Bashkësia Islame: Peticioni për mos ndërtimin e xhamisë është thjeshtë tendencioz

0

Peticioni i cili është nënshkruar nga një grup qytetarësh për rishikim e planit për ndërtimin e xhamisë e cila ishte planifikuar të ndërtohet në lagjen “Dardania”, sipas BIK-ut, nuk ka arritur asnjë kërkesë e tillë nga ana e qytetareve në adresë të tyre.

Zëdhënësi i Bashkësisë Islame në Kosovë Ahmet Sadriu, përmes një prononcimi ka sqaruar se asnjë peticion për mos ndërtimin e xhamisë në lagjen “Dardania” nuk ka arritur nga ana e qytetarëve.

Ahmeti sqaron tutje se një informacion të tillë për këtë lloj peticioni pra, për rishikimin e planit të xhamisë apo për mos ndërtimin e saj e kanë dëgjuar vetëm përmes mediave.

Zëdhënësi i BIK-ut madje një pretendim të tillë e quan tendencioz dhe aspak të drejtë, ngase sipas tij, procedurat për ndërtimin e kësaj xhamie kanë qenë legjitime, transparente dhe në përputhje me të gjitha ligjet në fuqi.

“Është shumë e pa qartë kjo, është e pakuptimtë, e pa ndonjë domethënie kur ne e dimë se që nga viti 2012 aty është zhvilluar një ceremoni zyrtare. Aty është vendos një gur themel, aty kanë marrë pjesë të gjitha institucionet më të larta shtetërore ceremoninë e gur themelit dhe sot pas pesë vitesh dalin me diçka të tillë dhe kjo është më shumë tendencioze se sa diçka që ka të bëjë me realitet”, ka thënë Ahmeti.

Për këtë projekt Ahmeti tha se është zhvilluar edhe një konkurs transparent ndërkombëtar me një juri profesionale dhe votim të drejtpërdrejt nga qytetarët e Prishtinës.

Ai beson se ndërtimi i objektit të Xhamisë qendrore në kryeqytet do të nisë shumë shpejt.

/Ndertimi.info/

PËRGJIGJU

Please enter your comment!
Please enter your name here