Connect with us

Aktuale

Hekurudha Shqipëri –Kosovë, investim strategjik për fuqizimin ekonomik të dy shteteve!

Published

on

Lidhja hekurudhore e Kosovës me Shqipërinë duhet të jetë prioritet i të dy qeverive si në Kosovë dhe Shqipëri. Ky projekt duhet të fillojë sa ma shpejtë që është e mundur për të mundësuar kyçjen e Shqipërisë dhe Kosovës në rrjetin hekurudhorë të Evropës përmes korridorit C10.

Ndërtimi dhe revitalizimi i hekurudhës do të përcakton rrjedhën e zhvillimit ekonomik të të dy vendeve dhe do t’i jep një shtytje të fuqishme të dy ekonomive.

Projekti i ndërtimit të Portit të ri në Durrës “Porto Romano” është projekt i fuqishëm i cili jep mundësinë e orientimit të transportit detarë në Portin e Durrësit e që do të sjellë miliarda përfitime për Shqipërinë po gjithashtu edhe për Kosovën nëse ky port do të mbështetet më lidhjen hekurudhore  Shqipëri – Kosovë dhe përmes Serbisë në  Korridorin 10 e që lidhet me Kroacinë, Slloveninë, Austrinë, Hungarinë  dhe më tutje me rrjetin e zhvilluar Evropian të Hekurudhave.

Efektiviteti maksimal i “Porto Romanos” mund të arrihet me dy zona të fuqishme ekonomike mbështetëse njëra në  Tiranë dhe  tjetra Zonë në Gjakovë.

Kjo do të  mundësonte krijimin e së paku 15 000 vendeve të reja pune në mënyrë direkte, e indirekt do të shkonte deri 25 000 vende pune, sipas studimit të bërë nga  Qendrës Shqiptare të Studimeve Strategjike me seli në Tiranë.

Nga ky studim del se kostoja e transportit të mallrave përmes “Porto Romanos” dhe hekurudhës Shqipëri, Kosovë, Serbi, Evropë do të reflektohet me ulje të kostos së transportit por edhe të kohës për transport për 30 përqind në raport me transportet nga portet tjera të mëdha detare.

Në mbledhjen e përbashkët të Qeverive Kosovë –Shqipëri në Tetor të vitit 2020 u nënshkrua memorandum për bashkëpunimin për transportin hekurudhorë.

Lajm i mirë është që Qeveria Rama ka nisur studimin e fizibilitetit për hekurudhën Shqipëri Kosovë.

Pjesa më e kushtueshme është ndërtimi i segmentit hekurudhorë Shkodër-Qafë Morinë në gjatësi 70 kilometra e që kap koston rreth 300 Milion Euro. Në pjesën e Kosovës shtrirja e hekurudhës Qafë Morinë- Gjakovë në gjatësi 20 kilometra me kosto rreth 50 milion Euro dhe revitalizimi I hekurudhave ekzistuese në Kosovë nga Gjakova në Prishtinë dhe Merdarë në gjatësi 110 kilometra e që llogaritet të këtë kosto rreth 200 Milion Euro.

Këtu sigurisht është ë nevojshme edhe revitalizimi I segmentit Merdare- Dolevac  në Serbi në gjatësi 75 kilometra ku në disa segmente kanë filluar punimet.

Projekti i lidhjes hekurudhore të Shqipërisë me Kosovën  dhe më tutje me Transportin Hekurudhor BE- së Korridorin 11  duhet të jetë projekt strategjik për tregjet e Shqipërisë dhe Kosovës por edhe si shërbim ekonomik profitabil për tregjet evropiane

Agjenda e Procesit të Berlinit dhe Marrëveshja e Uashingtonit mbështesin fuqishëm zgjerimin e infrastrukturës rrugore dhe  hekurudhore në shtetet e Ballkanit Perëndimor dhe janë ndarë fonde të respektueshme që kjo të arrihet në vazhdën e integrimit të plotë ekonomik dhe politik të Ballkanit Perëndimorë në EU dhe NATO.

Është inkurajuese deklarata nga Qeveria e tretë Rama që në planin aktual të Qeverisë është lidhja hekurudhore me Kosovën e që duhet të përcillet edhe me planin e Qeverisë së Kosovës në realizimin e këtij projekti të një rëndësie jetike për zhvillimin ekonomik por edhe faktorizimin strategjik e politik në rajon të të dy vendeve.

Hekurudha Shqipëri Kosovë do të mundësojë që të ndryshojë koniunktura e zhvillimit ekonomik, në interes të zhvillimit të qëndrueshëm, krijimit të vendeve të reja punës dhe orientimin në industritë më profitabile që sigurojnë paga të standardeve evropiane.

