Connect with us

Infrastrukturë

Plus 50 euro rritet çmimi i qirave të banesave në Prishtinë

Published

on

Është ngritur këtyre ditëve edhe çmimi i qirasë së banesave, që ka ndikim të drejtpërdrejtë te tkurrja e mirëqenies sociale të një kategori e konsiderueshme qytetarësh

Nëse dikush, qoftë ekspert, profesionist apo fare laik, do të bënte këtyre ditëve një vëzhgim fare të përcipët lëvizjeve të çmimeve në kryeqytet, do të vrejë lehtësisht që nuk ka sektor qoftë të prodhimit, qoftë të shërbimeve që nuk ka ngritje enorme të çmimeve. Tashmë dominojnë çmimet e ngritura egërsisht jo vetëm te derivatët e naftës e te produktet elementare ushqimore, por edhe te të gjitha mallrat e tjera dhe te shërbimet prej më të ndryshmeve, shkruan Buletini Ekonomik.

Është ngritur këtyre ditëve edhe çmimi i qirasë së banesave, që ka ndikim të drejtpërdrejtë te tkurrja e mirëqenies sociale të një kategori e konsiderueshme qytetarësh. Dhe, kjo kategori e kosovarëve që paguajnë qira për banesë as nuk është numerikisht e paktë, as nuk është me gjendje të lakmueshme sociale.

Një qytetare në Prishitnë, në kushte anonimiteti tha për Buletinin Ekonomik se çmimi i qirasë së baneses i është rritur për 50 euro dhe muajin e ardhshëm, pra për muajin korrik ai do të paguaj ndjeshëm më shumë në emër të qirasë së banimit. Ajo tha së pronarët këtë rritje çmimi të qirasë e ndërlidhin dhe e arsyetojnë me rritjen e fundit të çmimeve të banesave, si rrjedhojë e çmimeve të ngritura tej mase të materialeve të ndërtimit.

Sipas qiradhënësve, çmimi i ngritur në përqindje jot ë vogëla të një metri katror të banesave ka ndikim direkt te qiraja dhe kjo ka pamundësuar që qiratë të jenë me çmimin e njejtë të mëparshëm.

Prishtinasja ka saktësuar se paralajmërimi për rritje të qirasë është bërë në këtë muaj ndonëse, siç thekson ajo, është një përiudhë shumë e shkurtër kohore dhe lëvizja e çmimit kaq shumë duhet paralajmëruar shumë kohë më heret. “Para dy tri dite me ka telefonuar pronari i banesës dhe me ka thënë se nga muaji i ardhshëm çmimi për pagesë do të jetë 250 euro nga 200 sa e kisha deri më tash”, ka thënë ajo.

Buletini Ekonomik sot ka vizituar dhe ka kontaktuar disa agjencione të patundshmërive në Prishtinë të cilët poashtu kanë konfimuar rritjen e qirave dhe të banesave për shitje. Sipas tyre, ngritja e çmimeve të banesave është bërë për faktin e rritjes se materialeve të ndërtimi dhe rritjes goxha evidente të çmimit të  tokave, që u jepen, apo u shiten ndërtimtarëve për të ndërtuar ndërtesat me banesa për shitje.

Ndërsa çmimet e reja të qirave, sipas vlerësimit të tyre, “është një rritje shumë e lehtë dhe nuk është së vrehet edhe aq”, edhe pse bëhet fjalë për së paku për njw të katërtën, ose një të pestën e ngritjes së çmimit të qirasë, krahasuar me atë të deritashmin./Media Ndërtimi.

Infrastrukturë

Vonesa në kryerjen e punëve dhe pa pranimi teknik projektit “Bashkimi i qytetit të Ferizajt”

Published

on

Zyra Kombëtare e Auditimit (ZKA) ka publikuar raportin e auditimit të performancës “Menaxhimi i projektit: Bashkimi i qytetit të Ferizajt”.

Objektivë e këtij auditimi ishte të vlerësohej nëse Komuna e Ferizajt ishte efikase në planifikim dhe menaxhim si edhe nëse janë arritur objektivat e këtij projekti.

Zyra Kombëtare e Auditimit ka audituar projektin që nga zanafilla e tij në dhjetor të vitit 2017 e deri në prill të vitit 2022, përfshirë planifikimin, procedurat e prokurimit, menaxhimin dhe arritjen e objektivave të projekti.

Subjekt i këtij auditimi janë Komuna e Ferizajt dhe departamenti i Financave në Ministrinë e Mjedisit, Planifikimit Hapësinor dhe Infrastrukturës, i cili është përfshirë në fushëveprim sa i përket çështjes së pagesave të kryera në emër të projektit.

Auditimi ka konstatuar se Komuna e Ferizajt nuk ishte efikase në planifikimin dhe menaxhimin e projektit “Bashkimi i qytetit” sepse kishte marrë më shumë kohë dhe kishte kushtuar më shumë se që ishte paraparë.

Auditimi ka nxjerrë në pah, se si pasojë e planifikimit jo të mirë të projektit, komuna kishte kontraktuar shumë punë të cilat nuk ishin parashikuar në fillim dhe për pasojë kishte kosto shtesë, menaxhim jo efektiv të kontratave, kishte vonesë në kryerjen e punëve dhe ende nuk është bërë pranimi teknik i projektit.

Po ashtu, komuna nuk ka bërë vlerësim lidhur me nivelin e arritjes së objektivave të ndërtimit të projektit, që do të thotë se nuk ka informacion se çfarë vlere i ka shtuar investimi jetës së qytetarëve të komunës.

