Aktuale

Këto janë kërkesat drejtuar kandidatëve për kryetar të Prishtinës për ta mbrojtur Parkun e Gërmisë

Published

3 years ago

September 20, 2021

Kërkesat e organizatës joqeveritare Qytetarët Aktivë, drejtuar kandidatëve për Kryetarë të Prishtinës, për mbrojtjen e Peizazhit Gërmia.

Gërmia është e pasur me lloje bimore e shtazore, bashkësi bimore e shumë vlera tjera, mirëpo në dhjetëvjeçarët e fundit e sidomos pas vitit 1999 nga veprimi i faktorit njeri disa lloje bimore e shtazore janë zhdukur përgjithmonë, disa janë para zhdukjes, ndërsa sipërfaqe të dukshme pyjore janë degraduar, ndërsa disa të tjera janë në rrezik permanent të degradimit, nga e cila ka ardhur deri te një ndryshim i dukshëm i ekosistemeve të Gërmisë.

Kjo ka ndodhur si pasojë e veprimit të drejtpërdrejtë dhe tërthortë të faktorit njeri, si rezultat i një varg aktiviteteve të zhvilluara në rajonin e Gërmisë siç janë:

zgjerimi i qytetit të Prishtinës dhe i fshatrave përreth, zgjerimi i rrjetit të komunikacionit rrugor, prerja e pakontrolluar e pyjeve, gjuetia ilegale (gjuetia e egër e shtazëve), sëmundjet e drunjëve nga dëmtuesit e ndryshëm, ndotja e madhe e ajrit dhe zhurma nga hyrja me automjete në të gjitha kahjet e Gërmisë,etj.

Por faktorë kryesor drejt degradimit të Gërmisë është neglizhenca, mosdija dhe veprimi adekuat i institucioneve përkatëse për të vepruar ndër vite në mbrojtje të natyrës në Gërmi.

Prandaj ne si Qytetarë Aktivë, do ti parashtrojmë disa kërkesa dhe rekomandime urgjente:

Kërkesë:

Vizioni dhe objektivat për Parkun e Gërmisë gjithmonë duhet të kenë si prioritet të parë mbrojtjen e florës dhe faunës, para çdo zhvillimi apo investimi të nevojave të faktorit njeri.

a) hulumtim shkencor për gjendjen aktuale të Parkut Gërmia
b) të ngritet buxheti për Parkun e Gërmnisë, si buxhet i veçantë
c) të ngriten kapacitetetet profesionale të stafit në Drejtorinë e Parqeve

ç) të ngritet numri i inspektorëve për mbrojtjen e Parkut të Gërmisë

d) ashtu si edhe kërkon ligji, të hartohet plani hapësinor dhe menaxhues i Parkut, me gjithëpërfshirje
dh) çdo investim, qoftë edhe nje shteg për ecje, pa planifikim hapësinor dhe menaxhues është jashtëligjor dhe konsiderohet që do të ketë pasoja në degradimin e Gërmisë
e) të respektohen ligjet për mbrojtjen e natyrës si dhe të zbatohet Rregullorja e brendëshme për Gërminë

Rekomandimet urgjente për të vepruar:

