Banorët e Prishtinës me peticion kërkojnë parkingje

0

Një grup qytetarësh që jetojnë në banesat kolektive në rrugën “Ali Hadri” në Prishtinë janë detyruar që të reagojnë përmes një peticioni drejtuar Komunës së Prishtinës për kërkuar që t’iu gjendet një zgjidhje për parkingjet përreth objekteve të tyre të banimit, me arsyetimin se kjo gjë po iu shkakton telashe të shumta në jetën e përditshme.

Andin Randobrava, njëri nga iniciatorët e këtij peticioni ka thënë për Koha Ditore se  ka disa javë që afro 30 përfaqësues të familjeve që jetojnë në objektet kolektive në këtë pjesë të qytetit dhe të cilat kanë vetura, janë detyruar që të mbledhin nënshkrimet në formë reagimi për problemet me parkingjet.