Connect with us

Aktuale

Mësime nga një faturë, ‘bleje atë që është vetëm polake’

Published

on

Kur blej ushqime, zakonisht nuk e marr me vete faturën. Por kur isha së fundmi në Varshavë tek një supermarket i leverdisshëm, e ngjesha faturën mes produkteve të blera. Në shtëpi pastaj e pashë më me vëmendje: Nën totalin e çmimit dhe mënyrës së pagesës ishte shënuar një shumë më e vogël me të dhënën „e përgjithshme të produkteve ‚bli atë që është polake‘”.

Kjo shumë ishte pozicionuar mirë në qendër dhe përmes disa yjeve dhe një logoje ishte ekspozuar më dukshëm se çmimi për të gjithë shumën e blerjes.

Ky informacion më habiti. Për një kohë të gjatë kam qenë punonjës i qendrës së dokumentimit të Këlnit. Vula cilësie si “ariane e garantuar” dhe shënime për “dyqane gjermane” më ranë atëherë menjëherë në sy. Janë këto shenja të përsëritjes së historisë?

Në një vështrim më të thelluar aksioni “bli atë që është polake” është paradoksal. Rrjeti i discounterave që e ka miratuar atë dhe që e promovon me ulje prej një viti, bën pjesë tek një koncern i huaj tregtie. A nuk bën autogol një sipërmarrje e huaj, kur i nxit klientët e saj të blejnë produkte vendase? E çfarë kuptimi ka për klientët, të blejnë produkte “polake” tek një tregtar “jo polak”?

I ashtuquajturi patriotizmi ekonomik nuk është i përpahur vetëm në Poloni. Ndërkohë që koncernet që veprojnë në shkallë ndërkombëtare luajnë një lojë cinike: Ato etiketojnë si vendase produktet, që në të vërtetë prodhohen në struktura komplekse të globalizuara për të krijuar me këtë afërsi me klientët dhe më në fund të kenë më shumë përfitim.

Në të njëjtën kohë transmentohet një imazh i gabuar i jetës sonë. Lokalja promovohet si e mirë e vlefshme, megjithëse as nuk ofrohet në të vërtetë dhe as ndokush nuk është i gatshëm të heqë dorë nga pasuria e ofertës globale.

Kështu ne konsumatoret e konsumatorët edukohemi si skizofrenë të palumtur. Ushqehen shpresa, të cilave nuk u përgjigjemi dhe krijohet një lloj zhgënjimi i vazhdueshëm.

Të mos harrojmë që strategji të tilla marketingu ushqejnë populizmin e orientuar nga nacionalizmi në politikë. Ato përgatisin terrenin për ata politikane e politikanë që duan të përfitojnë kapital politik nga dëshira nostalgjike për atë që është afër. Kur vetë politikanët e dinë ashtu si dhe koncernet globale: Ky është një premtim bosh.

Në psikologjinë e marketingut tematizohet e ashtuquajtura përgjegjësia sociale e biznesit. Pyetja qendrore mbetet, si mund të pajtohet kjo lloj përgjegjësie me tregtinë e orientuar nga fitimi. Kjo shoqërohet edhe nga një sfidë tjetër: Në botën tonë të globalizuar strukturat ekonomike, vendimmarrja dhe proceset e tregtisë dhe prodhimit po bëhen gjithnjë e më komplekse.

Ato zbulohen shpejt si paradoksale, sapo përpiqesh t’i analizosh.

Paradokset veçse nuk të ndihmojnë në rritjen e fitimit. Ka studime, që u atestojnë pikërisht njerëzve në kulturat globale perëndimore një tolerancë veçanërisht të ulët për ambiguitetin.

Që të ecë biznesi, krijohen iluzione të një bote amtare. Jo më kot strategët e marketingut kanë zbuluar narrativin për vete.

Kështu histori e personazhe impresionues nuk gjenden vetëm në romane, por edhe në…tekste publiciteti. Unë nuk besoj, se si individ mund të bësh diçka kundër kësaj.

Por do të dëshiroja, që kurrikulat tona arsimore dhe socializuese të na përgatisin më mirë të dimë si të veprojmë me ambiguitetin në botën tonë. Që ne të dimë të vlerësojmë narrativat vendase, por të mos zhvillojmë në të njëjtën kohë nostalgji të rrezikshme aty ku veprojmë në mënyrë globale si persona apo si shoqëri. Këto mund të na ndihmojnë të kuptojmë jo vetëm mënyrën si konsumojmë, por edhe për shembull si të veprojmë me kompleksitetin e krizës së COVID-19 apo të mobilitetit global. E ndoshta me këtë të mënjanojmë rrezikun e përsëritjes së historisë.