Është koha që pozita gjeografike dhe strategjike e Shqipërisë dhe Kosovës të vendoset në shërbim të zhvillimit ekonomik e investimi në infrastrukturën hekurudhore e mundëson këtë.

Një nismë e filluar që në vitin 1933 nga Mbreti Zog për bashkimin e Kosovës me Shqipërinë me hekurudhë është koha të bëhet realitet./ Media Ndërtimi.

*Opinion i shkruar nga GAZMEND ABRASHI, Ekonomist dhe ish-Koordinatori Kosovës për Ballkanin Perendimor.

Aktuale

Cilat janë ndryshimet në dënime me Ligjin e ri për rregullat e trafikut rrugor?

Published

on

Në muaji prill të këtij viti do të fillojë të zbatohet Ligji i ri për rregullat e trafikut rrugor pasi Ligji është votuar në Parlament dhe është dekretuar nga presidentja e Kosovës, Vjosa Osmani, më 11.03.2024.

Mosvënia e rripit të sigurisë, mbajtja në prehër e personit tjetër gjatë vozitjes, tejkalimi në vijë të plotë, përdorimi i celularit gjatë vozitjes dhe garat me vetura janë vetëm disa prej veprimeve të vozitësve që pritet të dënohen shumë më ashpër sesa me Ligjin e vjetër për rregullat e trafikut rrugor.

Sipas Ligjit të ri, i cili është publikuar në Gazetën Zyrtare më 19.03.2024 dhe hyn në fuqi më 03.04.2024, parashihet që dënimi me gjobë për personat që nuk vënë rripin e sigurisë të jetë 150 euro. Mosvënia e rripit të sigurisë me Ligjin e kaluar dënohej me 40 euro gjobë.

Gjatë vozitjes nuk lejohet përdorimi i telefonit. Këtë e ka paraparë Ligji për rregullat e trafikut rrugor. Nëse një person përdor telefonin gjatë vozitjes i njëjti do të dënohet me 100 euro gjobë dhe do t’i shqiptohet një pikë negative.

Nëse veprimi i njëjti i përdorimit të telefonit përsëritet për herë të dytë, ngasësi i veturës do të dënohet me 200 euro gjobë dhe me shqiptimin e dy pikëve negative dhe do t’i ndalohet ngasja për tre muaj.

Ndërsa nëse për më shumë se dy herë vozitësi ka përdorur telefonin do të dënohet me gjobë në shumën 500 euro, do t’i shqiptohen tri pikë negative dhe do t’i ndalohet ngasja e veturës në kohëzgjatje prej 6 muajsh.

40 euro dënim me gjobë është ajo çfarë kishte paraparë Ligji aktual për vozitësit që kapen duke përdorur telefonin gjatë vozitjes.

Ligjvënësi ka paraparë që të ashpërsojë dënimin edhe ndaj këmbësorëve që në vendkalimin për këmbësorë përdorin telefonin apo dëgjuese me të cilat do të mund të humbnin koncentrimin.

Ligji i ri ka paraparë dënimin deri në 50 euro gjobë kurse Ligji i vjetër (aktual) këtë veprim të këmbësorit e kishte konsideruar si kundërvajtje, e cila dënohej me 40 euro gjobë.

Tutje, Ligji i ri parasheh dënime me të ashpra për vozitësit të cilët nuk e respektojnë shpejtësinë e rekomanduar.

Kështu nëse një vozitës jashtë zonës së banimit, pra në autostradë dhe në magjistrale, vozit me mbi 100km/h më shumë se shpejtësia e lejuar, ai do të dënohet me 500 euro gjobë, shqiptimin e 5 pikëve negative dhe 6 muaj do t’i ndalohet vozitja e automjetit.

Ndërsa Ligji i vjetër, për tejkalimin e shpejtësisë jashtë zonës urbane, kishte paraparë dënimin prej 200-600 euro gjobë, nëse tejkalimi i shpejtësisë ka qenë 50 km/h më shumë se shpejtësia e lejuar. Krahas gjobës, nëse është tejkaluar shpejtësia ishte paraparë shqiptimi i 3 pikëve negative dhe 3 muaj do t’i ndalohej vozitja e automjetit.

Ligji i ri ka paraparë dënime më të ashpra edhe nëse vozitësit bëjnë gara jashtë vendbanimeve apo brenda vendbanimeve.

Kushdo që bën gara jashtë vendbanimit do të dënohet me Ligjin e ri me 400 euro gjobë, shqiptimin e katër pikëve negative dhe 10 muaj do t’i ndalohet vozitja e automjetit. Kurse nëse garat bëhen brenda vendit ku ka banim, dënimi do të jetë më i ashpër prej 500 eurove dënim me gjobë, shqiptimin e pesë pikëve negative dhe 12 muaj do t’i ndalohet personit që të vozitë automjetin.

