Featured
Mustafa: Në këto 10 vjet Kosova ka përmirësuar infrastrukturën rrugore
Profesori i ekonomisë dhe ish-deputeti i Kuvendit të Kosovës, Muhamet Mustafa, në një intervistë për Telegrafin me gazetarin Lulzim Ahmeti, ka folur për të arriturat e Kosovës në 10 vjetorin e Pavarësisë në aspektin ekonomik, por edhe për dështimet që shënuan këtë dekadë.
Ai ka thënë se në 10-vjetorin e shtetësisë, Kosova ka përmirësuar infrastrukturën rrugore por ka dështuar që të krijojë vende të punës si dhe të përmirësojë gjendjen në arsim e shëndetësi.
Profesori në Kolegjin “RIINVEST” Muhamet Mustafa, ka thënë se klasa politike më shumë ka bërë luftë për pushtet, sesa që ka punuar për të punuar në të mirë të vendit.
“Kosova ka të arritura, është zhvilluar infrastruktura rrugore deri diku, por e kemi një problem shumë të madh që ka të bëjë me dy çështje. Gjenerimi i vendeve të punës dhe deficiti i madh tregtar, nuk ka ndryshime esenciale në këtë gjë. Relativisht disa suksese janë në infrastrukturë, por politikat ekonomike kanë qenë të pafavorshme për prodhimin vendor, ku kemi pasur investime shumë të shtrenjta me vite”, tha Mustafa.
Ai në këtë intervistë ka thënë se sektori privat është e ardhmja e ekonomisë në Kosovë, por i cili duhet të përkrahet më shumë. “Ne ende investojmë pak, 25% është pjesëmarrja e investimeve në GDP, Kosova duhet të investojë deri në 32% “, theksoi Mustafa.
Profesori Muhamet Mustafa, ka thënë se gjatë dekadës së parë si shtet, Kosova ka dështuar në arsim dhe shëndetësi. “Për këto 10 vite të shtetësisë duhet të shohim se ku kemi dështuar. Pra kemi dështuar në shëndetësi, në ngritjen e cilësisë së arsimit dhe zhvillimin e prodhimit vendor dhe nxitjes së eksportit”, tha ai.
Mustafa ka folur edhe për sektorin e energjisë dhe projektin për ndërtimin e Termocentralit “Kosova e Re”.
Ai ka thënë se Termocentrali “Kosova A” duhet të ndalet ndërsa Termocentrali “Kosova B” duhet të rivitalizohet si dhe sistemi energjetik i Kosovës dhe Shqipërisë duhet ta përkrahin njëri tjetrin.
“Është e pafalshme që në shekullin XXI qytetarët të përballen ende me ndërprerje të energjisë, mungesë të ujit, këto duhet t’ia lëmë historisë. Secila qeveri duhet të mas veten me këto gjëra e jo me demagogji”, tha ai.
Mustafa ka thënë se është e pafalshme mos kompletimi i bordit të Trepçës nga ana e Qeverisë.
-
Infrastrukturë3 days ago
Pse nuk filluan punimet për vazhdimin e ndërtimit të rrugës Prishtinë-Pejë?
-
Infrastrukturë1 day ago
Një perandori me 10 shifra, Investitorët në ishullin Sazan deklarojnë 3 miliardë dollarë asete
-
Infrastrukturë3 days ago
Srebrenica do t’i riemërtojë rrugët duke injoruar gjenocidin
-
Dizajn2 days ago
Java e Dizajnit në Milano hapet me ngjarje dhe ekspozita
-
Infrastrukturë2 days ago
Në Tajvan po ndërtohet ura më e gjatë në botë asimetrike 920 metra
-
Aktuale2 days ago
Ndërpritet gjykimi ndaj ish-drejtorit të kompanisë “Sallahu” dhe drejtorit të Njësisë së Auditimit në MI
-
Infrastrukturë2 days ago
Vërshime në Dubai, një viktimë nga shiu më i madh në Emiratet e Bashkuara në 75 vjet
-
Aktuale3 days ago
USAID dhe Agjencia Kadastrale diskutojnë çmimet e shitblerjes dhe vlerësimet e pronave