Connect with us

Aktuale

Mungojnë dy avokatë, shtyhet gjykimi në rastin “Toka”

Published

on

Mungesa e avokatëve Gëzim Kollçaku dhe Tahir Rrecaj, si mbrojtës të të akuzuarit Fahradin Gashi, ka bërë që të dështojë seanca e paraparë për të enjten, në  rastin e njohur si “Toka”.

“Me avokatët do të diskutoj, sepse të dështojë seanca për shkak të avokatëve është e papranueshme”, ka thënë kryetari i trupit gjykues, gjykatësi Arben Hoti.

Sipas gjykatësit Hoti, avokati Kollçaku ka njoftuar gjykatën se është në gjendje të keqe shëndetësore dhe nuk është në gjendje të vozisë dhe për këtë do të sjellë dëshmi në gjykatë, raporton “Betimi për Drejtësi”.

Ndërsa, për avokatin Rrecaj, i njëjti ka thënë se është kontaktuar nga gjykata, por ai ka thënë se e ka të pamundur të jetë i pranishëm në seancë, për faktin se ka menduar se të akuzuarin do ta përfaqësojë avokati Gëzim Kollçaku.

Ndryshe, përveç prokurorit të rastit Naim Abazi, të akuzuarve dhe mbrojtësve të tyre, të pranishëm në këtë seancë ishin edhe dëshmitarët Mexhit Syla, Dejan Laziq, Gordan Ostoviq dhe Kujtim Bucaliu.

Kurse, kanë munguar dëshmitarët Eduard Gashi, Idriz Kadriu, Rexhep Bytyqi dhe Faton Majanci, për të cilët gjykatësi Hoti tha se për ata të cilët nuk e kanë arsyetuar mungesën, do të lëshohet urdhëresë për sjellje me detyrim.

Andaj, gjykatësi Hoti tha se nuk mund të vazhdohet tutje pasi që do bënin shkelje procedurale.

“Në mungesë të një avokati po është e pamundur me vazhdu tutje, besoj në sinqeritetin e z. Kollçaku se asnjëherë nuk na ka dëshpëruar, por moskoordinimi me avokatin Rrecaj, lë për të dëshiruar”, shtoi ai.

Paraprakisht, gjykatësi Hoti bëri të ditur se për shkaqe objektive, trupi gjykues ka pësuar ndryshime, ashtu që në vend të gjykatëses Shadije Gërguri, tani e tutje do të jetë gjykatësi Lutfi Shala.

Seanca e caktuar për 12 shtator është anuluar, ndërsa e radhës është caktuar për 28 shtator 2022.

Ndryshe, në seancën e 10 qershorit 2022, Azem Syla dhe të tjerët janë deklaruar të pafajshëm lidhur me veprat penale që iu vihen në barrë.

Në këtë rast, ish-deputeti i Partisë Demokratike të Kosovës (PDK), Azem Syla dhe të tjerët nga viti 2016 po akuzohen për vepra të ndryshme penale që lidhen me korrupsionin e krimin e organizuar.

Fillimisht në këtë rast kanë qenë 22 të akuzuar, ku për N.U., dhe Sh.M., është pushuar procedura pasi ata kanë ndërruar jetë, ndërsa për shkak se gjykata nuk ka arritur të sigurojë prezencën e Ilaz Sylës, Mustafë Halitit dhe Hajrullah Berishës, për të njëjtit është veçuar procedura.

Gjykatësi ka bashkuar procedurën penale ndaj Ilaz Sylës, i cili ka qenë i akuzuar në këtë rast./Media Ndërtimi.

Aktuale

Shtatorja e Adem Jasharit vitin e ardhshëm vendoset në Prishtinë

Published

on

Nënkryetarja e Komunës së Prishtinës, Donjeta Sahatçiu, ka bërë të ditur sot se shtatorja e Adem Jasharit do të vendoset në kryeqytet në vitin 2023.

Sahatçiu ka bërë të ditur se vitin tjetër, komuna e Prishtinës ka futur në buxhetim edhe shtatoren për Adem Jasharin.

“Edhe në Prishtinë, tash, në buxhetin 2023, e kemi edhe shtatoren e Adem Jasharit. Një memorie kolektive edhe në Kryeqytet, përveç komunave të tjera”, ka thënë Sahatçiu.

