Connect with us

Infrastrukturë

Parkingu nëntokësor në Vushtrri do të ketë kapacitet për 100 automjete, në përfundim edhe Tregu i Gjelbër

Published

on

Kryetari i Komunës së Vushtrrisë, Ferit Idrizi, ka thënë për Ekonomia Online se përgjatë dy viteve e gjysmë, kanë treguar një përformancë të mirë qeverisëse. Ai ka thënë se gjatë gjashtëmujorit të parë të këtij viti të gjitha premtimet janë në proces të realizimit.

Idrizi ka njoftuar se me marrjen e mandatit të tij, ka arritur sukses në fushën e arsimit, duke ndarë bursa për studentët me bachelor dhe master, si dhe për të gjithë studentët e Vushtrrisë që studiojnë jashtë vendit.

“Ne në realitet e patëm tubimin me qytetarët ku kemi raportuar për të gjitha projektet që janë realizuar dhe që janë në realizim për këtë gjashtë mujor. Vërtetë kemi shumë projekte të cilat i kemi realizuar për këtë gjashtë mujorin e parë të vitit 2024, duke filluar prej fushën së arsimit, si projekte që janë realizuar janë dalja e bursave për student të nivelit bachelor dhe master. Për herë të parë kemi arritur nivelin e bursës në 600 euro, madje kemi nda bursave edhe studentëve që studiojnë jashtë Kosovës që e ka vlerën 800 euro, për vendet që i kanë regjionet dhe një mijë euro për vendet e BE-së. E përmbyllën vitin shkollore me shumë suksese e kemi rekrutuar psikologët nëpër shkollat e qytetit. Zëvendësdrejtorët kanë pasur gara në mësim, si projekt tjetër në këtë fushë tek rinia e kemi pasur edhe zhvillimin e kapacitetit të arsimit profesional, fillimi i mësimit dual”, njoftoi ai.

Kryetari theksoi se punimet janë duke u bërë në sheshin e qytetit parkingu me kapacitete prej 100 automjeteve.

Tutje, sipas tij është duke u ndërtuar edhe një shkollë fillore që arrin vlerën e një milionë e 100 mijë eurove.

“Sa i përket investimeve kapitale, për mua është investimi në rini ka shumë projekte duke u realizuar edhe nëpër fshatra edhe nëpër qytet. Është duke u punuar në sheshin e qytetit është duke u punuar parkingu nëntokësor me kapacitet prej 100 automjeteve. Tash punimet janë duke vazhduar ai projekt do të vazhdojë deri në mesin e vitit të ardhshëm. Po ashtu edhe Tregu i Gjelbër janë duke u zhvilluar punimet edhe aty ka përfunduar parkingu nëntokësor. Rruga ‘Drenica’ është gati në përfundim të përgatitjes për asfaltim, rruga ‘Avni Saraqi’, “Lumni Surdulli” do të përfundoi brenda këtij viti. Projekti tjetër në qytet që është duke u ndërtuar një shkolle të plotë fillore që arrin vlerën diku një milion e 100 mijë euro që është në oborrin e shkollës ‘Mustafë Venhari’”, ka thënë Idrizi.

Krahas projekteve që janë duke u realizuar në Komunën e Vushtrrisë, kryetari deklaroi se janë duke marrë edhe me furnizimin e ujit të pijshëm në gjithë komunën e fshatrat përreth saj.

Përveç kësaj, edhe dy projektet më të fuqishme të tij, siç është “Tregu i Gjelbër” dhe “Parkingu nëntokësorë, janë në proces të realizimit dhe do të përfundojnë në vitin e ardhëm./Media Ndërtimi

Infrastrukturë

Komuna e Ferizajt nuk mbledh paratë për lejet ndërtimore e tatimin në pronë

Published

on

Borxhet ndaj Komunës së Ferizajt vazhdimisht po rriten sipas ZKA-së.

Më së shumti borxhe Komunës së Ferizajt po i vijnë nga tasktat për lejet e ndërtimit dhe tatimi në pronë.