Ligji i vjetër nuk kishte bërë diferencimin për garat që zhvillohen brenda apo jashtë vendbanimit. Si dënim për këdo që bën gara, më Ligjin e vjetër ishte paraparë dënimi me gjobë prej 100-300 euro.

Tutje, Ligji i ri ia ndalon vozitësit të automjetit të mbajë në prehër dikë tjetër, duke përfshirë këtu edhe fëmijët, gjë të cilën nuk e kishte specifikuar Ligji i vjetër (aktual).

Ligji i ri ka paraparë dënimin me gjobë prej 400 euro, shqiptimin e 5 pikëve negative dhe ndalim të vozitjes së automjetit për 6 muaj nëse mban në prehër dikë tjetër.

Kushdo që ka pasur të vendosur folie apo ndonjë material tjetër me të cilin do t’i ndihmonte në errësimin e xhamave të veturës me Ligjin e vjetër ishte dënuar me 60 euro dënim me gjobë. Ligji i ri nuk ka specifikuar asnjë nen apo paragraf me të cilën do ta rregullonte këtë veprim të shoferit.

Kallxo.com i ka dërguar pyetje Ministrisë së Mjedisit, Planifikimit Hapësinor dhe Infrastrukturës për të kërkuar sqarim lidhur me këtë çështje, por deri në publikimin e këtij artikulli nuk ka kthyer përgjigje.

Ligji i ri ka paraparë dënime edhe për vozitësit të cilët bëjnë tejkalime në vijë të plotë. Gjoba për këtë veprim do të jetë 200 euro, shqiptimi i 2 pikëve negative dhe 3 muaj ndalim të drejtimit të automjetit.Ligji i vjetër kishte paraparë dënimin me gjobë nga 100-300 euro, 3-6 muaj ndalim të vozitjes dhe 2 pikë negative.

Ajo çka konsiderohet risi në këtë Ligj është përcaktimi i rregullave për vozitësit e trotineteve elektrike.Personat nën moshën 16-vjeçare nuk kanë të drejtë të ngasin trotinet. Nëse një gjë e tillë ndodh qiradhënësi do të dënohet me gjobë në shumën prej 500 euro, prindi dhe kujdestari i fëmijëve do të dënohen me gjobë në shumën prej 100 euro./Media Ndërtimi

Continue Reading

Aktuale

Çka parasheh Ligji i ri i trafikut rrugor për ngasësit e trotinetit elektrik?

Published

on

Ligji i ri për rregullat e trafikut rrugor, i cili pritet të hyjë në fuqi në fillim të muajit prill, ka paraparë rreth tri dispozita ligjore që specifikojnë mënyrën se si do të veprohet në trafik me trotinet elektrik.

Ky Ligj pritet të hyjë në fuqi muajin e ardhshëm (prill 2024) pasi është votuar në Parlamentin e Kosovës dhe është dekretuar nga presidentja Vjosa Osmani më 11.03.2024.

Sipas Ligjit të ri, drejtuesit e trotinetit elektrik duhet të lëvizin në shiritin e biçikletave ose në shtegun e përbashkët për biçikleta dhe për këmbësorë.

Shpejtësia me të cilën lejohet të operojë një trotinet elektrik do të jetë 25 km/h e kushdo që nuk e respekton këtë kufizim do të ndëshkohet me 150 euro gjobë dhe do t’i konfiskohet trotineti për 3 muaj, shkruan Kallxo.com

Sipas Ligjit të ri do të dënohet me 150 euro gjobë dhe 3 muaj do t’i konfiskohet trotineti elektrik kushdo që e nget në zonën për të cilën nuk është përcaktuar lëvizja e tij.

Kështu, me 150 euro dhe 3 muaj konfiskim të mjetit do të dënohet personi që vozit trotinetin në trotuar dhe në hapësira të tjera të parapara për këmbësorë/sheshe.

Fëmijëve nën moshën 16-vjeçare nuk do t’u lejohet që të vozisin trotinetin në rrugët publike. Nëse një gjë e tillë ndodh prindi ose kujdestari i fëmijës do të dënohet me gjobë në shumë prej 100 euro. Kurse qiradhënësi do të dënohet me 500 euro dënim me gjobë.

Sipas Ligjit të ri, në trotinet nuk do të lejohen dy apo më shumë persona, sepse në të kundërtën do të dënohen me gjobë prej 100 euro dhe do të konfiskohet mjeti për 3 muaj.

Ligji ka paraparë se nëse vozitësi i trotinetit elektrik manovron me një rrotë, vozit më dëgjuese, dhe vozit pa dy duart do të dënohet me gjobë në shumë 40 euro.

Ligji i ri i cili pritet të zbatohet që nga muaji prill ka shfuqizuar Ligjin për rregullat e trafikut rrugor, i cili ka qenë në zbatim që nga gushti i vitit 2016.

Continue Reading

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Trending