Connect with us

Art

Bienalja e Arteve Islame është një moment historik për botën myslimane

Published

on

Drejtoresha artistike e Bienales së Arteve Islame, Sumayya Vally, shpjegon se si ngjarja në Arabinë Saudite synon të krijojë mirëkuptim si për artin mysliman ashtu edhe për botën myslimane në këtë intervistë ekskluzive.

E përshkruar nga arkitekti afrikano-jugor Vally si një “moment historik”, bienalja është e para që i kushtohet artit islam.

“Kjo është një bienale islame – një moment historik, jo vetëm për Arabinë Saudite, por për të gjithë botën myslimane dhe për të gjitha pjesët e botës që Islami prek”, tha Vally.

“Kjo është një mundësi për të paraqitur perspektiva të ndryshme”, shtoi ajo.

“Për një kohë të gjatë, ne kemi pritur një moment për të përfaqësuar veten nga këndvështrimi ynë, nga zërat tanë”, vazhdoi ajo.

“Të kuptosh Bienalen e Arteve Islame si një platformë për të dhënë një kontribut në diskursin dhe kanunin e arteve islame ka qenë thellësisht personale dhe e rëndësishme për mua. Është e rëndësishme që ne të pranojmë se besimi islam, praktika islame dhe tradita islame mund dhe duhet të jenë duke dhënë një kontribut krijues për botën”, tha Sumayya Vally.

Bienalja po zhvillohet në Terminalin Perëndimor të Haxhit në aeroportin e Jeddah në Arabinë Saudite në një kohë kur disa studio arkitekturore janë kritikuar për punën në vend.

Vally tha se shpreson që bienalja do të veprojë edhe si një ngjarje për të rivlerësuar atë që është arti islam, por edhe për të hapur një diskurs rreth Arabisë Saudite dhe botës më të gjerë myslimane./Media Ndërtimi.

Art

‘Autostrada Biennale’ renditet ndër 10 ekspozitat më të mira në Evropë për 2023

Published

on

Bienalja “Autostrada Biennale” është renditur në mesin e 10-të ekspozitave më të mira evropiane për 2023, nga magazine “Frieze”.

Përmes një njoftimi, “Autostrada Biennale” ka bërë të ditur se edicioni i katërt i kësaj bienale ‘Të gjitha imazhet do të zhduken, një ditë’  është vlerësuar nga magazina Frieze si njëra nga 10 ekspozitat më të mira në Evropë për vitin 2023.

“Jemi të lumtur ta ndajmë lajmin se edicioni i katërt i ‘Autostrada Biennale’, ‘Të gjitha imazhet do të zhduken, një ditë’ kuruar nga Joanna Warsza dhe Övul Ö. Durmusoglu, është përzgjedhur nga Frieze njëra nga 10 ekspozitat më të mira në Evropë për vitin 2023” – thuhet në njoftimin e tyre.

Renditja në mesin e dhjetë ekspozitave vjetore evropiane, për “Autostradën Bienale” është tregues për suksesin dhe vlerësimin për edicionin e 4-të të saj.

Edicioni i 4-të i ekspozitës ndërkombëtare të artit bashkëkohor, “Autostrada Biennale” është mbajtur prej 7 korrik deri me 9 shtator 2023 në Prizren, Prishtinë dhe Mitrovicë./Media Ndërtimi

Continue Reading

Art

Vepra e artistit kosovar mbulon krahët e aeroplanit gjigant Boeing 737

Published

on

Artisti i njohur nga Kosova, Petrit Halilaj, që jeton në Berlin, po vazhdon të prezantojë projektet e tij të suksesshme nëpër botë.

Mbishkrimi “Nga Runiku me dashni”, vepra e tij tani mbulon krahët e aeroplanit gjigant Boeing 737 të Aeromexico, dhe kështu fluturon nëpër shumë shtete.

Bëhet fjalë për pikturën e pulave nga fshati i artisti Runik, vepër kjo që është pjesë e ekspozitës së tij „Runik“‚ në Ameriken Latine, në Muzeun Tamayo te Meksikes, e cila është e hapur deri më 7 prill 2024, raporton Albinfo.ch.

Fotot e avionit me veprën e artistit kosovar Petrit Halilaj i ka ndarë në Instagram edhe kryeministri i Kosovës, Albin Kurti, i cili shkruan:

“Krahët e aeroplanit Boeing 737 të kompanisë ajrore Aeromexico u mbuluan me veprën e artistit nga Kosova, Petrit Halilaj. Aeroplani fluturoi mbi Meksikën, Brazilin dhe Shtetet e Bashkuara të Amerikes, duke i dhënë krahë veprë së Halilajt. Me mbishkrimin ‘Nga Runiku me dashni!’ pulat e fshatit të Runikut, Komuna e Skenderajt, fshatit të artistit, të cilat i trajton shpesh në veprën e tij, fluturuan të lira në tre shtete e dy kontinente, sfiduan ligjet e natyrës, rrethanat politike e pengesat geografike“, shkruan Kurti.

Përveç sukseseve të shumta që arriti në botë, para disa muajve Petriti Halilaj u zgjodh edhe anëtar i Akademisë së Artit Botëror në Koln të Gjermanisë./Media Ndërtimi

Continue Reading

Art

Asociacioni i Artistëve Vizual prezanton ekspozitën ‘Kujtimet e së Nesërmes’ në GKK

Published

on

Galeria Kombëtare e Kosovës prezanton ekspozitën kolektive të Asociacionit të Artistëve Vizual të Kosovës e titulluar “Kujtimet e së Nesërmes”, e kuruar nga James Walmsley. Hapja e ekspozitës bëhet të premten me 8 dhjetor nga ora 18:00.

Kjo ekspozitë trajton tranzicionin nga lufta dhe konflikti në Kosovë drejt një shoqërie më të. qëndrueshme, më optimiste dhe më të sigurt. Artistët pjesëmarrës trajtojnë tema të thella si humbja, rrënimi dhe rilindja, si dhe bukuria dhe cenueshmëria e botës natyrore, së bashku me ndikimin e teknologjive të reja në strukturën tonë delikate shoqërore.

Arti në Kosovë ka hyrë në një fazë të re, duke dalë guximshëm dhe me besim nga hijet e luftës.

Përpjekjet e rëndësishme të ngjarjeve dhe zhvillimet kulturore viteve të fundit kanë forcuar dhe vërtetuar komunitetin dinamik dhe të rëndësishëm të artit të Kosovës, si dhe ndikimin dhe rëndësinë e tij globale.

Deri sa Kosova po largohet nga lufta, fatkeqësisht luftërat aktuale dhe të tmerrshme në botë po shkaktojnë destabilitet të ri global. Këto konflikte na kujtojnë se sa e brishtë është jeta jonë e përditshme.

Kërcënimi dhe realiteti i luftës dhe padrejtësisë është ende gjithandej rreth nesh. Punimet e paraqitura i referohen natyrës ciklike të gjendjes njerëzore dhe se si historia, nëse nuk jemi të kujdesshëm dhe vigjilentë, mund të përsëritet./Media Ndërtimi

Continue Reading

Trending