Connect with us

Infrastrukturë

“Bashkimi Projekt” kërkon 200 mijë euro nga Komuna e Ferizajit për mospërmushje të kontratës

Published

on

Në Departamentin për Çështje Ekonomike në Gjykatën Themelore në Prishtinë ka përfunduar shqyrtimi gjyqësor në rastin ku “Bashkimi Projekt” Sh.P.K po kërkon 200 mijë euro nga Komuna e Ferizajit për mospërmushje të kontratës.

Përfaqësuesi i “Bashkimi Projekt”, Ard Sheholli ka propozuar që në këtë procedurë të bëhet nxerrja e provës me ekspetizë financiare, për të caktuar dëmin e shkaktuar dhe fitimin e humbur ndaj paditësit, raporton ”Betimi për Drejtësi”.

Në anën tjetër përfaqësuesi i Komunës së Ferizajit, Sami Vranovci ka kundërshtuar kërkesëpadinë e paditësit si të pabazuar si nga baza juridike si dhe nga lartësia e kërkesëpadisë,

I njëjti ka shtuar se lidhur me projektin e pranuar nga i përfaqësuesi i palës paditëse është konstatuar fakti se ky projekt nuk është dorëzuar në asnsjë organ komunal e as vetë paditesja nuk e ka vërtetuar faktin se një projekt i tillë është dorëzuar

Gjykatësi Bajram Miftari nuk e ka aprovuar peopozimin e përfaqësuesit  për nxjerrjen e provës me eskpertizë ekspertize financiare pasi që ka vlerësuar se faktet që do të vërtetoheshin me atë eskpertize nuk janë relevante për vendosjen meritore të kësaj çështje kontestimore.

Ndërsa pas administrimit të provave nga ana e gjykatësit Miftari, përfaqësuesit e palëve në procedurë kanë propozuar që fjalën përfundimtar ta dorëzojnë me shkrim.

Gjykatësi Miftari ka konstatuar se shqyrtimi gjyqësor për këtë çështje ka përfunduar ndërsa palët i ka njoftuar se në afat prej shtatë ditësh duhet ta dorëzojnë fjalën përfundimtare në formë të shkruar.

Ndryshe, sipas padisë së 14 nëntorit 2018, kompania e ndërtimit “Bashkimi Projekt” Sh.P.K ka paditur Komunën e Ferizajit  për mospërmbushjen e kontratës dhe po kërkon 200 mijë euro kompensim dëmi.

Sipas padisë me 13 nëntor 2015 paditësja “Bashkimi Projekt” me të paditurën kanë lidhur marrëveshje për punë ndërtimore për projektin “Trajtimi i ujerave të zeza dhe ujit të pijshëm, përfshirë infrastrukturën ndërlidhëse për territorin e Komunë së Ferizajit”, përmes së cilës marrëveshje janë pajtuar se e paditura e merr përsipër që t’ia bëjë, pagesat paditësit mirëpo nga ana e Komunës së Ferizajit nuk është ekzekutuar asnjëherë asnjë pagesës.

Andaj mbi këtë bazë paditësja po kërkon që të detyrohet e paditura që t’i paguaj vlerën 200,000.00 euro për shkaktimin e borxhit dhe dëmet e shkaktuara si dhe kamatën ligjore./Media Ndërtimi.

Infrastrukturë

Ndahet grant mbi 8 milion euro për 11 Komuna

Published

on

Ministri i Administrimit dhe Pushtetit Lokal(MAPL), Elbert Krasniqi, ka bërë me dije se janë ndarë 8 milionë euro në 11 Komuna.

Ministri Krasniqi, bashkë me kryetarët e komunave, kanë nënshkruar marrëveshjet në kuadër të Grantit të Performancës Komunale.

“Në kuadër të këtij bashkëfinancimi janë paraparë projekte për rregullimin e shtratit të lumenjve, pastrimin e shtratit të lumit, ndërtimin e fushave sportive, rregullimin e ndriçimit publik dhe projekte të tjera të cilat kanë për qëllim përmirësimin e kushteve të jetesës për qytetarët dhe rritjen e zhvillimit ekonomik lokal” ka shkruar në Facebook Krasniqi.

