Connect with us

Infrastrukturë

Diskutohet Draft-Rregullorja për Parkingje Publike dhe Private në Ferizaj

Published

on

Gjatë ditës  sotme është mbajtur diskutim publik me ç’rast është diskutuar gjerë e gjatë Draft-Rregullorja për organizimin dhe shfrytëzimin e parkingjeve në Ferizaj.

Prezantimin e kësaj draft rregullore e ka bërë drejtori i Drejtorisë së Shërbimeve Publike dhe Emergjencës Arben Halili, i shoqëruar edhe nga bashkëpunëtoret e tij.

Ai para qytetarëve ka thënë se përmes kësaj rregulloreje parashihet të bëhet rregullimi i tri llojeve të parkingjeve siç janë vend-parkimet publike me kohë të caktuar, vend-parkimet private dhe vend-parkimet parko dhe udhëto, parkingje këto që aktualisht nuk janë në qytetin e Ferizajt, por që pritet të bëhen në një të ardhme të afërt.

“Kemi pasur mungesë informacioneve sa i përket parkingjeve private në Ferizaj, sepse për parkingjet publike komuna ka shënime të sakta se sa janë sepse menaxhohen nga Komuna, ndërsa me këtë rregullore do bëhet rregullimi i të gjitha çështjeve sa i përket parkingjeve private dhe publike”, ka thënë drejtori i Drejtorisë së Shërbimeve Publike dhe Emergjencës Arben Halili.

Ndërsa qytetarët, por edhe pronarë e parkingjeve, kanë dhënë ide nga më të ndryshmet sa i përket shfrytëzimit dhe organizmit të parkingjeve në qytetin e Ferizajt.

Në fund drejtori i Shërbimeve Publike dhe Emergjencës Arben Halili, ka thënë se qytetarët e interesuar, por edhe pronarët e parkingjeve, kërkesat e tyre mund t’i parashtrojnë edhe gjatë ditëve në vazhdim, në mënyrë që kjo rregullore të jetë sa me e kompletuar./Media Ndërtimi.

Infrastrukturë

Ndahet grant mbi 8 milion euro për 11 Komuna

Published

on

Ministri i Administrimit dhe Pushtetit Lokal(MAPL), Elbert Krasniqi, ka bërë me dije se janë ndarë 8 milionë euro në 11 Komuna.

Ministri Krasniqi, bashkë me kryetarët e komunave, kanë nënshkruar marrëveshjet në kuadër të Grantit të Performancës Komunale.

“Në kuadër të këtij bashkëfinancimi janë paraparë projekte për rregullimin e shtratit të lumenjve, pastrimin e shtratit të lumit, ndërtimin e fushave sportive, rregullimin e ndriçimit publik dhe projekte të tjera të cilat kanë për qëllim përmirësimin e kushteve të jetesës për qytetarët dhe rritjen e zhvillimit ekonomik lokal” ka shkruar në Facebook Krasniqi.

Komunat përfituese janë Rahoveci, Obiliqi, Skenderaj, Suhareka, Kaçaniku, Shtimja, Malisheva, Dragashi, Ranillugu, Parteshi dhe Peja.

“Projektet në komunat përfituese janë bashkëfinancim i MAPL-së, donatorëve dhe komunave në vlerë mbi 8 milionë euro”, ka shkruar tutje Krasniqi./Media Ndërtimi

Continue Reading

Infrastrukturë

Tenderi mbi 2.5 milionësh i “Prishtina Parking” ngjallë dyshime

Published

on

Tenderi i Komunës së Prishtinës për “Prishtina Parking”, i cili kap shifrën e 2.5 milionë eurove, po ngjallë dyshime.

Ilir Kërçeli – zyrtar i lartë i Lëvizjes Vetëvendosje, ka publikuar përshkrimin e punës që i është vënë projektit ‘Prishtina Parking”.

Sipas arsyetimit të komunës së cila është rëndësia e këtij projekti, aty thuhet se me “Prishtina Parking” Prishtina synon të ketë një ndikim pozitiv që rrit cilësinë e jetës, promovon qëndrueshmërinë dhe përmirëson përvojën urbane në përgjithësi.

“Ky është përshkrimi me të cilin Komuna e Prishtinës do ti shpenzojë 2,533,000.00 milion euro. Përshkrimi i shkurtër i lëndës së kontratës: N.P.L. “Prishtina Parking” synon të fillojë zbatimin e projektit të Qytetit të Smart. Me këtë projekt, Prishtina synon të ketë një ndikim pozitiv që rrit cilësinë e jetës, promovon qëndrueshmërinë dhe përmirëson përvojën urbane në përgjithësi. Projekti synon të përmirësojë efikasitetin e menaxhimit të parkimit në zonat urbane dhe tregtare, të përmirësojë fluksin e trafikut dhe të ofrojë një përvojë parkimi efikase dhe tërheqëse për banorët dhe vizitorë”, ka shkruar Kërceli./Media Ndërtimi

Continue Reading

Infrastrukturë

Tregu global i pajisjeve të ndërtimit pritet të bjerë 8% këtë vit

Published

on

Viti i kaluar filloi fuqishëm për Evropën, me shitje të shpejta falë grumbullimit të porosive nga viti 2022. Nga mesi i vitit këto ishin përmbushur kryesisht dhe tregu u pa të ngadalësohej – veçanërisht për sa i përket marrjes së porosive.

Megjithatë, shitjet me pakicë qëndruan mjaft mirë dhe si rezultat tregu evropian ruajti nivelin e lartë të shitjeve që ishte parë në vitin 2022.

Rezultati për vitin 2023 ishte më i mirë se sa ishte parashikuar në gjysmën e dytë të vitit të kaluar, kur u raportua se marrja e porosive po binte ndjeshëm. Megjithatë, duket se do të ketë një rënie në shitje këtë vit, dhe Off-Highway Research e vendos atë në një rënie prej 6%.

Shitjet në pjesën tjetër të botës ranë 8% në 2023, me një rënie të mëtejshme prej 14% të parashikuar për këtë vit. Tregjet më të mëdha në zhvillim priren të jenë prodhuesit e mallrave, dhe si rezultat, shitjet e pajisjeve rriten dhe bien në varësi të kërkesës për materiale dhe çmimeve.

Drejtuesi i çmimeve të mallrave priret t’i bëjë shitjet e pajisjeve në pjesën tjetër të botës më të paqëndrueshme se në tregjet e tjera. Parashikimi për pjesën tjetër të tregjeve botërore bazohet në premisën se presionet aktuale inflacioniste të viteve të fundit do të vazhdojnë të ulen në 2024 dhe 2025, duke ulur kërkesën për mallra dhe për rrjedhojë pajisjet për nxjerrjen e tyre në ekonomitë e mëdha në zhvillim./Media Ndërtimi

Continue Reading

Trending