Stanisław (Stan) Strasburger është shkrimtar dhe menaxher kulture. Pikërëndesat e studimeve të tij janë kujtesa dhe mobiliteti. Romani i tij „Tregtari i historive” u botua në vitin 2018 në gjermanisht. Autori ka lindur në Varshavë dhe jeton në Berlin, Varshavë e qytete të tjera europiane. Hulumtimet për këtë artikull u mbështetën nga Senati i Berlinit./Media Ndërtimi.

Aktuale

Kompanitë do t’i drejtohen Gjykatës Komerciale në vend të Organit Shqyrtues të Prokurimit

Published

on

Rreth 800 është numri i lëndëve të cilat Bordi i Organit Shqyrtues të Prokurimit nuk do t’i trajtojë.

Kimete Gashi, anëtare e bordit të ri, ka thënë për emisionin e ekonomisë, Portofol në Klan Kosova FM, se ankesat që janë dorëzuar për mbi një vjet, sa OShP s’kishte bord, janë vlerësuar si të papërshtatshme.

“Bordi ka vendosur që nuk ka pas kompetencë që t’i trajtojë ato. Secilin operator e kemi njoftuar dhe ata tash mund t’i drejtohem Gjykatës Komerciale”, është shprehur Gashi.

“Afërsisht kanë qenë 800 lëndë që i kemi gjetur që kanë qenë të parashtruara si ankesa”.

Gashi ka theksuar se synimi si bord i ri është që të punojnë në formën më të drejtë.

“Misioni i bordit është që dera e OShP-së të jetë dera më e besueshme e çdo operatori ekonomik dhe çdo personi fizik ose subjekt ekonomik që mendon se i është shkelur një e drejtë”.

Continue Reading

Aktuale

Si e ndryshuan Gratë Arkitekturën në Amerikë?  

Published

on

Në kohën e këtij shkrimi, e ardhmja për gratë në Shtetet e Bashkuara duket e zymtë. Përmbysja e Roe kundër Wade nga Gjykata e Lartë e SHBA nuk do të thotë vetëm se gratë në të paktën 20 dhe deri në 30 shtete nuk do të jenë në gjendje të zgjedhin kur dhe nëse do të durojnë shtatzëninë dhe lindjen e fëmijëve.

Do të thotë gjithashtu se disa prej tyre nuk do të jenë në gjendje, për shembull, të lënë një punë të keqe, sepse u duhen para për të rritur fëmijën që nuk donin të kishin. Do të thotë se ata nuk do të jenë në gjendje të largohen nga një marrëdhënie në të cilën nuk duan të jenë më, sepse duhet të ndajnë detyrat e kujdesit për fëmijët. Kjo do të thotë se ata mund të vdesin nëse shtatzënia e tyre përfundon me një abort, trajtimi për të cilin është zgjerimi dhe kuretazhi, njësoj si një abort i vonshëm. Kjo do të thotë se, afërsisht në gjysmën e këtij vendi, gratë nuk kanë kontroll të plotë mbi fatet e tyre.

Politika bashkëkohore është një kornizë thellësisht e padrejtë përmes së cilës mund të rishikohen dy libra të botuar së fundmi për gratë në arkitekturë – Gratë që ndryshuan arkitekturën dhe zgjerimin e fushës së arkitekturës – por duke e bërë këtë ofron një mundësi për të vërejtur se si të kuptojmë dhe mbështesim më së miri betejat e grave sot.

Vëllimi i parë (The Women) është një koleksion i profileve të shkurtra të më shumë se 144 arkitektëve që janë gra. Ajo merr një qëndrim të ndërgjegjshëm revizionist; redaktori Jan Cigliano Hartman pretendon në parathënien e saj se “do të ndryshojë historinë e arkitekturës, duke sjellë arkitektet femra në narrativën qendrore”.

E dyta (Fusha e Zgjeruar) nuk është një koleksion njerëzish por projektesh; redaktorët deklarojnë paraprakisht se ata “parashikuan që ky libër do të ishte një koleksion prej 40 projektesh që ndodhin të hartohen nga gratë”.

