha Stark-Watzinger, pas një takimi në Berlin me ministrin e Australisë për Klimën dhe Energjinë, Chris Bown./Media Ndërtimi.

Komiteti i Trashëgimisë Botërore vendosi të regjistrojë Qendrën Historike të qytetit Port Odesa, Ukrainë, në Listën e Trashëgimisë Botërore. Vendimi simbolizon njohjen e vlerës së jashtëzakonshme të qytetit dhe angazhimin e 194 Shteteve Palë të Konventës për të mos ndërmarrë asnjë hap të qëllimshëm që mund ta dëmtojë atë dhe për të ndihmuar në mbrojtjen e tij.

Vendi është përfshirë gjithashtu në Listën e Trashëgimisë Botërore në Rrezik, e cila i jep akses në asistencë financiare ose teknike ndërkombëtare për të siguruar mbrojtjen e saj dhe, nëse është e nevojshme, për të ndihmuar në rehabilitimin e saj, sipas UNESCO-s.

Komiteti i Trashëgimisë Botërore vendosi të regjistrojë Qendrën Historike të qytetit Port Odesa, Ukrainë, në Listën e Trashëgimisë Botërore. Vendimi simbolizon njohjen e vlerës së jashtëzakonshme të qytetit dhe angazhimin e 194 Shteteve Palë të Konventës për të mos ndërmarrë asnjë hap të qëllimshëm që mund ta dëmtojë atë dhe për të ndihmuar në mbrojtjen e tij.

Vendi është përfshirë gjithashtu në Listën e Trashëgimisë Botërore në Rrezik, e cila i jep akses në asistencë financiare ose teknike ndërkombëtare për të siguruar mbrojtjen e saj dhe, nëse është e nevojshme, për të ndihmuar në rehabilitimin e saj, sipas UNESCO-s.

Një procedurë e përshpejtuar filloi në verën e vitit 2022 nga Organizata e OKB-së për Arsim, Shkencë dhe Kulturë (UNESCO) si përgjigje ndaj kërcënimeve me të cilat u përball qyteti që nga fillimi i luftës.

Organizata ndërkombëtare shtoi gjithashtu se masat emergjente tashmë kanë filluar të zbatohen në terren.

U bënë riparime për dëmet e shkaktuara në Muzeun e Arteve të Bukura në Odesa dhe në Muzeun e Artit Modern të Odesës.

Që nga 23 janari 2023, UNESCO ka verifikuar dëmtimin e 236 vendeve në të gjithë Ukrainën, duke përfshirë objektet fetare, muzetë, bibliotekat, ndërtesat me interes historik ose artistik dhe monumentet. Për të përditësuar rregullisht këtë bazë të dhënash, organizata kryen vlerësime paraprake të dëmeve për pronat kulturore duke kontrolluar incidentet e raportuara me burime të shumta të besueshme.

“Asnjë nga muzetë e analizuara nuk rezultojnë të jenë të qasshme dhe në dispozicion për personat me aftësi te kufizuara” shkruan në raportin ‘Institucionet Muzeale të qytetit të Prizrenit’, të cilën e ka publikuar organizata “Ec Ma Ndryshe”.

Ky rapot përmban një analizë dhe dokumentim të gjendjes ekzsituese të institucioneve muzeale të qytetit të Prizrenit, me autorë: Flaka Xërxa Beqiri, Blerta Breznica dhe Marigonë Rexha.

“Bazuar në përcaktimet e dhëna në Udhëzimin Administrativ për Kushtet Teknike të Objekteve Ndërtimore për Qasjen e Personave me Aftësi të Kufizuara si dhe në krahasueshmëri me rekomandimet ndërkombëtare mbi qasshmërinë gjithëpërfshirëse në institucionet muzeale mungon qasshmëria për personat me aftësi të kufizuar”, shkruan tutje në këtë raport.

Në muzetë e Prizrenit ka pengesa dhe barriera të theksuara fizike. Ka mungesë të rampave, platformave dhe ashensorëve për komunikim vertikal si dhe mungesën e tualeteve

Ky hulumtimi trajton pesë muzetë kryesore të qytetit te Prizrenit, duke përfshire: Muzeun Arkeologjik  Hamami i Shemsidin Beut dhe Sahatkulla, Muzeun Etnologjik – Shtëpia e Shehzades, Muzeun e Lidhjes Shqiptare tè Prizrenit, Muzeun e Kalasë se Prizrenit dhe Muzen e Elektroekonomise – Hidroeletrana “Prizrenasja”.

Ky hulumtim u realizua nga “EC Ma Ndryshe” në kuadër të projektit “Promovimi i trashëgimisë kulturore përmes fuqizimit të shërbimeve gjithëpërfshirëse dhe inovative në institucionet muzeale të qytetit të Prizrenit” mbështetur nga Drejtoria për Kulturë, Rini dhe Sport në Prizren./Media Ndërtimi.