Connect with us

Infrastrukturë

Dyshime në tenderin prej 200 mijë eurove të asfaltimit të rrugës në lagjen Arbëria në Gjilan

Published

1 year ago

on

Komuna e Gjilanit ka iniciuar disa procedura të cilat kanë pasur për qëllim asfaltime në pjesë të ndryshme të qytetit.

Një nga ato ka qenë edhe procedura për asfaltimin e rrugës në lagjen Arbëria, e cila është zhvilluar me procedurë të hapur, për të cilën ishin ndarë 198,127.00 euro që i bije të ketë qenë procedurë me vlerë të mesme.

Për këtë kontratë kanë ofertuar shtatë operatorë ekonomikë, mirëpo kontrata është lidhur me GOE Bejta Commerce Sh.A. & Murseli Sh.P.K. në vlerë prej 165,480.25 euro.

Punimet për asfaltimin e kësaj rruge janë planifikuar të kryhen brenda tre muajve aq sa edhe zgjatë kontrata.

Për këtë tender janë kërkuar të plotësohen një sërë kërkesash, të cilat sipas autoritetit kontraktues janë përmbushur nga grupi i operatorëve që janë shpallur fitues, shkruan në Monitorimin e Prokurimit publik të organizatës Demokracia Plus.

Në dosjen e tenderit për këtë aktivitet të prokurimit, ka një numër mjaft të madh të kërkesave që duhet të plotësohen në mënyrë që Operatori Ekonomik të jetë i përgjegjshëm dhe të shpallet fitues.

Këto kërkesa janë plotësuar nga GOE i shpallur fitues mirëpo të gjitha kërkesat janë plotësuar nga lideri i grupit, i cili ishte përcaktuar të jetë OE Bejta Commerce Sh.A., ndërsa Operatorët Ekonomik tjetër anëtar kishte kontribuar në këtë bashkim vetëm me paraqitjen e dy mjeteve të domosdoshme për kryerjen e punëve.

Pavarësisht asaj se LPP nuk parasheh ndonjë ndarje të përgjegjësive ndërmjet operatorëve që formojnë një grup, RrUOPP lejon mundësinë që autoriteti kontraktues të caktojë në dosje të tenderit përmbushje e caktuar të njërit operator dhe të tjetrit.

Sipas LPP-së, të gjithë anëtarët e grupit janë së bashku dhe veçmas përgjegjës para autoritetit kontraktues për përmbajtjen e tenderit të grupit dhe nëse kontrata përkatëse i jepet grupit, ata janë gjithashtu së bashku dhe veçmas përgjegjës para autoritetit kontraktues për ekzekutimin e kontratës në fjalë.

Kjo do të thotë se qëllimi i krijimit të grupit të operatorëve ekonomikë është të mbështesin njëri tjetrin me burime financiare, punëtorë dhe kapital, në mënyrë që të shpërblehen me kontratë por edhe që të realizojnë në mënyrën më të mirë atë kontratë.

Në një rast si ky, qëllimi i krijimit të grupit nuk është arritur ngase qarkullimi financiar, lista e kontratave të realizuara, stafi profesional dhe një pjesën më të madhe të kërkesës për mjete, stabilimente dhe pajisje teknike, janë plotësuar vetëm nga njëri anëtar i grupit.

LPP por as RrUOPP nuk përmbajnë ndonjë dispozitë të veçantë me të cilën përcaktohet se sa përqind (%) e projektit duhet të realizohet nga lideri dhe sa nga anëtari tjetër i grupit.

Megjithatë, RrUOPP i jep të drejtën autoriteteve kontraktuese që të vendosin një kërkesë për përmbushje të detyrave.

Sipas RrUOPP-së, atëherë kur është e nevojshme, Autoriteti Konkurrencës mund të përcaktojnë në dosje të tenderit dhe në njoftimin për kontratë se si grupet e operatorëve ekonomikë mund të përmbushin kërkesat për gjendjen ekonomike dhe financiare ose aftësitë teknike dhe profesionale.

Kjo nënkupton se AK-të mund të përcaktojnë një përqindje minimale në drejtim të plotësimit të kërkesave nga njëri anëtar i grupit të operatorëve ekonomikë. AK duhet të përdorë këtë mundësi që i ka ofruar ligji dhe të sigurohet se operatorët ekonomikë bashkohen në grupe me qëllim të kryerjes së punëve sipas nevojave të komunës.

Nëse vetëm njëri nga anëtarët e grupit ka plotësuar kërkesën për qarkullim bankar, kontrata të realizuara, pajisje e punëtorë, nënkupton se vetëm ky Operatori Ekonomik do të kryej punët e këtij tenderi ngase realizimi i kontratës do të arrihet përmes atyre mjeteve dhe atyre punëtorëve që janë paraqitur me ofertë.

E nëse ky Operatori Ekonomik ka kapacitete ekonomike, financiare, teknike e profesionale që i vetëm të përmbush kontratën atëherë vihet në pikëpyetje qëllimi i krijimi të grupit.

