Me ndërtesën gjigante të ambasadës, SHBA-ja “tregon mbështetjen e fuqishme” [video]

0

Lagjja “Arbëria”, e njohur si “Dragodani” ka marrë një pamje tjetër kah drejtimi i rrugës Prishtinë-Mitrovicë. Një ndërtesë madhështore po ngrihet mu përskaj dy rrugëve që kalojnë në atë zonë.

Ajo ndërtesë është objekti i Ambasadës Amerikanë në Kosovë, e cila si duket ka vënë themele të forta në këtë vend. Në disa pamje që ka publikuar vet ambasada, nëpërmes faqes së saj në Facebook, mund të shihet ndërtesa masive.

“Ne jemi krenar që kjo ndërtesë e mrekullueshme do të tregojë mbështetjen e fuqishme të Shteteve të Bashkuara të Amerikës për Kosovën, tani dhe në të ardhmen”, thuhet ndër të tjera në mbishkrimin e tyre.

Dita e Pavarësisë së SHBA-ve, më 4 korrik, është shumë afër dhe për këtë arsye ambasada ka thënë se nuk ka më mirë se të festohet “4 Korriku” me fotografi të prapaskenave të kompleksit të Ambasadës së re.

Në fund thuhet se gjatë muajve të ardhshëm do të publikohen edhe shumë informacione tjera mbi këtë projekt gjigant.

PËRGJIGJU

Please enter your comment!
Please enter your name here