Featured
Miliona euro borxhe për punët në rrugë e ujësjellësa
Qeveria ka 65 milionë euro borxhe të papaguara ndaj kompanive private, vetëm për investimet në rrugë dhe ujësjellësa.
Top Channel ka mësuar se Ministria e Transportit ka kryer javën e fundit një verifikim mbi gjendjen e detyrimeve të papaguara.Nga verifikimet dhe krahasimi i kontratave ka rezultuar se, deri në fund të tetëmujorit, borxhet e papaguara ndaj kompanive private që kanë ndërtuar rrugë janë 54 milionë euro, ndërsa 11 milionë euro të tjera u përkasin investimeve në ujësjellësa.
Sipas verifikimit, pjesa më e madhe e detyrimeve janë krijuar në periudhën Janar-Gusht të këtij viti, veçanërisht gjatë muajve të fushatës elektorale dhe periudhës së tranzicionit politik. Por Ministria e Transporteve nuk është e vetmja që ka krijuar borxhe të papaguara ndaj biznesit. Sipas Fondit Monetar, edhe Tatimet kanë rreth 30 milionë euro detyrime ndaj kompanive private, për TVSH të parimbursuar.
Nëse këtyre u shtohen edhe rreth 80 milionë euro të tjera detyrime të pushtetit vendor, të trashëguara prej shumë vitesh, atëherë borxhet e papaguara që sektori publik ka ndaj biznesit llogariten në rreth 175 milionë euro, ose gati 1.7 për qind e prodhimit kombëtar. Në periudhën 2014-2016, qeveria pagoi rreth 500 milionë euro borxhe të trashëguara ndaj biznesit. Rikthimi i detyrimeve të prapambetura ka shqetësuar edhe Fondin Monetar Ndërkombëtar, që i kërkoi qeverisë të përmirësojë rimbursimin e taksave dhe të forcojë kontrollin e angazhimeve financiare, veçanërisht në Ministrinë e Transporteve.
-
Infrastrukturë2 days ago
Një perandori me 10 shifra, Investitorët në ishullin Sazan deklarojnë 3 miliardë dollarë asete
-
Infrastrukturë7 hours ago
Prezantohet projekti për ndërtimin e Digës së Dragaçinës në vlerë 40 milionë euro
-
Infrastrukturë2 days ago
Në Tajvan po ndërtohet ura më e gjatë në botë asimetrike 920 metra
-
Aktuale2 days ago
Ndërpritet gjykimi ndaj ish-drejtorit të kompanisë “Sallahu” dhe drejtorit të Njësisë së Auditimit në MI
-
Infrastrukturë2 days ago
Vërshime në Dubai, një viktimë nga shiu më i madh në Emiratet e Bashkuara në 75 vjet
-
Infrastrukturë2 days ago
Shumica e banesave në Gjilan janë të banueshme dhe pa certifikatë të përdorimit!
-
Infrastrukturë2 days ago
2 miliardë euro kostoja e totale e linjës hekurudhore nga Durrësi në Bullgari
-
Infrastrukturë1 day ago
Po vazhdon ringjallja graduale e qendrës historike të Janjevës