Në raste të tilla ekziston mundësia që të krijohet grupi i operatorëve me të vetmin qëllim që kur të lëshohet referenca për kontratën e realizuar, të njëjtën të mund ta përdorë edhe anëtari i cili nuk ka kontribuar në punë si mundësi për të fituar tenderë të tjerë në të ardhmen.

Kjo, nga ana e AK-ve nuk duhet lejuar të ndodhë sepse ekziston mundësia që në të ardhmen të shpërblehet me kontratë një operator që ofron referencë të tillë e që mund të ndikoj në mos realizimin e mirë të projektit.

Nëse autoriteti kontraktues zgjedhë të mos aplikoj përqindje (%) në përmbushje të kërkesave në dosje të tenderit, atëherë duhet që kurdo që autoriteti kontraktues lëshon referencë të përcaktoj saktësisht dhe qartësisht në fletë referencë përqindjet (%) e punëve që kanë kryer secili anëtar i grupit.

Për këtë çështje, edhe KRPP ka lëshuar një interpretim i cili thotë se referencat e lëshuara në emër të grupit mund të pranohen nga AK në proporcion me përqindjen (%) e punëve të kryera nga secili anëtar i grupit.

Operatori ekonomik mund t’i drejtohet AK-së që e ka lëshuar referencën që të caktoj përqindjen e punëve të kryera nga secili anëtar i grupit.

Përqindjen e punëve të kryera nga secili anëtar i grupit, AK është i obliguar ta përcaktoj në referencë./Media Ndërtimi.

Related Topics:

Infrastrukturë

Së shpejti parkim publik me energji diellore në Durrës

Published

24 hours ago

on

April 19, 2024

By

Një parkim modern multifunksional po ndërtohet në Durrës, në shërbim jo vetëm të qytetarëve, por edhe në funksion të sezonit turistik.

Për të inspektuar punimet, ishte prezent në kantier Kryeministri Edi Rama i shoqëruar nga kryebashkiakja e Durrësit Emiriana Sako dhe nga drejtori i Fondit Shqiptar të Zhvillimit, Dritan Agolli. “Është një objekt i cili ndodhet në një pozicion shumë të mirë, shumë afër me qytetin.

Durrësi ka një shtim të fluksit të lëvizjes gjatë sezonit turistik dhe një nevojë të madhe për parkim dhe mendojmë që me këtë godinë, me përfundimin e saj do të japim një shërbim të mirë pasi këtu do të akomodohen 400 vende parkimi,

do të ketë poste për biçikletat, karikues elektrik për mjetet elektrike dhe nga pjesa tjetër e funksioneve të objektit kemi parashikuar edhe hapësira të tjera funksionale si zyra të cilat mund të jenë në funksion të transportit publik në qytetin e Durrësit, por edhe salla për aktivitete të ndryshme”, – u shpreh kryetarja e bashkisë së Durrësit.

Godina do të furnizohet me energji falë paneleve diellore ndërkohë që projekti është konceptuar që të funksionoj si një rampë nga hyrja, deri në katin e fundit. Kjo gjë do të bëjë të mundur uljen e sipërfaqes së qarkullimit.

“Nga pikëpamja e teknologjisë ka për të qenë e gjitha me panele fotovoltaike që do të krijojë qëndrueshmëri nga pikëpamja e eficiencës së energjisë së parkimit.

Nuk është thjesht një hapësirë parkimi, por është një hapësirë me jetë e gjallëri gjatë gjithë kohës”, – theksoi drejtori i FSHZH, Agolli. Objekti është i vendosur në një nyje strategjike të qytetit.

“Nga e djathta kemi Portin turistik që po ndërtohet dhe pjesën e portit e Durrësit ekzistues dhe në të majtë kemi godinën e hekurudhës ku ka filluar puna me shtrimin e linjës Durrës – Tiranë dhe Durrës – Aeroport dhe mendojmë se është një nyje shumë e rëndësishme strategjike dhe ky objekt është i një nevoje shumë të lartë për qytetin – tha kryebashkiakja Sako.

Ky projekt, pritet të lehtësojë trafikun në qytet sidomos gjatë sezonit veror./Media Ndërtimi

Continue Reading

Infrastrukturë

Prokuroria urdhëron ndalimin e punimeve në rrugën ‘Gëzim Sahiti’ në Ferizaj

Published

1 day ago

on

April 19, 2024

By

Pas reagimeve dhe deklaratave të organizatës AVONET dhe shqetësimeve për mos respektim të vendimit të gjykatës themelore në Prishtinë dhe gjykatës së apelit, Prokuroria Themelore në Ferizaj ka urdhëruar inspektoriatin komunal në Ferizaj që të ndalojë punimet që po zhvillohen kundërligjshëm në rrugën Gëzim Sahiti.

Reagimi i prokurorisë vie si rezulatat i takimit të përbashkët me Kryeprokurorin z. Jashari, AVONET dhe banorët e lagjes. Në takim u shtjelluan dhe u prezantuan të gjitha faktet, provat dhe gjendja faktike, e rastit në fjalë.