Komunat përfituese janë Rahoveci, Obiliqi, Skenderaj, Suhareka, Kaçaniku, Shtimja, Malisheva, Dragashi, Ranillugu, Parteshi dhe Peja.

“Projektet në komunat përfituese janë bashkëfinancim i MAPL-së, donatorëve dhe komunave në vlerë mbi 8 milionë euro”, ka shkruar tutje Krasniqi./Media Ndërtimi

Continue Reading

Infrastrukturë

Tregu global i pajisjeve të ndërtimit pritet të bjerë 8% këtë vit

Published

on

Viti i kaluar filloi fuqishëm për Evropën, me shitje të shpejta falë grumbullimit të porosive nga viti 2022. Nga mesi i vitit këto ishin përmbushur kryesisht dhe tregu u pa të ngadalësohej – veçanërisht për sa i përket marrjes së porosive.

Megjithatë, shitjet me pakicë qëndruan mjaft mirë dhe si rezultat tregu evropian ruajti nivelin e lartë të shitjeve që ishte parë në vitin 2022.

Rezultati për vitin 2023 ishte më i mirë se sa ishte parashikuar në gjysmën e dytë të vitit të kaluar, kur u raportua se marrja e porosive po binte ndjeshëm. Megjithatë, duket se do të ketë një rënie në shitje këtë vit, dhe Off-Highway Research e vendos atë në një rënie prej 6%.

Shitjet në pjesën tjetër të botës ranë 8% në 2023, me një rënie të mëtejshme prej 14% të parashikuar për këtë vit. Tregjet më të mëdha në zhvillim priren të jenë prodhuesit e mallrave, dhe si rezultat, shitjet e pajisjeve rriten dhe bien në varësi të kërkesës për materiale dhe çmimeve.

Drejtuesi i çmimeve të mallrave priret t’i bëjë shitjet e pajisjeve në pjesën tjetër të botës më të paqëndrueshme se në tregjet e tjera. Parashikimi për pjesën tjetër të tregjeve botërore bazohet në premisën se presionet aktuale inflacioniste të viteve të fundit do të vazhdojnë të ulen në 2024 dhe 2025, duke ulur kërkesën për mallra dhe për rrjedhojë pajisjet për nxjerrjen e tyre në ekonomitë e mëdha në zhvillim./Media Ndërtimi

Continue Reading

Infrastrukturë

Turqia vendos synime ambicioze për zgjerimin e energjisë bërthamore

Published

on

Në forumin e fundit të Atomexpo në Soçi, ministri i energjisë dhe burimeve natyrore Alparslan Bayraktar tha se energjia bërthamore do të luante një “rol kritik” në udhëtimin e Turqisë drejt arritjes së emetimeve neto zero deri në vitin 2053.

“Ne synojmë të arrijmë gjithsej 12 reaktorë dhe një fuqi bërthamore prej 15,000 megavat, me ndoshta katër reaktorë në tre lokacione të ndryshme në Turqi,” tha ai.

Bayraktar tha se qëllimi i vendit ishte të instalonte dy termocentrale shtesë bërthamore së bashku me Centralin Bërthamor të Akkuyu (NPP), aktualisht në ndërtim e sipër në provincën Mersin, transmeton Ndertimi.info

Zgjerimi i propozuar synon të arrijë 7.2 gigavat (GW) të kapacitetit bërthamor deri në vitin 2035 dhe deri në 20 GW deri në vitin 2050.

Për më tepër, Bayraktar përshkroi planet për inkorporimin e reaktorëve të vegjël modularë, të cilët potencialisht mund të kontribuojnë me rreth 5 GW gjatë disa dekadave të ardhshme.

Ministri theksoi gjithashtu domosdoshmërinë e zhvillimit të një përzierjeje të ekuilibruar të energjisë, duke kombinuar burimet e rinovueshme me fuqinë e qëndrueshme të ngarkesës bazë, veçanërisht duke përmendur natyrën e ndërprerë të energjisë diellore dhe të erës.

“Ne kemi një potencial të madh për burimet e rinovueshme dhe efikasitetin e energjisë, por ne duhet absolutisht të shtojmë energjinë bërthamore në përzierjen tonë të energjisë,” tha Bayraktar./Media Ndërtimi

Continue Reading

Trending