Kosova nënshkruan në Trieste traktatin e transportit që ndihmon zhvillimin e rrugëve dhe hekurudhave

0

Më 12 korrik u mbajt Samiti i Triestës së vazhdimësi e procesit të Berlinit për vendet e Ballkanit Perëndimor ku mori pjesë edhe ministri i Infrastrukturës Lutfi Zharku.

Gjatë samitit kryeministri i Republikës së Kosovës, Isa Mustafa, së bashku me homologët e tjerë të ËB6, nënshkroi Traktatin e transportit të vendeve të Ballkanit perëndimor me Bashkimin Evropian, i cili pritet të jetë instrument i rëndësishëm në zhvillimin e transportit dhe infrastrukturës  rrugore dhe hekurudhore dhe me ndikim të madh në zhvillimin ekonomik të vendit.

Ministri Zharku mori pjesë në sesionin e ministrave të transportit ku u diskutua rëndësia e Traktatit  të transportit si dhe siguria në komunikacionin si çështje, me fokus të veçantë në të gjitha vendet.

Gjatë këtij samiti, Zharku mori pjesë edhe në takimin e kryeministrit Mustafa, me komisioneren për transport zonjën Violeta Bulc si dhe me zëvendëspresidentin e Bankës Botërore për Evropë dhe Azinë Qendrore, Cyril Muller.

PËRGJIGJU

Please enter your comment!
Please enter your name here