Haradinaj e Lekaj bëjnë Dukagjinin me autostradë

0

Qeveria e Kosovës ka marrë vendim që të fillojë së ndërtuari autostradën e “Dukagjinit” në fillim të vitit 2019-të.

Këtë vendim e ka bërë të ditur Ministri i Infrastrukturës, Pal Lekaj, ku ka thënë se nga sot do të fillojnë me veprimet konkrete për të mundësuar që të jetësohet ky projekt infrastrukturor.

“Qeveria e Kosovës, me propozimin e Ministrisë së Infrastrukturës mori vendim për krijimin e Komitetit Drejtues Ndërministror për Autostradën e “Dukagjinit”, që do të fillojë se ndërtuari në fillim të vitit 2019. Nga sot do të fillojmë me veprime konkrete për të mundësuar që të jetësohet projekti infrastrukturor me i madhi në vend që e lidhë të gjithë Dukagjinin me pikën kufitare Morinë. Faleminderit kryeministrit dhe kolegëve ministra për mbështetjen e vazhdueshme dhe për votën e tyre në mbledhjen e sotme të qeverisë. Urime!”, ka treguar Lekaj.

Kjo autostradë do ta ketë gjatësi prej 91 kilometra dhe do t’i lidhë Istogun, Deçanin, Pejën, Gjakovën dhe Prizrenin.

Për autostradën e ‘Dukagjinit” kohë më parë ishte kërkuar që të ndahen 80 milionë euro.

REKLAMA