Connect with us

Aktuale

Komunat hezitojnë të ndajnë buxhet për shpronësimet, mbesin shumë rrugë pa u ndërtuar ani pse janë ndarë financa për to nga MI-ja

Published

on

Ndërtimi i rrugës Vojnik-Osojan ishte paraparë të ndahet në dy pjesë (llote).

Çmimi i kontratës për llotin 1 të këtij projekti ishte 502,000 euro ndërsa për llotin 2 ishte 1,347,374 euro.

Kontratat për të dyja këto llote kishin hyrë në fuqi në janar të vitit 2016 dhe të dyja ishin buxhetuar nën të njëjtin kod buxhetor, shrkuan në raportin e Zyrës Kombëtare të Auditimit.

Fondi i buxhetuar për vitin 2016 ishte vetëm 400,000 euro, kjo do të thotë se MI-ja nuk kishte buxhetuar mjete të mjaftueshme për t’i kryer pagesat paralel me zhvillimin e punimeve, edhe pse për ndërtimin e një rruge të tillë nevojiteshin (sipas MI-së) vetëm 155 ditë pune.

Me fjalë tjera, rruga do të mund të ndërtohej brenda vitit 2016 ndërsa mjetet e buxhetuara mbulonin vetëm afër 22% të vlerës së kontraktuar. Plani i financimit të projektit shtrihej përgjatë tri viteve, deri në vitin 2018, sipas të cilit 600,000 euro do të siguroheshin në vitin 2017 dhe 1.5 milion euro në vitin 2018.

Gjatë viteve 2016-2017 për llotin 1 ishin faturuar punë në vlerë prej afër 380,000 euro (62% e vlerës së kontraktuar) prej të cilave në vitin 2016 mbi 108,714 euro, ndërsa rruga nuk është në dispozicion fare për qarkullim për shkak se problemet pronësore i kishin ndërprerë punimet.

Gjatë viteve 2016-2018 për llotin 2 ishin faturuar punë në vlerë prej 1,108,761 euro (75% e vlerës së kontraktuar), prej të cilave 323,590 euro në vitin 2016, mirëpo vetëm gjysma e rrugës ishte ndërtuar për shkak se problemet pronësore i kishin ndërprerë punimet.

Gjasat për rifillim të punimeve në cilindo prej këtyre dy lloteve ishin minimale për shkak se për shpronësimin e tokave mbi të cilat do duhej të ndërtohej rruga, as MI e as komuna e Istogut dhe ajo e Skenderajt nuk kishin ndarë mjete fare, e as që kishin bërë ndonjë zgjidhje alternative (ndonjë) formë tjetër të kompensimit për pronarët e tokave).

Për pasojë punimet ishin pezulluar për afat të pacaktuar ndërkohë punët e kryera deri më tani kishin degraduar deri në atë masë sa që qarkullimi i automjeteve motorike ishte i pamundur dhe në pjesën më të madhe të rrugës ishte e pamundur të dallohen punimet që ishin zhvilluar./ Media Ndërtimi.

Aktuale

Hapni dyert për instalimin e Valvulës Termostatike nga ekipet e autorizuara të Prishtina HeatSave

Published

on

Hapni dyert për ekipet e autorizuara ashtu që të përfitoni pajisjet si dhe instalimin e tyre falas. Pas nëntorit, këto pajisje së bashku me instalim do të kushtojnë deri në 500 euro për konsumator.

Andaj, nëse nuk do të jeni në shtëpi në datat e paralajmëruara për instalim në lagjen tuaj, ju lutem kontaktoni në 080099000 sa më parë, që të mos humbisni rastin për instalimin e pajisjeve të reja për radiatorët tuaj si:

Valvulës Termostatike e cila rregullon qarkullimin e ujit të ngrohtë nga sistemi i Ngrohtores Termokos deri tek radiatori.

