Haziri kërcënon Qeverinë: Nëse nuk realizohet autostrada, do ta bllokoj Gjilanin

0

Kandidati i Lidhjes Demokratike të Kosovës për Komunën e Gjilanit, Lutfi Haziri kërcënoi me bllokim të qytetit nëse nuk realizohet projekti i autostradës për Gjilanin.

Në Debat Pernime, Haziri tha se është në gjendje që ta mbyllë territorin e Gjilanit në shenjë proteste nëse nuk bëhet autostrada.

“Autostrada, nëse nuk realizohet do ta bllokoj hermetikisht Gjilanin që qeveria mos me mujt me hy në territor të Gjilanit”, tha Haziri gjatë një paraqitje te Kallxo.com.

Në zgjedhjet e 22 tetorit, Haziri dhe Kurteshi morën më së shumti vota nga kandidatët që ishin në garë për të parin e Gjilanit.

Haziri i LDK-së ka fituar në rrethin e parë 43,51 për qind të votave, ndërsa Kurteshi i VV-së 27.78 për qind.