Dëshira që ky tipar i përbashkët të shfaqet si një rastësi kur në fakt ishte një zgjedhje e qëllimshme pasqyron një shqetësim me kategorinë e “gruas arkitekte”, një e dhënë se ka diçka që nuk është plotësisht e drejtë me vendosjen e kësaj kategorie dhe mbajtjen e saj si të rëndësishme. . Ky shqetësim është i pranishëm në të dy vëllimet; në The Women, shfaqet si një sugjerim i përsëritur i deklaratës së Dorte Mandrup se ajo nuk është “një arkitekte femër”, por thjesht, “një arkitekte”. Në vend që të hetojnë këtë shqetësim, të dy vëllimet kalojnë drejt e në të.

Sigurisht, nuk po them që njerëzit e paraqitur në këto vëllime nuk duhet të festohen si individë. Shumë prej tyre kapërcyen vështirësitë personale dhe seksizmin shoqëror për të arritur sukses profesional. Kjo është e lavdërueshme.

Por ne nuk duhet të biem në grackën e të besuarit se gratë individuale që fitojnë pushtetin nën një sistem thellësisht të padrejtë është mirë për të gjitha gratë. Të ngatërrosh arritjet personale me përparimin kolektiv është naive në rastin më të mirë, cinike në rastin më të keq dhe e dëmshme në të gjitha rastet.

Pas leximit të të dy librave, zbuloj në secilin një shpresë se gratë do ta shohin veten të përfaqësuar dhe do ta dinë se është e mundur që ato të arrijnë atë që kanë bërë gratë në faqet e tyre. E kam të vështirë të imagjinoj një grua të tillë. Gratë nuk kanë nevojë për libra për gra arkitekte për të kuptuar se ato mund të jenë gjithçka që duan, se mund të bëjnë gjithçka që duan.

Në atë fushë loje, feminizmi tashmë ka pasur sukses. Gratë e dinë se janë të afta. Ne kemi nevojë vetëm për të drejtat themelore të njeriut.

Marianela D’Aprile është një shkrimtare në Brooklyn./Media Ndërtimi.

Continue Reading

Aktuale

“I dyshimtë dhe favorizues”, tenderi për “Arkitektin e kryeqytetit”

Published

on

Tenderi në vlerë prej 12 milionë euro për “Konsulencë për themelimin e Shërbimit të Arkitektit të Kryeqytetit për nevojat e Komunës së Prishtinës”, po i duket i “dyshimtë dhe “favorizues” Lëvizjes Vetëvendosje.

Shefi grupit të asamblistëve të LVV-së në Komunën e Prishtinës, Gëzim Sveçla në konferencën për media, tha se kjo kontratë është e dyshimtë, pasi ka kosto tejet të lartë dhe është favorizuese pasi është fushë e njëjtë profesionale me atë të kryetarit të komunës, Përparim Rama, raporton Shqip.com.

Ai tha se komuna ka shumë probleme të tjera të cilat janë më emergjente.

“Veprime abuzive siç është rasti me tenderin për konsulencë, nuk është që s’e kemi pritur, por jo kaq shpejt. Pra, ka keqmenaxhim dhe rezultate zero nga kryetari Rama. Janë bërë tetë muaj, për këtë periudhë dhe lajmi më i mirë është se kryetari Rama ka mbaruar mandatin 20 për qind. Kryetari Rama nuk ka as vizion dhe vullnet për t’i zgjidhur problemet e shumta të qytetarëve të Prishtinës, pra asgjë nga premtimet e dhëna nuk kanë nis të zbatohen”, tha ai.

Tenderi është shpallur përmes procedurës së kufizuar. Ndërsa kohëzgjatja e kontratës do të jetë 36 muaj.

Afati i fundit për dorëzimin e ofertave është 31 gushti. Sipas njoftimit, në bazë të aplikacioneve të pranuara, më së shumti 6 kandidatë do të ftohen për të dorëzuar tenderët e detajuar të kësaj kontrate.

Në dosjen e tenderit thuhet se qëllimi i këtij projekti është krijimi i hartës unike të planifikimit të kryeqytetit, krijimi i bazave te shënimeve, krijimi i bazës së sistemit gjeografik të informacionit, krijimi i rregulloreve dhe manualeve të nevojshme për funksionimin e pakove programore për përcjelljen e lejeve, ndërtimeve, mirëmbajtjeve, tatimit dhe shërbimeve komunale dhe krijimi i sistemit interaktiv online të komunikimit me qytetarët./Media Ndërtimi.

Continue Reading

Trending