Connect with us

Featured

Çka është dhe kur vendoset shenja “CE” në produktet e ndërtimit

Published

on

Ligjin i Produkteve të Ndërtimit që përcakton rregullat e deklarimit të performancës, natyrën apo përshtatshmërinë e produkteve ndërtimore dhe karakteristikat e tyre themelore, është miratuar në mbledhjen e 19-të të Qeverisë së Kosovës.

Ky Ligj brenda tij parasheh edhe shenjen “CE”.

Por çka tregon shenja “CE” në ndërtim dhe kur duhet të përdoret?

Shenja CE sipas Ligjit të Produkteve të Ndërtimit, duhet të vendoset në ato produkte të ndërtimit ëpr të cilat prodhuesi ka hartuar Deklaratën e Konformitetit në përputhje me nenet 6 dhe 7 të këtij Ligji.

Por në qoftëse deklarata e konformitetit nuk është hartuar nga prodhuesit në përputhje me nenet 6 dhe 7, atëherë shenja CE nuk lëshohet të vendoset.

Me vendosjen e shenjës “CE” prodhuesit marrinë përgjegjësi për konformitet të produktit të ndërtimit me performancën e deklaruar, si dhe përputhjen me të gjitha kërkesat e zbatueshme të përcaktuara në këtë Ligj dhe si pozitat tjera ligjore të cilat përcaktojnë vendosjen e saj.

Për çdo produkt ndërtimi konform standardit të harmonizuar ose për të cilët është lëshuar deklarata e konformitetit, shenja “CE” është shenja e vetme që vërteton konformitetin e produktit të ndërtimit me performancën e deklaruar në lidhje me karakteristikat themelore konform standardeve ose deklaratës së konfromitetit.

Gjithashtu nuk mund të ndalohet ose të pengohet vendosja në dispozicion të tregut apo përdorimi i produkteve të ndërtimit të shënjuar me shenjën “CE”, kur konformitetit i deklaruar korrespondon me kërkesat për përdorim të tillë në Republikën e Kosovës.

Republika e Kosovës duhet të sigurojë se përdorimi i produkteve të ndërtimit të shënjuar me shenjën “CE” nuk do të pengohet nga rregullat ose kushtet e vendosura nga organet publike, apo që veprojnë si organe publike në bazë të një pozite monopoli ose nën mandatin publik, kur konformitet e deklaruara korrespondojnë me kërkesat për përdorim të tillë.

Kurse sipas nenit 11, të këtij Ligji, rregullat dhe kushtet e vendosjes së shenjës “CE”, kjo e fundit duhet të vendoset në mënyrë të dukshme, të lexueshme dhe të pashlyeshme në produktin e ndërtimit ose në etiketë të bashkangjitur në atë produkt. Kur kjo nuk është e mundshme ose nuk garantohet për shkak të natyrës të produktit, ajo vendoset  në paketim ose në dokumente shoqëruese.

Shenja “CE” duhet të shoqërohet nga dy shifrat e fundit të vitit në të cilin ajo është vendosur për herë të parë, emrin dhe adresën e prodhuesit të regjistruar ose shenjën e identifikimit që lejon identifikim të emrit dhe adresën e prodhuesit me lehtësi dhe pa dykuptimësi, kodin unik të identifikimit të llojit të produktit, numrin e referencës së deklaratës së konofrmitetit, nivelin apo klasën e konformiteetit të deklaruar, referencën për specifikimet teknike të zbatuara, numrin e identifikimit të organit të autorizuar, nëse është e aplikueshme dhe përdorimi i destinuar siç është përcaktuar në specifikimet teknike të zbatuara.

Shenja “CE” duhet të vendoset para vendosjes së produktit të ndërtimit në treg. Kjo mund të shoqërohet nga ndonjë piktogram ose ndonjë shenjë tjetër të vendosur që në veçanti tregon rrezik ose përdorim të veçantë.

Por çka është Deklarata e Konformitetit?

Atëherë, kur një produkt i ndërtimit është konform standardit ose është në pajtueshmëri me vlerësimin teknik, prodhuesi duhet të hartojë deklaratën e konformitetit, kur një produkt i tillë vendoset në treg.

Me deklaratën e konformitetit, prodhuesi merr përgjegjësinë për konformitetin e produktit të ndërtimit me performancën e tillë të deklaruar.