Prokuroria me veprimet e saja ndaloi vazhdimi e shkeljeve ligjore nga kompania e përfshirë në çështje.

Rrjeti i Organizatave Jo-Qeveritare AVONET shpreh shqetësimin e thellë lidhur me veprimet e kundërligjshme të Drejtorisë së Urbanizmit, në lidhje me zbatimin e vendimeve gjyqësore, konkretisht Aktvendimin A.nr.1365/23 të Gjykatës Themelore në Prishtinë dhe Aktvendimin AA.nr.855/23 Gjykatës së Apelit. Këto vendime kanë bërë shtyrjen e ekzekutimit të vendimit të lejes ndërtimore në rrugën Gëzim Sahiti, në Ferizaj.

Këto veprime të kundërligjshme janë duke u bërë në një amulli totale të krijuar nga Drejtoria e Urbanizmit dhe Mjedisit në Komunën e Ferizajt. Për AVONET kjo amulli e krijuar është manifestim i paditurisë ose kapjes së Komunës së Ferizajt nga mafia e betonit.

AVONET ka parashtruar kërkesa për qasje në dokumente publike në Gjykatën Supreme dhe në Gjykatën Themelore në Prishtinë ku ka kërkuar sqarime në lidhje me rastin e krijuar nga zyrtarët e Komunës së Ferizajt. Nga këto institucione kemi pranuar informacione zyrtare se vendimi gjyqësor në lidhje me rastin në fjalë ende nuk është ekspedituar (dërguar) në gjykatën e shkallës së I-rë gjegjësisht Gjykata Themelore në Prishtinë nuk e ka pranuar ende këtë vendim gjyqësor.

Nga përgjigjjet e Komunës së Ferizajt shohim se zyrtarisht organet komunale nuk kanë marr asnjë veprim, në drejtim të fillimit të punimeve në objektin banesor në rrugën Gëzim Sahiti. Kurse nga gjendja faktike në terren shohim se punimet zhvillohen pa u penguar fare, madje punëkryerësit deklarohen se kanë leje pune nga Komuna e Ferizajt. Për këtë kemi njoftuar edhe organet e rendit siç është Prokuroria Themelore në Ferizaj dhe Policia e Kosovës, por deri më tani nuk kemi parë asnjë veprim nga organet në fjalë. AVONET vlerson se me këtë mosveprim po rrezikohet rëndë siguria juridike e qytetarëve.

Continue Reading

Infrastrukturë

Rruga Kijevë – Dollc, jepen zotime se do të kryhen brenda afatit

Published

1 day ago

on

April 19, 2024

By

Kryeministri i Kosovës, Albin Kurti ka marrë pjesë në inaugurimin e nisjes së punimeve të projektit “Zgjerimi i rrugës nacionale N9-Segmenti Kijevë-Dollc”, më 19.04.2024.

Me këtë rast, ai tha se punimet e kësaj rruge do të kenë edhe mbikëqyrës të punëve të kryera.

Ndërsa zëvendësministri i Infrastrukturës, Hysen Durmishi njoftoi që janë tri llote të punimeve të kësaj rruge.

Ai tha se afati për llotin më të madh është 260 ditë, por u shpreh i bindur se punimet do të realizohen para këtyre afateve.

“E nisëm me Podujevën për të vazhduar me Mitrovicën me ritëm të lartë dhe tani po e fillojmë ndërtimin e rrugës në drejtim të Pejës. Janë tri llote. Afati më i gjatë është 260 ditë për llotin me të madh, por unë jam i bindur që do të realizohen para këtij afati të gjitha llotët”- tha ai.

Kurti dhe Durmishi u pyeten edhe lidhur me ankesat e qytetarëve që për shkak të punimeve do të mbyllen disa biznese.

Durmishi tha se devijimi i rrugës ka filluar shumë më herët.

Komplet elaborimin e studimit ua kam dhënë përfaqësuesve të bizneseve”- tha ai.

Ndërsa, kryeministri Kurti tha se kjo çështje do të diskutohet dhe se nuk dëshirojnë ta dëmtojnë askënd për shkak të këtyre punimeve.

Po ashtu, ministri i Infrastrukturës, Liburn Aliu tha se po i kushtohet rendësi që shpronësimet të kryhen në kohë në mënyrë që të mos krijojnë probleme tjera.

“Në dallim të projekteve të mëhershme ajo që i kemi kushtuar rendësi është që shpronësimet të kryhen në kohë dhe të mos kemi problem me shpronësime, të cilat pastaj na krijojnë pengesa në projekt. Ky projekt është duke u realizuar në mbikëqyrjen e një kompanie. Të gjitha këto na sigurojnë që punimet të kryhen në kohë”- tha Aliu.

Ai ka njoftuar më 25.03.2024 se është nënshkruar kontrata për fillimin e ndërtimit të rrugës Prishtinë – Pejë, segmenti Kijevë-Dollc.

Kjo kontratë, siç ka bërë të ditur ministri, kap vlerën 21 milionë euro dhe se rruga do të jetë me katër korsi./Media Ndërtimi

Continue Reading

Trending