Ndalimi urgjent i qarkullimit me vetura sidomos në anën e hyrjes nga Butovci dhe Parku i Arinjëve.
Plani i një autobusi apo treni elektronik nga hyrja kryesore, që të ndalohet qarkullimi i të gjitha veturave brenda Parkut.
Urgjent të krijohet grupi për planin e rigjenerimin të florës dhe faunës në Parkun Gërmia.
Të ngritet numri dhe trajnohet stafi në Hortikulturë për ruajtjen dhe mirëmbajtjen e Parkut dhe sigurojnë kushtet për mbrojtjen dhe ruajtjen e zonave të mbrojtura duke ofruar investime për paisjet e duhura adekuate.
Të vendosen shenjat orientuese dhe vetëdijsuese nëpër pika të rëndësishme dhe orientuse.
Të zëvendesohen shportat e dëmtuara dhe të vandalizuara në shtegun e ecjes.
IKMN nuk e rekomandon shtrimin dhe mirëmbajtjen e shtigjeve me rërë apo gurë, të kërkohen praktikat më të mira për mirëmbajtje të tyre.
Mbeturinat të riciklohen mundësisht.
Ngritja e objekteve për ushqimin e shtazëve të egra.
Të largohen të gjithë shitësit e lodrave,pijeve e gjërave tjera në hapsirën e lodrave dhe në të gjithë Parkun.
Të ketë patrolla të policisë më shumë nëpër shtigjet e Gërmisë.
Të ndalohen motorbike nëpër shtigje (të vendosen shenja në secilin shteg dhe hyrje kryesore).
Të ngritet siguria në Parkun e Gërmisë.
Policia është e pajisur me flet paraqitje për dëmtime të natyrës dhe ato mund ti lëshoj pa praninë e Inspektorëve Komunal. Të kërkohet që kjo të aplikohet edhe në praktikë.
Largimi dhe ndalesa e deponive inerte në Parkun Gërmia dhe gjobat adekuate sipas ligjit.
Përforcimet e rrjetit telefonik në të gjithë Parkun.
Vendosja e kamerave për siguri në të gjithë Parkun.
Të bëhet zgjidhje për shtegun e biçkletave që këmbësorët, të mos jenë në rrezik kur kalojnë biçikletat nëpër të njejtin shteg.
Cdo leje për ndërhyrje të kërkohet vetëm në Drejtorinë e Parqeve.
Të krijohet komunikim më i mirë mes departamenteve/Drejtorive brenda Komunës. Për shembull, në qoftëse departamenti X vëren se një degradim po i bëhet e.g. Parkut të Germisë dhe departamenti i Parqeve nuk ka kompetenca që e.g. të shqiptohet gjobë, apo të mirret ndonjë masë tjetër, të paktën të alarmohet departamenti përgjegjës. Kjo shmangë rastet kur departamenti thotë që, ne nuk kemi mundur të bëjmë asgjë sepse kompetencat i takojnë,departemtntit Y.
Shpronësimi i pronave private në Gërmi.
Të gjitha ndërtimet apo investimet në Gërmi deri më tani të kontrollohen a ka pasë shkelje ligjore, udhëzimeve si dhe ndaj të gjitha ndërtimeve me beton dhe gurë, të mirren masat adekuate.

Komunikimi i Drejtorive përkatëse në Komunën e Prishtinës

Kërkojmë:

Të gjithë zyrtarët, të kthejnë përgjigje në email ndaj shqetësimeve apo pyetjeve që adresojnë qytetarët.
Përgjigjet të jenë të bazuara me fakte, ligje, udhëzime dhe regulloreve.
Të kemi qasje në dokumentet zyrtare publike ashtu si është përcaktuar me ligjë, pa vonesë.
Mos të përdoret justifikimi “po kështu e kemi trashëguar problemin” por të rekomandohen zgjidhje për problemin, duke vepruar konkretisht.
Kërkojmë që zyrtarët të komunikojnë më mirë dhe më shpejt mes drejtorive brenda Komunës, si dhe komunikimin me institucione qëndrore për zgjidhjen e problemeve dhe shqetësimeve të qytetarëve, e jo të mbetet barrë kjo përgjegjësi për qytetarin.

Qytetarët Aktivë, gjithmonë mirëpresin zhvillimin e qëndrushëm ekonomik, duke u zbatuar ligjet, udhëzimet,rregulloret për mbrojtjen e Natyrës, si dhe synim primar të kenë ruajtjen e biodiversitetit.

Qytetarët Aktivë, janë të hapur për çdo takim nga kandidatët dhe ekipin e tyre për Kryetar të Prishtinës, për të diskutuar hapat konkrete në mbrojtje të Parkut Gërmia dhe mjedisit për Komunën e Prishtinës./ Media Ndërtimi.

Aktuale

Pas Danimarkës, edhe Belgjika propozon ta ndërtojë një burg në Kosovë

Published

16 mins ago

April 25, 2024

Ndertimi Media

Pas Danimarkës, edhe në Belgjikë është hedhur ideja për ndërtimin e një burgu në Kosovë ku shteti belg do t’i sillte të burgosurit pa dokumente për të vuajtur dënimin. Këtë ide e ka thënë deputeti belg Theo Francken nga partia “N-VA” në një intervistë për gazetën “Het Nieuwsblad”.