Sipas ZKA-së Komuna e Ferizajt nuk ka pasur menaxhim efektiv në mbledhjen e borxheve.

ZKA tregon se në raport me vitin 2022, në vitin 2023 borxhet janë rritur për 857 mijë e 337 euro e 30 centë.

“Sipas komunës gjendja ekonomike e sociale e komunës, ka ndikuar, deri te mos pagesa e borxheve tek tatimi në pronë, derisa sa i përket bizneseve komuna nuk na ka dhënë ndonjë arsye konkrete pse nuk është duke ndërmarr veprime për inkasim” – thuhet mes tjerash në raportin e ZKA-së.

Auditori i Përgjithshëm thotë se mos marrja e veprimeve për mbledhjen e borxheve ndikon në përkeqësimin e performancës së inkasimit, ndikohet trendi negativ i rritjes si dhe reflekton negativisht në financimin dhe realizimin e projekteve nga të hyrat vetanake.

“Kryetari duhet të siguroj që po shqyrtohen në mënyrë aktive të gjitha opsionet e mundshme, duke vendosur politika dhe rregullore me qëllim të rritjes së efikasitetit në mbledhjen e borxheve duke shqyrtuar gjitha masat në pajtim me ligjin, ndaj operatorëve të cilët nuk i përmbushin obligimet” – është rekomandimi i ZKA-së për kryetarin e Ferizajt.

Komuna e Ferizajt është pajtuar me gjetjen e ZKA-së.

Kjo Komunë është vlerësuar me “Opinion të kualifikuar” i cili formulohet kur janë zbuluar keqdeklarime dhe/ose mospajtueshmëri, qoftë një i vetëm apo një grumbull, “që janë të barabartë me ose e tejkalojnë nivelin e materialitetit për pasqyrat financiare si tërësi; ose kur keqdeklarimi dhe/ose mospajtueshmëria e zbuluar brenda një klase të caktuar transaksionesh është i barabartë ose e tejkalon nivelin e materialitetit më të ulët të vendosur për këtë klasë të transaksioneve”.

Agim Aliu, kryetari i Ferizajt ka konfirmuar pranimin e raportit dhe i ka thënë ZKA-së se brenda 30 ditësh do e dorëzoj planin e veprimit për adresimin e rekomandimeve të ZKA-së.

Për vitin 2022, Ferizaj kishte pranuar 19 rekomandime nga ZKA. Sipas raportit, vetëm 6 rekomandime janë zbatuar kurse 13 nuk janë zbatuar./Media Ndërtimi

Continue Reading

Infrastrukturë

Qyteti i Barcelonës po përgatitet të organizojë edicionin e 15-të Manifesta

Published

on

Qyteti i Barcelonës dhe rajoni po përgatiten të presin Manifestën, bienalen nomade evropiane të artit, arkitekturës dhe urbanizmit, e cila do të festojë edicionin e saj të 15-të më 8 shtator 2024. Ngjarja do të zhvillohet në dymbëdhjetë qytete gjatë dymbëdhjetë javëve, ku një listë e gjerë pjesëmarrësish do të materializojë projekte që synojnë riimagjinimin e së ardhmes përmes artit dhe arkitekturës.

Edicioni i parë i Manifesta u zhvillua në Roterdam në vitin 1996. Gjatë 14 edicioneve të mëparshme përgjatë 25 viteve, ai ka vizituar qytete të ndryshme evropiane si Luksemburgu, Ljubljana, Frankfurt, San Sebastián, Trentino-Tirol Jugor, Murcia, Genk, Shën Petersburg, Cyrihu, Palermo, Marsejë dhe Prishtinë. Një nga shtyllat kryesore të Manifesta bazohet në kërkimin kritik urban, duke promovuar ndërtimin e komuniteteve dhe programeve kulturore me një identitet lokal që veprojnë si agjentë ndryshimi. Ndërsa karakteri nomad është një shenjë dalluese e ngjarjes, çdo qytet punon me komunitetet artistike lokale, qytetarët dhe organizatat për të realizuar projekte që adresojnë çështjet e natyrshme të vendndodhjes.

