Në raportin “Monitorimi i procesit të prokurimit dhe menaxhimit të kontratave në 20 komuna”, të publikuar nga Iniciativa për Progres INPO janë renditur edhe dy kontrata të nënshkruar nga Komuna e Pejës.
Në Komunën e Pejës vizita në terren është realizuar gjithashtu më 01.02.2023 dhe atë për kontratën: “Ndërtimi i palestrës së sporteve në Vitomiricë” dhe kontratën: “Ndërtimi i fushës së futbollit në Baran”. Lidhur me kontratën e parë, gjatë vizitës në terren janë evidentuar kryesisht punë jo cilësore të punimit të strukturave të metalit.
Nga fotografitë për shkak të mos ngjyrosjes së strukturës metalike tanimë është krijuar një masë e konsiderueshme e korrozionit, ndërsa përmes fotografive vërehet sesi saldimi është bërë në mënyrë jo cilësore dhe për pasojë struktura metalike është tejet e paqëndrueshme.
“Sa i përket kontratës: “Ndërtimi i fushës së futbollit në Baran”, monitoruesit e INPO-s kanë evidentuar pozicione të pa ekzekutuara për të cilat Autoriteti Kontraktues ka paguar. Këtu bëhet fjalë për pozicionet “Punimi i rrethojës së kantierit (pozicioni 9.2. në paramasë) në vlerë 450 euro, vendosja e zyrave në vend punishte (pozicioni 9.3. në paramasë) në verë 210 euro dhe sinjalizimi i punishtes (pozicioni 9.5. në paramasë) në vlerë 120 euro.”, shkruan në raportin e INPO-s.
Për shkak të mos ngjyrosjes së strukturës metalike tanimë është krijuar një masë e konsiderueshme e korrozionit, ndërsa në fotografinë 33 shihet se si saldimi është bërë në mënyrë jo cilësore dhe për pasojë struktura metalike është tejet e paqëndrueshme.
Sa i përket kontratës: “Ndërtimi i fushës së futbollit në Baran”, monitoruesit e INPO-s kanë evidentuar pozicione të pa ekzekutuara për të cilat Autoriteti Kontraktues i ka paguar.
Këtu bëhet fjalë për pozicionet “Punimi i rrethojës së kantierit (pozicioni 9.2. në paramasë) në vlerë 450 euro, vendosja e zyrave në vend punishte (pozicioni 9.3. në paramasë) në verë 210 euro dhe sinjalizimi i punishtes (pozicioni 9.5. në paramasë) në vlerë 120 euro.
Në një fotografi tjetër është e qartë se asnjëri nga pozicionet e lartcekura nuk është ekzekutuar nga OE, ndërsa përkundër kësaj në mënyrë krejtësisht të kundërligjshme Autoriteti Kontraktues ka ekzekutuar pagesat sikur të ishin përmbushur të njëjtat pozicione.
Se këto mjete janë keqpërdor qëllimshëm, e argumenton fakti se përkundër që këto pozicione është dashur të ekzekutohen dhe të merren pagesat qysh në faturën e parë sepse kanë hyrë në kuadër të punëve përgatitore këtë gjë Operatori Ekonomik nuk e kishte bërë, pra nuk i kishte faturuar këto pozicione në faturën e parë të datës 01.12.2020, por këtë e kishte bërë në faturën e dytë të datës 04.10.2021.
Pra, në faturën e dytë dhe atë pothuajse një vit pas fillimit të kontratës OE faturon punët përgatitore, të njëjtat i pranon menaxheri i kontratës dhe brenda afatit ligjor ekzekutohen edhe pagesat, përkundër që faturimi ka qenë fiktiv sepse ekzekutimi i pozicioneve nuk ka ndodhur. Në fotografinë e dytë mund të shihet progresi i punëve në kuadër të ndërtimit të fushës, konkretisht përkundër që kanë kaluar të gjitha afatet kontraktuale, punët në terren janë ekzekutuar vetëm në masën 39.07% dhe kjo nëse marrim parasysh nivelin e pagesave. Konkretisht nga 415,492 euro sa është vlera e kontratës, deri më tani janë ekzekutuar dy pagesa në vlerë totale 162,345 euro./Media Ndërtimi.