Featured

Kompanitë kosovare ftohen të respektojnë Ligjin gjerman të furnizimit

Published

on

Ligji Gjerman i Zinxhirit të Furnizimit (Lieferkettensorgfaltspflichtengesetz – LkSG) ka hyrë në fazën e dytë të zbatimit më 1 janar 2024, duke zgjeruar fushëveprimin e tij për të mbuluar të gjitha kompanitë në Gjermani me mbi 1000 punonjës.

Zgjerimi do të shtojë rreth 2,000 kompani gjermane në kuadrin rregullator. Këto kompani do të aplikojnë kriteret që parashihen me ligj përgjatë gjithë zinxhirit të tyre të furnizimit dhe tek furnitorët jashtë Gjermanisë. Përfshirë këtu kompanitë nga Kosova që janë furnitorë të kompanive gjermane, apo që synojnë të bëhen furnitorë për kompani gjermane.

Ligji për Zinxhirin e Furnizimit u miratua në vitin 2021 dhe zyrtarisht hyri në fuqi më 1 janar 2023, duke iu kërkuar kompanive gjermane të plotësojnë kritere për të siguruar dhe mbrojtur të drejtat e njeriut dhe çështjet mjedisore në zinxhirët e tyre të furnizimit global.

Ligji implementohet në tri faza: Në fazën e parë, ligji gjerman u aplikua për kompanitë me mbi 3000 punonjës në Gjermani. Përafërsisht 900 kompani të mëdha gjermane u detyruan ta zbatojnë ligjin.

Në vitin e parë të zbatimit, Zyra Federale për Çështjet Ekonomike dhe Kontrollin e Eksportit (BAFA) ishte përgjegjëse për monitorimin dhe zbatimin e ligjit. BAFA kreu 486 inspektime të kompanive të mëdha për të vlerësuar pajtueshmërinë. Vlerësimi i përgjithshëm i BAFA ishte pozitiv, duke gjetur se kompanitë ishin përgjithësisht të suksesshme në krijimin e sistemeve dhe proceseve të nevojshme për të përmbushur kërkesat e Ligjit në fazën e parë.

Megjithatë, zgjerimi i zbatueshmërisë së Ligjit Gjerman të Zinxhirit të Furnizimit në ndërmarrjet e  mesme pritet të paraqesë më shumë sfida.

Kompanitë kosovare që nuk i zbatojnë kushtet e parapara me këtë ligj, nuk do të mund të vazhdojnë apo fillojnë eksportin në Gjermani.

Continue Reading

Aktuale

‘Autostrada Hangar’ do të hapë dyert për publikun më 5 Mars 2022

Published

on

Autostrada Hangar synon të gjenerojë bashkëjetesë mes komuniteteve duke punuar dhe prodhuar së bashku si një ekip dhe do të përdoret veçanërisht për të plotësuar nevojën urgjente të një edukimi joformal dhe programeve të ndërtimit të aftësive në mënyrë që të fuqizojë të rinjtë në Kosovë dhe rajon.

“Edhe pse hapësira jonë u përdor si një nga ambientet kryesore të edicionit të tretë në 2021, ku patëm një vit mjaft të suksesshëm me ekspozitën tonë ndërkombëtare, programin e zhvillimit të aftësive dhe edukimit, më 5 mars ajo do të jetë gati të hapë dyert e saj me një dizajn i ri dhe një program vjetor.

Deri më tani, ne kemi qenë të përkushtuar për të institucionalizuar “Autostrada Hangar” si institucioni i vetëm i artit bashkëkohor në Prizren përmes krijimit të një programi publik vjetor bazuar në nevojat e komuniteteve dhe partnerëve duke ndjekur parimin e gjithëpërfshirjes, duke e bërë programin të hapur për komunitete të ndryshme dhe më shumë. ekologjikisht të qëndrueshme”, shkruan në njoftim./Media Ndërtimi.

Continue Reading

Aktuale

Asociacioni i Arkitektëve shpallë zgjedhjet për kryetar

Published

on

Asociacionit të Arkitektëve të Kosovës, njofton se duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 27, të Statutit të Asociacionit të Arkitektëve të Kosovës, të vitit 2020, shpallë Zgjedhjet e rregullta për Kryetarin e AAK-së

Kuvendi zgjedhor i Asociacioni i Arkitektëve kosovar, do të mbahet të mërkurën, më 30.03.2022 nga ora 17:00, në Modelariumin e Fakultetit të Arkitekturës – Prishtinë.

Ftohen, të gjithë anëtarët e Asociacionit të Arkitektëve të Kosovës që të marrin pjesë në kuvendin zgjedhor, dhe në frymën e konkurrencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 33, të statutit./Media Ndërtimi.

Continue Reading

Trending