Sipas deputetit Francken, kjo ide përshtatet në mënyrë të përkryer me ndalimin e azilit, gjë që partia e tij e ka kërkuar prej kohësh.

Propozimi i deputetit Francken është përfshirë në manifestin zgjedhor të N-VA. Ai e sheh edhe si zgjidhje për dekonstruksionin e burgjeve.

Mediat belge shkruajnë se stafi i burgjeve belge do të jetë i lumtur për një ide të tillë, megjithatë sa është e realizueshme?

An-Sofie Vanhouche, profesoreshë e kriminologjisë në VUB, ka zbutur pritshmëritë lidhur me këtë ide. Sidomos nëse krahasimi bëhet me Danimarkën, sepse marrëveshja Danimarkë-Kosovë nuk është zhvilluar plotësisht.

“Burgu në vetvete është ndërtuar tashmë. Megjithatë shumë gjëra duhet të rregullohen dhe shumë mbeten të paqarta,” tregon Vanhouche nga bisedat që ajo pati me kolegët e saj danezë në shkurt.

Ndërtimi i një objekti është mjaft i thjeshtë, transferimi i njerëzve në Kosovë nuk është, thotë ajo.

“Të arrestuarit nuk duan thjesht të transferohen në një vend tjetër. Vetëm për shkak se janë dënuar nuk do të thotë se ata nuk i ruajnë të drejtat e tyre.”, ka thënë ajo.

Vanhouche ka ngritur edhe pikëpyetje nëse mund të garantohen të drejtat e njeriut në burgjet në Kosovë.

“Ky është problemi i parë për Danimarkën. Shumë avokatë nuk e konsiderojnë këtë të realizueshme.”, ka shtuar ajo./Media Ndërtimi

Aktuale

Mbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)

Published

43 mins ago

April 25, 2024

Ndertimi Media

Sot, në mjediset e Fakultetit të Inxhiniersië së Ndërtimit këtu në UP, filloi maratonën tre-ditore “Konferenca Studentore Ndërkombëtare e Inxhinierisë së Ndërtimit” (ISCCE 2024). Rektori i Universitetit të Prishtinës, Prof. Qerim Qerimi, bashkë me Rektorin e Universitetit Politeknik të Tiranës, Prof. Andrea Maliqari, dhe Dekanët e Fakulteteve të Inxhinierisë së Ndërtimit në Prishtinë, Prof. Florim Grajçevci dhe Tiranë, Prof. Neritan Shkodrani, nën një tempull të dijes ngritën në piedestal arritjet e studentëve të fushave të inxhinierisë së ndërtimit, duke i kurorëzuar në këtë Konferencë Ndërkombëtare.

Në panele të rezervuara iu kushtua rëndësi edhe folësve të ftuar nga anë e mbanë bota. Profesorë e inxhinierë të shquar nga Prishtina, Tirana, Stambolli, Praga, Vjena e Shkupi, shpalosën para më shumë se 300 pjesëmarrësve, hulumtime shkencore e tema inxhinierike të prekura për herë të parë në rajon.

Ky event i shënuar është arritje e madhe për të gjitha institucionet e Universitetit të Prishtinës, marrë parasysh gamën e madhe shkencore që po e shpalosë.

Nën organizimin e Fakulteteve të Inxhinierisë së Ndërtimit në Universitetin e Prishtinës dhe Universitetin Politeknik të Tiranës, sot filloi kjo konferencë me përmasa tejet të kënaqshme duke ngritur nivelin akademik të studentëve në Universitetin tonë dhe më gjerë.

Maratona e kësaj ngjarje të shënuar vazhdon edhe për dy ditë të tjera radhazi, për të shpërfaqur edhe punën e shkencore të studentëve pjesëmarrës./Media Ndërtimi

Aktuale

Një e treta e evropianeve nuk e kuptojnë se si funksionon inflacioni

Published

6 hours ago

April 25, 2024

Ndertimi Media

Një e treta e evropianeve nuk e kuptojnë se si funksionon inflacioni, sipas një sondazhi të Eurobarometrit. I njëjti sondazh zbuloi se vetëm 18% e qytetarëve të BE-së ishin në gjendje të tregonin një nivel të lartë edukimi financiar. Sipas sondazhit, 65% e qytetarëve të BE-së janë të vetëdijshëm se, në kohë inflacioni pozitiv, fuqia blerëse e parave të tyre ulet, që do të thotë se ata mund të blejnë më pak se më parë me të njëjtën sasi parash.