Termo-Kokës e cila ndihmon në përcaktimin e temperaturës në radiator. Rrotullojeni për të caktuar temperaturën dhe për të kontrolluar shpenzimet e energjisë.

Alokatorit cili vendoset në radiator për të matur temperaturën dhe për të përcjellur shfrytëzimin e energjisë.

Prishtina HeatSave është investim 10M dollarësh nga Fondacioni i Mileniumit i Kosovës (MFK) & Korporata e Sfidave të Mileniumit (MCC), me qëllim të modernizimit të sistemit të matjes së shpenzimeve të ngrohjes përmes Termokos./Media Ndërtimi.

Continue Reading

Aktuale

Raporti i UN-Habita alarmon qytetet botërore

Published

on

UN-Habitat sapo ka publikuar Raportin e tij vjetor të Qyteteve Botërore gjatë sesionit të njëmbëdhjetë të Forumit Urban Botëror, i cili u zhvillua në Katowice, Poloni nga 27 qershor deri më 30 qershor 2022.

I titulluar “Parashikimi i së ardhmes së qyteteve”, pikat kryesore të publikimit të vitit 2022 janë njohuri për të ardhmen e sferës urbane, bazuar në “tendencat, sfidat dhe mundësitë ekzistuese, si dhe kushtet përçarëse, duke përfshirë mësimet e vlefshme nga pandemia COVID-19”.

Në fakt, ai synon t’u paraqesë qyteteve mënyra për t’u përgatitur për sfidat e ardhshme dhe për të adresuar çështjet aktuale.

Meqenëse popullsia globale që jeton në zonat urbane do të rritet nga 56 përqind në 2021 në 68 përqind në 2050, kryesisht në Afrikë dhe Lindjen e Mesme, transformimi i qyteteve tona për të arritur një të ardhme më të mirë duhet të jetë një interes global.

Duke pasur nevojë urgjente për “zgjidhje inovative për zonat urbane për t’iu përgjigjur kësaj krize të trefishtë C të COVID, klimës dhe konfliktit”, siç deklarohet nga Nënsekretari i Përgjithshëm i OKB-së dhe Drejtori Ekzekutiv i UN-Habitat Maimunah Mohd Sharif, Raporti i Qyteteve Botërore 2022 bën thirrje për më shumë angazhim nga qeveritë kombëtare, rajonale dhe lokale dhe inkurajon adoptimin e mëtejshëm të teknologjive inovative dhe koncepteve të jetesës urbane./Media Ndërtimi.

Continue Reading

Aktuale

Studentët e Arkitekturës të UP-së eksplorojnë ndërtimin e zonave urbane në Cottbus të Gjermanisë

Published

on

Studentët Behar Iberhysaj, Tringa Rama, Vanesa Nikqi, Dafina Balaj, Marina Frrokaj, ishin pjesë e Summer School – Introverted and Extroverted Spaces: Neë pedagogical approaches to the house and the city, në Cottbus të Gjermanisë, me dt. 11.06.2022 – 19.06.2022. Kjo vizitë është realizuar fal marrëveshjeve që Fakulteti i Arkitekturës ka me profesorët dhe universitetet në Gjermani.

Studentët kanë eksploruar se si është ndërtuar dhe përvetësuar hapësira urbane në disa territore në Cottbus përmes përjetimit të përvojës së tyre.

Gjate hulumtimit dhe punës së bërë janë përdorur metoda etnografike dhe vizuale për të identifikuar hapësirat që janë dhe mund të bëhen të dukshme dhe ato që janë dhe mund të mbeten të padukshme.

Qëllimi i shkollës verore ka qenë të rikonceptohet raporti mes shtëpisë dhe qytetit, duke reflektuar mbi nocionin se pjesët e dukshme dhe dimensionet prezentë e përbëjnë qytetin, ndërsa e padukshmja dhe jo-prezentja përfaqësojnë shtëpinë./Media Ndërtimi.

Continue Reading

Trending