Connect with us

Aktuale

Vetëm gjysmë kilometri zgjatet pista e Aeroportit në Prishtinë

Published

on

Ministri i Mjedisit, Planifikimit Hapësinor dhe Infrastrukturës, Liburn Aliu bashkë me përfaqësues të KFOR-it dhe LIMAK kanë dhënë detaje për projektin për zgjerim të pistës së aeroportit “Adem Jashari” dhe normalizimin e hapësirës së ultë ajrore.

Ministri Aliu ka thënë se ky projekt e bënë aeroportin konkurrues në rajon.

Sipas tij, pista do zgjatet nga 2,500 metra në 3,050 metra, raporton Kallxo.com.

“Sot do flasim për projektin për zgjatjen e pistës në Aeroportin Ndërkombëtar të Prishtinës dhe për normalizimin e hapësirës ajrore. Është projekt i veçantë, sepse këtë aeroport e bënë konkurrues në rajon. Me finalizimin e projektit do bëhet zgjatja e pistës nga 2 mijë e 500 metra në 3 mijë e 50 metra dhe do kemi furnizim me pajisje për ngritje e shërbimeve teknike”, ka thënë ministri Aliu.

Sipas tij, me realizimin e projektit, sistemi i aterrimit do avancohet nga kategoria 2 në kategorinë 3B.Ministri potencoi se pajisjet që do instalohen, kanë të bëjnë me navigimin, aterrimin dhe kushtet atmosferike.

“Pajisjet që do funksionalizohen me këtë projekt, të cilat kanë të bëjnë me navigimin e meteorologjinë do të luajnë rol të rëndësishëm për aterrim në kushte të vështira atmosferike dhe më këtë rast të anulohet shkaktari kryesor i anulimit të fluturimeve. Sipas IHMK, mjegullat janë prezentë 30-40 ditë brenda sezonës së dimrit”, shtoi ministri Aliu.

Kurse me procesin e normalizimit të hapësirës ajrore do ketë hapje të rrugëve të reja me shtete fqinje.

“Që nga përfundimi i luftës, fluturimet civile që hyjnë e dalin në Kosovë, bëhen përmes korridorit ajror nga Maqedonia e Veriut, p.sh një aeroplan që vjen nga Viena në Prishtinë, duhet të bëjë një rrugë 250 kilometra apo 20 minuta më gjatë, sepse duhet të fluturojë mbi Mal të Zi, Shqipëri dhe në Maqedoni të Veriut për të hyrë në Kosovë”, shtoi ministri Aliu.

Aktuale

Hapni dyert për instalimin e Valvulës Termostatike nga ekipet e autorizuara të Prishtina HeatSave

Published

on

Hapni dyert për ekipet e autorizuara ashtu që të përfitoni pajisjet si dhe instalimin e tyre falas. Pas nëntorit, këto pajisje së bashku me instalim do të kushtojnë deri në 500 euro për konsumator.

Andaj, nëse nuk do të jeni në shtëpi në datat e paralajmëruara për instalim në lagjen tuaj, ju lutem kontaktoni në 080099000 sa më parë, që të mos humbisni rastin për instalimin e pajisjeve të reja për radiatorët tuaj si:

Valvulës Termostatike e cila rregullon qarkullimin e ujit të ngrohtë nga sistemi i Ngrohtores Termokos deri tek radiatori.

Termo-Kokës e cila ndihmon në përcaktimin e temperaturës në radiator. Rrotullojeni për të caktuar temperaturën dhe për të kontrolluar shpenzimet e energjisë.

Alokatorit cili vendoset në radiator për të matur temperaturën dhe për të përcjellur shfrytëzimin e energjisë.

Prishtina HeatSave është investim 10M dollarësh nga Fondacioni i Mileniumit i Kosovës (MFK) & Korporata e Sfidave të Mileniumit (MCC), me qëllim të modernizimit të sistemit të matjes së shpenzimeve të ngrohjes përmes Termokos./Media Ndërtimi.

Continue Reading

Aktuale

Raporti i UN-Habita alarmon qytetet botërore

Published

on

UN-Habitat sapo ka publikuar Raportin e tij vjetor të Qyteteve Botërore gjatë sesionit të njëmbëdhjetë të Forumit Urban Botëror, i cili u zhvillua në Katowice, Poloni nga 27 qershor deri më 30 qershor 2022.

I titulluar “Parashikimi i së ardhmes së qyteteve”, pikat kryesore të publikimit të vitit 2022 janë njohuri për të ardhmen e sferës urbane, bazuar në “tendencat, sfidat dhe mundësitë ekzistuese, si dhe kushtet përçarëse, duke përfshirë mësimet e vlefshme nga pandemia COVID-19”.

Në fakt, ai synon t’u paraqesë qyteteve mënyra për t’u përgatitur për sfidat e ardhshme dhe për të adresuar çështjet aktuale.

Meqenëse popullsia globale që jeton në zonat urbane do të rritet nga 56 përqind në 2021 në 68 përqind në 2050, kryesisht në Afrikë dhe Lindjen e Mesme, transformimi i qyteteve tona për të arritur një të ardhme më të mirë duhet të jetë një interes global.

Duke pasur nevojë urgjente për “zgjidhje inovative për zonat urbane për t’iu përgjigjur kësaj krize të trefishtë C të COVID, klimës dhe konfliktit”, siç deklarohet nga Nënsekretari i Përgjithshëm i OKB-së dhe Drejtori Ekzekutiv i UN-Habitat Maimunah Mohd Sharif, Raporti i Qyteteve Botërore 2022 bën thirrje për më shumë angazhim nga qeveritë kombëtare, rajonale dhe lokale dhe inkurajon adoptimin e mëtejshëm të teknologjive inovative dhe koncepteve të jetesës urbane./Media Ndërtimi.

Continue Reading

Aktuale

Studentët e Arkitekturës të UP-së eksplorojnë ndërtimin e zonave urbane në Cottbus të Gjermanisë

Published

on

Studentët Behar Iberhysaj, Tringa Rama, Vanesa Nikqi, Dafina Balaj, Marina Frrokaj, ishin pjesë e Summer School – Introverted and Extroverted Spaces: Neë pedagogical approaches to the house and the city, në Cottbus të Gjermanisë, me dt. 11.06.2022 – 19.06.2022. Kjo vizitë është realizuar fal marrëveshjeve që Fakulteti i Arkitekturës ka me profesorët dhe universitetet në Gjermani.

Studentët kanë eksploruar se si është ndërtuar dhe përvetësuar hapësira urbane në disa territore në Cottbus përmes përjetimit të përvojës së tyre.

Gjate hulumtimit dhe punës së bërë janë përdorur metoda etnografike dhe vizuale për të identifikuar hapësirat që janë dhe mund të bëhen të dukshme dhe ato që janë dhe mund të mbeten të padukshme.

Qëllimi i shkollës verore ka qenë të rikonceptohet raporti mes shtëpisë dhe qytetit, duke reflektuar mbi nocionin se pjesët e dukshme dhe dimensionet prezentë e përbëjnë qytetin, ndërsa e padukshmja dhe jo-prezentja përfaqësojnë shtëpinë./Media Ndërtimi.

Continue Reading

Trending