Connect with us

Aktuale

‘Falja e tatimit në kundërshtim me ligjin’

Published

1 year ago

on

Drejtori Ekzekutiv i Asociacionit të Komunave të Kosovës, Sazan Ibrahimi, ka thënë se propozimi për faljen e tatimit në pronë në vlerë deri në 100 euro është në kundërshtim me dispozitat ligjore.

Në një interviste për Indeksonline, Ibrahimi ka thënë se ky propozim i ministrit Murati është i pabazuar me legjislacionin në fuqi.

Sipas tij, Asociacioni i Komunave ia ka bërë me dije që komunat nuk kanë të drejtë ligjore që të falin tatime në pronë, pasi këto lloj vendimesh duhet të sjellën në nivelin qendror.

Ibrahimi madje shton se kjo iniciativë e Muratit nuk është bërë në konsultim me komunat.

“Nuk është hera e parë. Edhe vitin e kaluar, tendenca e të njëjtit ministër, që t’ua marrë mjetet financiare nga të hyrat vetanake komunave, të cilat ishin të pashpenzuara, edhe në atë tendencë, po të ndodhte një gjë e tillë, do të ishte në kundërshtim me legjislacionin në fuqi.”

Drejtori Ekzekutiv i AKK-së thotë se shqetësim si ky i tatimit nuk po ngritet për herë të parë në takimet e Asociacionit me kryetarët e komunave dhe me ministrin Murati.

“Bordi i Asociacionit ka reaguar menjëherë kur ministri Murati ka deklaruar që të ndodhë falja e tatimit në pronë nga niveli lokal. Nuk e di sa ka pasë informata të tilla, dhe ne si Asociacion kemi reaguar dhe ia kemi bërë me dije që kjo gjë është e pamundur dhe kjo është parë me dokumentin i cili është dërguar nga Ministria e Financave te kryetari Ramiz Lladrovci, i cili ka bërë një kërkesë për sqarim ligjor, dhe mund të konkludoj që Ministria e Financave kushtimisht ishte kundër deklaratës së ministrit Murati që komunat mund të falin borgjet për tatimin në pronë” deklaroi Ibrahimi.

Shqetësimi për grante është ngritur në takimin e kryeministrit me kryetarët e komunave, ku kanë marrë përgjigje se grantet do të ndahen pas regjistrimit të popullatës, por që sipas Ibrahimit, nuk është justifikim, pasi grantet janë ndarë në menyrë të rregullt edhe vitet paraprake, kur nuk kishte regjistrim të popullatës. Sipas tij, ky justifikim nuk qëndron.

“Neve si Asocicacion, gjithmonë kur kryetarët i kemi në takime me kryeministrin Kurti dhe me ministrat e tjerë, pasi takimi me ministrin Murati është i pamundur, sepse ai gjithmonë i anashkalon… ne i kemi identifikuar problemet, i kemi paraqitur para kryeministrit Kurti, dhe do të monitorojmë se cilat kërkësa do të zbatohen, dhe cilat kërkesa nuk do të zbatohen. Në takimin e radhës, ato kërkesa të komunave, të cilat janë zbatuar, do të tregojmë që janë zbatuar, dhe ato të cilat nuk janë zbatuar dhe nuk ka ndonjë zotim nga ministrat e ministrive përkatëse, përsëri do t’i ngrisim si çështje” shtoi Ibrahimi.

Ai deklaroi se komunat janë duke pasur probleme serioze dhe të mëdha. Nga ana e tij është kërkuar që të krijohet edhe fondi emergjent për komuna, i cili do t’u shërbente atyre në rastet si ky i fundit me vërshime.

“Komunat janë duke u ballafaquar me probleme jashtëzakonisht të mëdha. Patëm çështjen e vërshimeve prej 19 janarit. Neve kemi krijuar patjetër që të krijohet një fond emergjent për komunat, në mënyrë qe drejtpërdrejt qytetarët të ndihmohen menjëherë pas ndodhive të tilla. Shresojmë që në të ardhmën nuk do të kemi vërshime apo nuk do të kemi zjarre, mirëpo duhet të jemi të përgaditur dhe ta mendojmë një bugjet për komunat, për raste emergjente.”

Ibrahimi thotë se Asociacioni ka kundërshtuar veprimin e ministrit Murati, i cili është pa baza ligjore, sa i përket tatimit. Deklaratat e Muratit, sipas tij, nuk janë në dispozitë me ligjin e as në proporcion me deklaratat e Ministrisë së Financave.

“Asocicacioni i Komunave të Kosovës nuk ka kundërshtuar këtë. Neve e kemi kundërshtuar veprimin e ministrit Murati i cili ka dhënë një premtim të tillë, apo ka dhënë një deklaratë të tillë, pa bazë ligjore. Neve si Asocicacion vetëm ia kemi tërhequr vërejtjen që komunat nuk mund ta bëjnë një veprim të tillë sepse nuk ka bazë ligjore. Kjo është vërtetuar edhe me shkresë nga Ministria e Financave, ku aty u konkludua që kjo nuk është e mundur nga komunat e Republikës së Kosovës. Tash, nëse do të kemi ndryshime ligjore në të ardhmën, ajo është diçka tjetër, por nuk ka mundësi që komunat të falin këtë vlerë të tatimit në pronë” pohoi Ibrahimi për Indeksonline.

