Kompania suedeze krijon një apartament që shndrrohet totalisht

0

Bashkëpunimi i Dezeen me MINI Living, eksploron një apartament eksperimental nga firma suedeze White Arkitekter, i cili mund të rikonfigurohet sipas nevojave të banorëve të saj.

I quajtur Drömlägenheten, që do të thotë “shtëpia e ëndrrave” në suedisht, apartamenti prototip në Linköping të Suedisë, përmban mure që mund të zhvendosen në vende të ndryshme, transmeton Ndërtimi.info.

Kjo lejon hapësirën e saj qendrore që të përdoret si një dhomë e ndenjës dhe ngrënies, si kuzhinë ose dhomë gjumi, në varësi të asaj që kërkohet nga banorët.

White Arkitekter e përshkruan shtëpinë si një “koncept universal banimi” që mund të strehojë një numër të madh banorësh me nevoja të ndryshme.

Apartamenti prej 55 metrash përqendrohet në një hapësirë të madhe të hapur, me kuzhinën dhe divanët që kalojnë përgjatë dy mureve, si dhe hapësirë për mobilje duke përfshirë një tavolinë ngrënieje dhe karrige.

REKLAMA