Kjo do të jetë hera e parë, në 23 vite pas luftës, që shtatorja e Komandantit Adem Jashari do të vijë në Prishtinë./Media Ndërtimi

Continue Reading

Aktuale

9 persona humbën jetën në vendin e punës, kërkohet angazhimi i 100 inspektorëve të punës

Published

on

Siguria në punë vazhdon të jetë problem për punëtorët kosovarë. Si rezultat i saj, gjatë vitit të kaluar nëntë persona kanë humbur jetën në vendin e punës e 188 kanë pësuar aksidente, thotë kryeinspektori i punës, Hekuran Nikçi.

Në rastet e aksidenteve në vendpune, kur inspektorët kanë konstatuar se është shkelur ligji nga ana e punëdhënësve, ndaj tyre janë shqiptuar masa ndëshkimore.

Në një intervistë për Ekonomia Online, kryeinspektori i punës, thotë se inspektimet po bëhen në bashkëpunim me Policinë e Kosovës.

“Gjatë vitit 2021, Inspektorati i Punës ka evidentuar 188 aksidente në vendin e punës, nga të cilat 139 kanë rezultuar me lëndime të lehta, 40 prej tyre me lëndime më të rënda dhe nëntë prej tyre kanë rezultuar me fatalitet në vendin e punës. Në fakt kur e kam marrë këtë pozitë institucioni tjetër që kemi pasur bashkëpunim ka qenë vetëm Policia e Kosovës, kështu që me Policinë kam trashëguar një bashkëpunim ku Inspektorati i Punës ka ndërmarrë aksione në biznese të ndryshme, si në gastronomi, ndërtimtari dhe këtu operacione kanë rezultuar shpesh të suksesshme”, thotë Nikçi.

Përkundër paralajmërimeve për rritjen e numrit të tyre, numri i inspektorëve të punës në nivel vendi vazhdon të jetë i njëjtë. Nikçi, tregon numrin e inspektorëve që janë aktualisht dhe që planifikohet të shtohen.

“Sfidat që i kam gjetur dhe i kam konstatuar me marrjen e mandatit janë të shumta, fillimisht duke u nisur me numrin e vogël i inspektorëve të punës. Me 1 qershor të këtij viti, Inspektoratin e Punës e kam gjetur me 31 inspektorë, duke u përballur nga ky realitet, unë kam vërejtur se mbikëqyrja e zbatimit të ligjeve, është tejet i mangët me këtë numër të inspektorëve, dhe si rezultat unë kam shpallur një konkurs të brendshëm në shërbimin civil për 27 pozita për inspektorë dhe nga ky konkurs kemi arritur t’i rekrutojmë vetëm katër inspektorë, dy në regjionin e Prishtinës dhe dy në regjionin e Gjakovës. Sido që të jetë me 35 inspektorë prapë numri është i vogël për mbikëqyrjen e zbatimit të ligjeve. Për vitin 2023 kemi planifikuar dhe buxhetuar edhe për 100 inspektorë të ri të punës, të cilët përgjatë vitit 2023 në faza të ndryshme do të shpallim konkursin dhe me angazhimin e këtyre 100 inspektorëve të ri, mbikëqyrja e ligjit do të jetë në një nivel më të mirë sesa që është tani. Në fakt Inspektorati i Punës ka nevojë edhe për më shumë se aq, por për vitin e ardhshëm i kemi të buxhetuar edhe 100 inspektorë të ri”, u shpreh ai./Media Ndërtimi

Continue Reading

Aktuale

Çmimi i naftës në nivelin më të ulët që nga fillimi i këtij viti

Published

on

Çmimet e naftës kanë rënë për rreth 5%, në nivelin më të ulët për tetë muajt e fundit, përderisa dollari ka arritur fuqinë më të madhe në dy dekadat e fundit.

Çmimet po bien mes frikës së inflacioni në rritje do t’i shtyjë ekonomitë e mëdha drejt një recesioni, kështu duke e shkaktuar uljen e kërkesës për naftë.

Sipas Reuters çmimet e naftës së papërpunuar në Teksasin Perëndimor kanë rënë në 78.4 dollarë, rreth 7% më pak se në fillimjavë.

Rënia e naftës është shënuar për katër javët e fundit radhazi, hera e parë që ndodh nga shtatori./Media Ndërtimi

Continue Reading

Trending