“Të premtën, me 3 shkurt, Ministria e Financave bëri të qartë atë që ne e kemi ditur paraprakisht, duke u bazuar në legjislacionin në fuqi, që Komunat nuk e kanë atë të drejtë.”

Tutje, Ibrahimi ka ndarë detaje edhe në hapat e ardhshëm të Asociacionit, në vlerësimin e dëmve financiare që do të mund t’i kushtonte vendimi për tatimin, secilës komunë.

Related Topics:

Aktuale

Pas Danimarkës, edhe Belgjika propozon ta ndërtojë një burg në Kosovë

Published

6 hours ago

on

April 25, 2024

By

Pas Danimarkës, edhe në Belgjikë është hedhur ideja për ndërtimin e një burgu në Kosovë ku shteti belg do t’i sillte të burgosurit pa dokumente për të vuajtur dënimin. Këtë ide e ka thënë deputeti belg Theo Francken nga partia “N-VA” në një intervistë për gazetën “Het Nieuwsblad”.

Sipas deputetit Francken, kjo ide përshtatet në mënyrë të përkryer me ndalimin e azilit, gjë që partia e tij e ka kërkuar prej kohësh.

Propozimi i deputetit Francken është përfshirë në manifestin zgjedhor të N-VA. Ai e sheh edhe si zgjidhje për dekonstruksionin e burgjeve.

Mediat belge shkruajnë se stafi i burgjeve belge do të jetë i lumtur për një ide të tillë, megjithatë sa është e realizueshme?

An-Sofie Vanhouche, profesoreshë e kriminologjisë në VUB, ka zbutur pritshmëritë lidhur me këtë ide. Sidomos nëse krahasimi bëhet me Danimarkën, sepse marrëveshja Danimarkë-Kosovë nuk është zhvilluar plotësisht.

“Burgu në vetvete është ndërtuar tashmë. Megjithatë shumë gjëra duhet të rregullohen dhe shumë mbeten të paqarta,” tregon Vanhouche nga bisedat që ajo pati me kolegët e saj danezë në shkurt.

Ndërtimi i një objekti është mjaft i thjeshtë, transferimi i njerëzve në Kosovë nuk është, thotë ajo.

“Të arrestuarit nuk duan thjesht të transferohen në një vend tjetër. Vetëm për shkak se janë dënuar nuk do të thotë se ata nuk i ruajnë të drejtat e tyre.”, ka thënë ajo.

Vanhouche ka ngritur edhe pikëpyetje nëse mund të garantohen të drejtat e njeriut në burgjet në Kosovë.

“Ky është problemi i parë për Danimarkën. Shumë avokatë nuk e konsiderojnë këtë të realizueshme.”, ka shtuar ajo./Media Ndërtimi

Continue Reading

Aktuale

Mbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)

Published

7 hours ago

on

April 25, 2024

By

Sot, në mjediset e Fakultetit të Inxhiniersië së Ndërtimit këtu në UP, filloi maratonën tre-ditore “Konferenca Studentore Ndërkombëtare e Inxhinierisë së Ndërtimit” (ISCCE 2024). Rektori i Universitetit të Prishtinës, Prof. Qerim Qerimi, bashkë me Rektorin e Universitetit Politeknik të Tiranës, Prof. Andrea Maliqari, dhe Dekanët e Fakulteteve të Inxhinierisë së Ndërtimit në Prishtinë, Prof. Florim Grajçevci dhe Tiranë, Prof. Neritan Shkodrani, nën një tempull të dijes ngritën në piedestal arritjet e studentëve të fushave të inxhinierisë së ndërtimit, duke i kurorëzuar në këtë Konferencë Ndërkombëtare.

Në panele të rezervuara iu kushtua rëndësi edhe folësve të ftuar nga anë e mbanë bota. Profesorë e inxhinierë të shquar nga Prishtina, Tirana, Stambolli, Praga, Vjena e Shkupi, shpalosën para më shumë se 300 pjesëmarrësve, hulumtime shkencore e tema inxhinierike të prekura për herë të parë në rajon.

Ky event i shënuar është arritje e madhe për të gjitha institucionet e Universitetit të Prishtinës, marrë parasysh gamën e madhe shkencore që po e shpalosë.

Nën organizimin e Fakulteteve të Inxhinierisë së Ndërtimit në Universitetin e Prishtinës dhe Universitetin Politeknik të Tiranës, sot filloi kjo konferencë me përmasa tejet të kënaqshme duke ngritur nivelin akademik të studentëve në Universitetin tonë dhe më gjerë.

