Mbi 467 mijë euro i kushtojnë Gjilanit sistemet e ujësjellësit

0

Gjilani ka filluar procedurat për zgjidhjen e problemit me ujësjellësit. Në kuadër të kësaj do të ndërtohen disa sisteme të ujësjellësit në gjithë komunën e Gjilanit.

Madje, për këtë Komuna e Gjilanit ka nënshkruar kontratën në vlerë : 467 mijë e 357  euro, shkruan Ndërtimi.info.

Kjo kontratë është nënshkruar dje, më 06 dhjetor, me kompaninë fituese të tenderit KNTSH “Teuta-M” nga Gjilani.

E, për të njëjtën kontratë që Gjilani kishte parashikuar 499 mijë euro, kishin dorëzuar ofertat e tyre gjithsej shtatë kompani, ndërsa çmimi më i lartë i ofruar ishte ai 485 mijë e 768 euro.