Aktuale
Nivel i lartë i pasigurisë nga zjarri në ndërtesat e Prishtinës [video]
Gjendja aktuale e ndërtesave në Prishtinë krijon kushtet që në rast të ndonjë zjarri të mundshëm, do të shkaktohej një tragjedi sikur në Londër.
Nëse rastis që të ketë zjarr në katet më të larta se kati i shtatë, zjarrfikësit e Prishtinës do të duhet të dalin nga vetvetja. Mjetet e tyre arrijnë vetëm deri në katin e shtatë. Ky nuk është i vetmi problem i zjarrfikësve. Ketë hall e qan para kamerës sonë, udhëheqësi i brigadës së zjarrfikësve, Latif Zeka.
“Pajisjet tona të cilat i kemi për të intervenuar në raste të zjarrit, arrijnë deri në katin e shtatë, e në rastet kur kemi zjarr në katet më të larta është pothuajse e pamundur që të intervenojmë”, ka thënë Zeka për Ndërtimi.info.
Problem tjetër i zjarrfikësve është mënyra për të intervenuar në vendin ku ka pasur zjarr. Kjo për shkak të hapësirës ku në rastet më të shpeshta ato trotuare janë të zëna nga automjetet e banorëve të atyre ndërtesave. Mjafton që të shëtitësh hyrjet dhe katet e ndërtesave në lagjen “Ulpiana” dhe sheh që në korridoret e tyre nuk ka hidrat funksional, duke përfshirë rastet kur nuk ka fare. E njëjta gjendje i përcjell edhe tri rrokaqiejt e “Ulpianës”.
I pyetur nga Ndërtimi.info lidhur me problemet të cilat i kanë zjarrfikësit e Prishtinës me banesat e vjetra Zeka tha se problemet i përcjellin edhe te ndërtesat e reja, ku ka probleme me hidrantë dhe nuk ka shkallë emergjente.
Pasigurinë nga zjarri në ndërtesa ku banojnë e qajnë edhe banorët e lagjes “Ulpiana”. Gent Mataj, banor i kësaj lagjeje tregon se është jashtëzakonisht e rrezikshme gjendja në rast të ndodhjes së ndonjë aksidenti në ndërtesën ku ai banon pasi nuk ka as shkallë emergjente dhe as hidrant.
Sipas asaj që thotë Mataj, banorët duhet të ia bëjnë “qarën” vetës dhe të gjenden si të munden në këto raste. Por, shpresa më e madhe të cilën e kanë banorët e “Ulpianës”, është që të mos ketë zjarr fare. Se në të kundërtën ata mbesin vetëm dorën e fatit.
Në gjashtë muajt e fundit, Zeka tregon se kanë qenë mbi 800 raste në të cilat është intervenuar me sukses. Vetëm dy prej tyre të cilat ka pasur lëndime në njerëz dhe ato kanë qenë aksidente komunikacioni.
-
Infrastrukturë11 hours ago
Prezantohet projekti për ndërtimin e Digës së Dragaçinës në vlerë 40 milionë euro
-
Infrastrukturë2 days ago
Një perandori me 10 shifra, Investitorët në ishullin Sazan deklarojnë 3 miliardë dollarë asete
-
Infrastrukturë2 days ago
Në Tajvan po ndërtohet ura më e gjatë në botë asimetrike 920 metra
-
Infrastrukturë10 hours ago
Tenderi 1.2 milionë euro që u vlerësua nga ‘dostat’ për t’ia dhënë shokut të Përparim Ramës!
-
Aktuale2 days ago
Ndërpritet gjykimi ndaj ish-drejtorit të kompanisë “Sallahu” dhe drejtorit të Njësisë së Auditimit në MI
-
Infrastrukturë2 days ago
Vërshime në Dubai, një viktimë nga shiu më i madh në Emiratet e Bashkuara në 75 vjet
-
Infrastrukturë8 hours ago
Zv.ministri Durmishi njofton një projekt të ri, në rrugën Istog – Pejë – Deçan – Gjakovë – Prizren
-
Infrastrukturë2 days ago
Shumica e banesave në Gjilan janë të banueshme dhe pa certifikatë të përdorimit!
You must be logged in to post a comment Login