Fillon faza e fundit e rregullimit të Sahat Kullës në Gjilan

0

Ka rifilluar faza e fundit e rregullimit të Sahat Kullës në Gjilan, projekt i cili po realizohet nga Komuna e Gjilanit në bashkëfinancim me Ministrinë e Kulturës, Rinisë dhe Sportit.

Komuna e Gjilanit dhe MKRS-ja do të përfundojnë punimet në trupin dhe ambientet përreth Sahat Kullës, shkruan Ndertimi.info.

Punimet për ndërtimin e sahat kullës për të cilën pati pakënaqësi se u shfrytëzua edhe si banjo publike, filluan me 5 korrik 2010. Lartësia e saj arrin afro 30 metra ndërsa gjerësia është 3.80 metra. Ajo është e ndërtuar nga materiale si betonarmë, gur, blloqe të pjekura dhe është e mbuluar me tjegulla.

Sahat kulla e mëparshme thuhet se është ndërtuar pas ardhjes së familjes Gjinolli në Gjilan. Kjo familje thuhet se erdhi nga Artana (ish Novobërda) në Gjilan, rreth vitit 1750.

“Ky projekt është shumë i rëndësishëm sepse e kthen memorien e trashëgimisë kulturore të rrënuar të Gjilanit nga sllavokomunistët dhe regjimet e kohës”, ka shkruar në Facebook kryetari i Komunës së Gjilanit, Lutfi Haziri.

 

PËRGJIGJU

Please enter your comment!
Please enter your name here