Komuna nuk e kishte përfshirë projektin në dokumentet strategjike duke e zbehur kështu transparencën ndaj qytetarëve. Nuk ishin buxhetuar mjete të mjaftueshme për realizimin e projektit dhe si pasojë projekti nuk ka arritur të realizohet me kohë.

Komuna nuk kishte marrë të gjitha masat për të siguruar parakushte për ndërtim të papenguar të projektit. Përveç kësaj, kishte kontraktuar shërbime apo punë me çmim shumë më të lartë se vlera e parashikuar e kontratave duke e kufizuar konkurrencën mes operatorëve ekonomik. Kemi gjetur edhe se Komuna i kishte paguar operatorit ekonomik punë të cilat ende nuk janë përfunduar dhe në anën tjetër operatori ekonomik ka përfunduar punë për të cilat ende nuk është paguar.

Komuna nuk ka njohuri se a i ka arritur objektivat e projektit sepse nuk ka hartuar një metodë për të matur ndikimin që do të ketë projekti në përmirësimin e jetës së qytetarëve.

Auditorja e Përgjithshme, Vlora Spanca,  lidhur me këtë auditim ka shprehur shqetësimin lidhur me mungesën e kontrolleve në fazën e planifikimit, tenderimit dhe menaxhimit të projektit dhe ka deklaruar se është më se  e nevojshme që fondet publike të shpenzohen me përgjegjshmëri të plotë. Planifikimi i dobët dhe menaxhimi jo efektiv i kontratave publike që ndërlidhen me projektin “Bashkimi i qytetit” i ka kushtuar buxhetit të Kosovës shpenzime shtesë, dhe, edhe pas katër viteve projekti nuk ka përfunduar. Projektet e tilla me interes publik dhe me kosto të lartë financiare, duhet t’i nënshtrohen një diskutimi gjithëpërfshirës dhe me kohë me qytetarët dhe duhet të ketë objektiva të qarta dhe të matshme për realizmin e tyre.

Me qëllim të përmirësimit të procesit të menaxhimit të projekteve të tilla ndërtimore kemi dhënë dy rekomandime për Ministrinë e Mjedisit Planifikimit Hapësinor dhe Infrastrukturës dhe 11 rekomandime për Komunën e Ferizajt.

Continue Reading

Infrastrukturë

Ndahen 50 milionë euro për 300 kompani ndërtimi në Shqipëri

Published

on

Akti normativ i qeverisë që kompenson çmimet e materialeve të ndërtimit ka shkaktuar debate mes mazhorancës dhe opozitës në parlament.

Ministrja e financave, Delina Ibrahimaj bëri me dije se nga ky akt do të përfitojnë 300 kompani dhe se vlera që do i kushtojë buxhetit të shtetit kapë shifrën e 6 miliardë lekëve.

“Rritja ndjeshme e çmimeve në treg për materialet e ndërtimit ka ngadalësuar një pjesë të madhe të kontratave publike pasi ecuria e mëtejshme e tyre do të shkaktonte humbje të parikuperueshme për kompanitë e tyre deri në falimentimin e tyre. Kjo situatë do të detyronte ndërprerjen e punimeve si pasojë do të kishim ngadalësim të përfundimit të objekteve që janë të parashikuara këtë vit në buxhet”, u shpreh ministrja e Ekonomisë, Delina Ibrahimaj.

Deputetja demokrate, Grida Duma akuzoi qeverinë se po favorizon disa kompani.

Kritikat nuk ishin vetëm nga opozita, por edhe nga vetë brenda grupit parlamentar socialist. Erion Braçe tha se nisma e qeverise është e duhura por ka nevojë për më shumë transparencë

“Ndërkohë ky akt ka një boshllëk shumë të madh, të thellë që rrezaton mënyrën sesi kapitalistët tanë por edhe ne në ndonjë rast mendojmë. Do paguajmë më shtrenjtë hekurin, çimenton, bitumin, tubat, telat madje edhe me çmimet qe janë drejtpërdrejtë abuzim i një grushti tregtarësh në tregjet tona të përqendruara”, u shpreh Erion Braçe.

Qeveria do te kompensoje ndërtuesit e kontratave publike nga 5-30% për çmimin e rritur të materialeve të ndërtimit./Media Ndërtimi.

 

Continue Reading

Infrastrukturë

Tre çerdhe të reja pritet të ndërtohen në Prishtinë

Published

on

Në mbledhjen e pestë të Kuvendit të Kryeqytetit, është diskutuar në lidhje me propozimi vendimin për caktimin e lokacioni ku do të ndërtohen tre çerdhe të reja.

Në këtë mbledhje është diskutuar për:

Propozimvendimi për caktimin e lokacionit për ndërtimin e institucionit parashkollor në lagjen “Kolovicë e re” në Prishtinë;

Propozimvendimi për caktimin e lokacionit për ndërtimin e institucionit parashkollor në lagjen “Mati 1” në Prishtinë;

Propozimvendimi për caktimin e lokacionit për ndërtimin e institucionit parashkollor në lagjen “Kolovicë e vjetër” në Prishtinë.

Gjatë kësaj mbledhje është diskutuar edhe për:

Propozimvendimi për dhënien e pronës së paluajtshme të Komunës së Prishtinës në shfrytëzim Operator Sistemi, Transmisioni dhe Tregu “KOSTT” sh.a;

Propozimvendimi për caktimin e lokacionit për ndërtimin e një memoriali dhe çezmeje në lagjen e “Muhaxherëve”./Media Ndërtimi.

Continue Reading

Trending