Kodi është themeli i një shoqërie. Pa kod rendi shoqërorë kalon ne anarki. Pa kod as mjekësia nuk funksionon, as ligji, as arsimi e asgjë tjetër.
Sot, kërkoja një artikull arkitektonik për një projekt te ri. Meqë zona e projektit është e ndejshme, hyra dhe bëra hulumtim ne LIGJIN PER NDERTIM e ne veçanti kërkoja nenet e KODIT TE NDERTIMIT. A dini çka gjeta?
Kosova ende nuk kish KOD TE NDERTIMIT, i cili ne Botë është abetare e ndërtimit. Kodi i ndërtimit nuk është ligj, por është pikënisja ne baza te cilës krijohet ligji mbi ndërtimin.
Dmth. pa KOD NDERTIMI, urbanizmi kthehet në kaos, nuk ka as kod etik të ndërtimit i cili duhet te jetë si lendë e veçantë ne universitet. Pa kod të ndërtimit nuk ka arsye të ketë as ligj të ndërtimit, ngase ligji nuk e përcakton cilësinë e ndërtimit.
Kjo çka hulumtova sot është vërtetë shokuese, Kosova NUK ka kod ndërtimor.
Pse është i nevojshëm kodi ndërtimor?
Këtu nuk po jap arsyetime, por po shprehi revolte të ashpër ndaj Qeverive, po protestoj ndaj ndërtuesve, e ne veçanti po kritikoj koleget e mi se si kanë lejua që një gjë fundamentale siç është kodi i ndërtimit të mos ligjërohet gjer tani.
Kjo është kulmi i turpit. Për këtë arsye kemi një anarki urbane në gjithë Kosovën. Nuk është faji tek ligji. Te kota janë librat e mësimet neper fakultete pa KOD te ndërtimit. Kjo është e pafalshme.
Për këtë arsye kemi mbi 300.000 objekte pa leje në Kosovën e vogël. Për këtë arsye kemi lagje me shtëpia ne 2 ari truall. Për këtë arsye kemi degradim të natyrës në çdo cep të Kosovës.
Kurrë nuk kisha besuar se Kosovë nuk ka kod ndërtimi. Ligji të thotë çka mundesh me ndërtu, por jo si mundesh me ndërtu. Nuk është ligji fajtor për kaosin urban. Por është faji tek kodi i ndërtimit.
Liburn, gjeja e pare që duhesh ta procedosh ne kuvend, është KODI I NDERTIMIT. Bile jo si nen i ndonjë nënkapitulli ligjor, se është turp i sodit kjo shteti pa kod. Me habite fakti se si s’paku ti si një profesionist i fushës, te mos inicion një gjë kaq fondamentalë.
Turp, turp, turp. E jeta ne Kosove ende mbetet politike, çdo gjë politizohet. Qe pse jam këmbëngulës se Prishtinës i nevojitet një arkitekt për prefekt. Paramendo një shtet pa KOD.!
Opinion i shkruar nga arkitekti Lulzim Behxheti./Media Ndërtimi.