Ferizaj kërkon këshilla profesionistësh për sahatkullën pa leje

0
SONY DSC

Komuna e Ferizajt ende po mendohet se si ta trajtojë objektin pa leje të kullës pa sahat, të ndërtuar në mes të qytetit.

Megjithëse qeverisja e LDK-së pati premtuar disa herë se do ta rrëzonte këtë objekt pa leje, nuk e bëri, shkruan sot “Koha Ditore”.

Këtë veprim nuk po e bën as pushteti aktual. Ky objekt është ndërtuar në kohën e qeverisjes së PDK-së, kur kryetar komune ishte Bajrush Xhemajli.

Megjithëse i ndërtuar vetëm disa metra larg objektit të Komunës, për të nuk është marrë leje, teksa Komuna nuk e ka penguar ndërtimin e tij.

Megjithatë, Komuna ka angazhuar një këshill profesionist për të vendosur se si të veprojnë me këtë objekt.

REKLAMA