Në tetor 2022, inflacioni vjetor në BE arriti nivele të papara në katër dekadat e mëparshme në 11.5%. Ndërsa rritja e kostos së jetesës ishte shqetësimi më urgjent për 93% të evropianëve në atë kohë, me sa duket një e treta e qytetarëve të BE-së nuk e dinë se si inflacioni ndikon në jetën e tyre. Sondazhi i Eurobarometrit, i kryer në mars-prill 2023, përfshiu pyetje mbi njohuritë financiare dhe sjelljen për të matur njohuritë financiare në të gjithë vendet e BE-së.

Vetëm rreth një e katërta e të anketuarve (26%) në BE iu përgjigjën saktë të paktën katër nga pesë pyetjet mbi njohuritë financiare. Gjysma iu përgjigj saktë vetëm dy ose tre pyetjeve, ndërsa një tremujor tjetër i gjeti pyetjet veçanërisht sfiduese. Performuesit më të mirë ishin Holanda (43%), Danimarka (40%), Finlanda (40%) dhe Estonia (39%) ku rreth katër në 10 të anketuar shfaqin një nivel të lartë njohurish financiare. Rumania dhe Portugalia raportuan rezultatet më të këqija në nivelet e larta të njohurive financiare me 13% dhe 16%, respektivisht.

Ndër katër ekonomitë e mëdha të BE-së, vetëm Gjermania kishte një rezultat më të lartë se mesatarja e BE-së në këtë tregues. Ndërsa rezultatet e Francës dhe Italisë ishin pak më poshtë mesatares së BE-së, kjo shifër ishte dukshëm e ulët në Spanjë me 19%.

Anasjelltas, përqindja me një rezultat të ulët ishte më e larta në Qipro dhe Rumani (të dyja 30%), e ndjekur nga Greqia (29%) dhe Portugalia (28%). Sondazhi zbuloi se 35% nuk e kuptonin se si inflacioni ul fuqinë e tyre blerëse. Pyetja ishte: Në BE, 22% thanë se mund të blinin të njëjtën sasi, dhe 7% u përgjigjën se mund të blinin më shumë se sot. Gjashtë përqind e pjesëmarrësve nuk kishin përgjigje.

Përqindja që iu përgjigj saktë kësaj pyetjeje (“Më pak se sa mund të blini sot”) ishte nën 60% në Qipro, Portugali, Greqi, Rumani dhe Itali, ndërsa Finlanda dhe Estonia kishin përqindjen më të lartë me 84%. Njohuria e përgjithshme financiare bazohet në njohuritë financiare dhe rezultatet e sjelljes. Mesatarisht, në të gjithë BE-në, 18% e të anketuarve kanë një rezultat të lartë për nivelin e përgjithshëm të edukimit financiar, 64% kanë një rezultat mesatar dhe 18% një rezultat të ulët.

Përqindja me një rezultat të lartë varionte nga 11% në Portugali dhe Letoni në 27% në Danimarkë, Slloveni dhe Suedi dhe 28% në Holandë. Përkundrazi, përqindja me një rezultat të ulët ishte më e larta në Finlandë (27%), Letoni (24%), Belgjikë (22%) dhe Spanjë (22%). Duke parë rezultatet e nivelit socio-demografik, proporcioni me një rezultat të lartë në arsimimin e përgjithshëm financiar është më i lartë midis:

meshkuj (24% krahasuar me 13% të femrave);

të anketuarit e moshës mbi 39 vjeç (20%, krahasuar me 13% të moshave 18-24 dhe 16% të atyre të moshës 25-39 vjeç);

të anketuarit me nivel të lartë arsimor (26%, krahasuar me 16% të atyre me nivel të mesëm dhe 12% për ata me nivel të ulët arsimor).

BE-ja po punon për të siguruar që qytetarët e saj të kenë njohuritë dhe aftësitë që u nevojiten për të marrë vendime të mira financiare./Media Ndërtimi