Maratona e kësaj ngjarje të shënuar vazhdon edhe për dy ditë të tjera radhazi, për të shpërfaqur edhe punën e shkencore të studentëve pjesëmarrës./Media Ndërtimi

Continue Reading

Aktuale

Një e treta e evropianeve nuk e kuptojnë se si funksionon inflacioni

Published

12 hours ago

on

April 25, 2024

By

Një e treta e evropianeve nuk e kuptojnë se si funksionon inflacioni, sipas një sondazhi të Eurobarometrit. I njëjti sondazh zbuloi se vetëm 18% e qytetarëve të BE-së ishin në gjendje të tregonin një nivel të lartë edukimi financiar. Sipas sondazhit, 65% e qytetarëve të BE-së janë të vetëdijshëm se, në kohë inflacioni pozitiv, fuqia blerëse e parave të tyre ulet, që do të thotë se ata mund të blejnë më pak se më parë me të njëjtën sasi parash.

Në tetor 2022, inflacioni vjetor në BE arriti nivele të papara në katër dekadat e mëparshme në 11.5%. Ndërsa rritja e kostos së jetesës ishte shqetësimi më urgjent për 93% të evropianëve në atë kohë, me sa duket një e treta e qytetarëve të BE-së nuk e dinë se si inflacioni ndikon në jetën e tyre. Sondazhi i Eurobarometrit, i kryer në mars-prill 2023, përfshiu pyetje mbi njohuritë financiare dhe sjelljen për të matur njohuritë financiare në të gjithë vendet e BE-së.

Vetëm rreth një e katërta e të anketuarve (26%) në BE iu përgjigjën saktë të paktën katër nga pesë pyetjet mbi njohuritë financiare. Gjysma iu përgjigj saktë vetëm dy ose tre pyetjeve, ndërsa një tremujor tjetër i gjeti pyetjet veçanërisht sfiduese. Performuesit më të mirë ishin Holanda (43%), Danimarka (40%), Finlanda (40%) dhe Estonia (39%) ku rreth katër në 10 të anketuar shfaqin një nivel të lartë njohurish financiare. Rumania dhe Portugalia raportuan rezultatet më të këqija në nivelet e larta të njohurive financiare me 13% dhe 16%, respektivisht.

Ndër katër ekonomitë e mëdha të BE-së, vetëm Gjermania kishte një rezultat më të lartë se mesatarja e BE-së në këtë tregues. Ndërsa rezultatet e Francës dhe Italisë ishin pak më poshtë mesatares së BE-së, kjo shifër ishte dukshëm e ulët në Spanjë me 19%.

Anasjelltas, përqindja me një rezultat të ulët ishte më e larta në Qipro dhe Rumani (të dyja 30%), e ndjekur nga Greqia (29%) dhe Portugalia (28%). Sondazhi zbuloi se 35% nuk e kuptonin se si inflacioni ul fuqinë e tyre blerëse. Pyetja ishte: Në BE, 22% thanë se mund të blinin të njëjtën sasi, dhe 7% u përgjigjën se mund të blinin më shumë se sot. Gjashtë përqind e pjesëmarrësve nuk kishin përgjigje.

Përqindja që iu përgjigj saktë kësaj pyetjeje (“Më pak se sa mund të blini sot”) ishte nën 60% në Qipro, Portugali, Greqi, Rumani dhe Itali, ndërsa Finlanda dhe Estonia kishin përqindjen më të lartë me 84%. Njohuria e përgjithshme financiare bazohet në njohuritë financiare dhe rezultatet e sjelljes. Mesatarisht, në të gjithë BE-në, 18% e të anketuarve kanë një rezultat të lartë për nivelin e përgjithshëm të edukimit financiar, 64% kanë një rezultat mesatar dhe 18% një rezultat të ulët.

Përqindja me një rezultat të lartë varionte nga 11% në Portugali dhe Letoni në 27% në Danimarkë, Slloveni dhe Suedi dhe 28% në Holandë. Përkundrazi, përqindja me një rezultat të ulët ishte më e larta në Finlandë (27%), Letoni (24%), Belgjikë (22%) dhe Spanjë (22%). Duke parë rezultatet e nivelit socio-demografik, proporcioni me një rezultat të lartë në arsimimin e përgjithshëm financiar është më i lartë midis:

meshkuj (24% krahasuar me 13% të femrave);

të anketuarit e moshës mbi 39 vjeç (20%, krahasuar me 13% të moshave 18-24 dhe 16% të atyre të moshës 25-39 vjeç);

të anketuarit me nivel të lartë arsimor (26%, krahasuar me 16% të atyre me nivel të mesëm dhe 12% për ata me nivel të ulët arsimor).

BE-ja po punon për të siguruar që qytetarët e saj të kenë njohuritë dhe aftësitë që u nevojiten për të marrë vendime të mira financiare./Media Ndërtimi

Continue Reading

Trending