Ferizaj me zonë të lirë ekonomike

0

Kryetari i Komunës së Ferizajt Agim Aliu, zhvilloi një takim me Ministrin e Tregtisë dhe Industrisë Bajram Hasani, me të cilin bisedoi për shumë çështje me rëndësi për zhvillimin e projekteve të rëndësishme për këtë komunë, konkretisht për fillimin e procesit të krijimit të zonës së re të lirë ekonomike.

Ministri Hasani, u zotua se MTI do të përkrahë fuqishëm iniciativën e kryetarit Aliu, duke gjetur mundësinë e financimit të projektit për ngritjen e infrastrukturës në zonën ekonomike e cila do të krijohet së shpejti.

Aliu falënderoi Ministrin Hasani për gatishmërinë e treguar lidhur me projektin në fjalë dhe u zotua se komuna do t’i përmbushë me kohë obligimet që dalin për realizim të e këtij projekti.

Gjithashtu gjatë këtij takimi u bisedua edhe mundësinë e bashkëpunimit edhe në fusha tjera me rëndësi, në funksion të ngritjes së mirëqenies qytetare.