Për këtë edicion të ardhshëm, Barcelona paraqiti kandidaturën e saj për të pritur Manifesta me premisën për të rimenduar marrëdhëniet midis qendrës historike të qytetit dhe rrethinave të tij urbane dhe natyrore, duke përfshirë lumenjtë, malet dhe Detin Mesdhe. Për më tepër, ai synon të rishqyrtojë funksionet aktuale të këtyre zonave në lidhje me Barcelonën.

Edicioni i 15-të i Manifesta do të eksplorojë sfidat urbane, mjedisore dhe politike me të cilat duhet të përballet rajoni metropolitane dhe se si këto ndikojnë në zonë, duke i projektuar gjithashtu këto çështje në kontinentin evropian dhe në pjesën tjetër të botës.

Kuadri konceptual i programit Manifesta 15 fokusohet në eksplorimin e mënyrave të reja të jetesës në harmoni me mjedisin natyror dhe anasjelltas. Pjesëmarrës nga disiplina të ndryshme janë ftuar të zhvillojnë projekte dhe ndërhyrje të përshtatura në mënyrë specifike për secilin kontekst në vendndodhje të ndryshme në të dymbëdhjetë qytetet.

Programi organizohet në tre kategori tematike dhe gjeografike: Balancimi i konflikteve në deltën e Llobregatit, Kujdesi dhe kujdesi për veten, i cili do të zhvillohet në malet Collserola dhe zonën e Vallès, dhe Imagjinimi i së ardhmes në zonën e lumit Besòs dhe bregun verilindor.

Për më tepër, gjatë Manifestës 15, do të organizohen FocusWeeks, javë të dedikuara për të diskutuar tema të ndryshme specifike për çdo qytet pritës. Për të inauguruar secilën prej këtyre FocusWeeks, do të ndërtohet një “selinë e lëvizshme” në bashkëpunim me studentët nga IAAC (Instituti për Arkitekturën e Avancuar të Katalonjës), i cili do të veprojë si një qendër kulturore dhe hapësirë ​​e lëvizshme e komunitetit për të pritur aktivitete të ndryshme në çdo vend ku është. ngritur.

Manifesta 15 fton vizitorët të eksplorojnë hapësira të ndryshme ikonike të arkitekturës dhe historisë katalanase, si dhe të eksplorojnë rrugët brenda qyteteve pritëse të ngjarjes. Në këtë mënyrë, së bashku me projektet e përshtatura dhe të ndërtuara posaçërisht për bienalen, synohet të nxisë reflektimin mbi mjedisin e ndërtuar dhe natyror, drejt së ardhmes dhe ndryshimit, duke njohur fuqinë e arteve për të katalizuar transformimin shoqëror./Media Ndërtimi

Continue Reading

Infrastrukturë

Hapet tenderi i projektit 7 milionë euro që ndërlidhë lagjen “Arbëria” me Pallatin e Rinisë

Published

on

Komuna e Prishtinës e ka hapur sot garën për tenderin me vlerë të parashikuar prej afro shtatë milionë eurosh për projektin që do të ndërlidhë lagjen “Arbëria” me Pallatin e Rinisë.

Afati i fundit për pranimin e ofertave për këtë tender është 14 gushti.

Sipas njoftimit të Komunës së Prishtinës, tenderi është titulluar: “Ndërtimi i ishullit urban Arbëri-Pallati i Rinisë” dhe vlera e parashikuar e kontratës është saktësisht 6.76 milionë euro.

Kompanitë e interesuara të marrin pjesë në tender janë njoftuar që të dërgojnë ofertat përmes platformës së prokurimit online, e-prokurimi.

“Projekti për këtë aktivitet për arsye të madhësisë që përmban fajlli, nuk ka mundësi që të ngarkohet në platformë. Andaj, secili OE i interesuar mund të vijë ta marrë projektin në zyrat e prokurimit me CD”, thuhet në njoftimin e Komunës së Prishtinës.

Continue Reading

Trending