Connect with us

Aktuale

Banorët e brezit kufitar do të lëvizin lirshëm në vendkalimet Kosovë-Shqipëri

Published

on

Bashkëpunimi i Ministrive të Brendshme të Shqipërisë dhe Kosovës është jetik, ka deklarua ministri i Punëve të Brendshme, Xhelal Sveçla.

“Në kuadër të angazhimit tonë të përbashkët në shumë fusha, sot zyrtarizuam edhe dy marrëveshje dhe një protokol bashkëpunimi që do të lehtësojnë drejtpërdrejtë jetën dhe zhvillimin e qytetarëve të vendeve tona.”, deklaroi ai.

Banorët e brezit kufitar 30 km brenda Kosovës nga komunat Gjakovë, Prizren, Deçan, Junik, Dragash dhe Rahovec, dhe banorët e brezit kufitar të Shqipërisë nga komunat Kukës, Bajram Curr dhe Krumë, do të lëvizin lirshëm në vendkalimet e caktuara në tërë brezin kufitar duke shfrytëzuar vetëm lejet e kalimit kufitar.

“Shkëmbimi i informacioneve të gjendjes civile është i rëndësishëm pasi mungesa e kësaj ka shkaktuar probleme të mëdha dhe serioze si në Kosovë ashtu edhe në Shqipëri. Nga sot, do të kemi shkëmbim të informacioneve të gjendjes civile të qytetarëve tanë si akte të lindjeve, martesave, vdekjeve apo edhe regjistrim i fëmijëve në rastin kur lindin në vendet tona si dhe do të caktohet vetëm një person kontaktues për të dyja vendet.

Kontrollet kufitare në pikë kalimin kufitar Vërmicë – Morinë do të lehtësohen specifikisht në muajt e verës kur kemi fluks të kalimit kufitar e po ashtu kjo do të vijojë edhe fundjavave dhe festave zyrtare. Ne do të vazhdojmë intensivisht bashkëpunimin policor kufitar të cilët do të kujdesen për zbatimin e marrëveshjes por edhe do të jenë vigjilent që lehtësirat e tilla të mos keqpërdoren nga individë apo grupe të caktuara që mund të cënojnë sigurinë tonë.”, deklaroi ministri Sveçla.

Siç Kosova dhe Shqipëria janë të lidhura pashmangshëm me njëra tjetrën ashtu janë edhe Ministritë tona dhe vetëm me nivel të tillë të ngushtë të bashkëpunimit, ne po ia dalim suksesshëm në detyrat dhe obligimet që kemi ndaj qytetarëve. Sot bëhen 7 marrëveshje dhe protokolle që nënshkruajmë brenda 1 viti dhe jam i bindur që do të kemi edhe shumë të tjera./Media Ndërtimi.

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Aktuale

Rama paralajmëron se Tirana do të jetë metropoli me atraktiv i Ballkanit

Published

on

Kryeministri Edi Rama i ftuar në një ceremoni në kryeqytet, foli për Tiranën dhe transformimin e saj ndër vite.

Rama tha se në 5-6 vitet e ardhshme, këto që shohim do të jenë një pjesë dhe jo shumica e asaj që do të shohim, duke theksuar se ka shumë projekte, dëshirë, ambicie dhe shpirti i sipërmarrjes është futur në një garë për ndërtuar ndërtesa jo vetëm të mira, por edhe të bukura.

Ai shton se Tirana kështu do të bëhet një destinacion edhe arkitektonik.

Sipas, Ramës gjatë viteve në vazhdim shqiptarët do të jenë banorë dhe qytetarë të njërit prej kryeqyteteve më të bukur të Evropës, duke specifikuar se Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.

“Kjo është historia e një qyteti që nuk i ka thënë të gjithë. Unë besoj që në 5-6 vitet e ardhshme, këto që shohim do të jenë një pjesë, jo shumica e atyre që do të shohim, sepse ka shumë akoma projekte, dëshirë, ambicie dhe një lloj gare që është futur në shpirtin e sipërmarrjes që të bëjmë ndërtesa jo thjeshtë të mira, por edhe të bukura, duke i dhënë Tiranës mundësinë që të bëhet një destinacion arkitektonik.

Një vend mes Ballkanit që do të disponojë një koleksion veprash të arkitekturës të mbledhura së bashku nga arkitektët më të mirë të kësaj kohe dhe do të krijojë një trashëgimi të denjë për gjeneratat e tjera.

Unë nuk dyshoj, që nëse sot në ndjejmë kënaqësinë që kemi dalë nga ai llum i tmerrshëm ku e hapëm shekullin e ri në Tiranë, nesër do të jemi banorë dhe qytetarë të njërit prej kryeqyteteve më të bukur të Evropës. Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.”, deklaroi kryeministri Rama./Media Ndërtimi

Continue Reading

Aktuale

“Brenda shtëpisë së zbrazët, ajo jeton mes kujtimeve dhe dëshmon forcën e Nënës”

Published

on

Në rrugën “Martirët Qerkezi”, në shtëpinë-muze qëndron Nëna Ferdonije. Brenda shtëpisë së zbrazët, ajo jeton mes kujtimeve dhe dëshmon forcën e Nënës. Shtëpia e familjes Qerkezi, në Gjakovë dëshmon gjenocidin dhe spastrimin etnik të Serbisë në Kosovë.

Nga aty, 25 vite më parë, forcat policore të Serbisë ia rrëmbyen dhe zhdukën të katër djemtë: Artanin, Armendin, Ardianin e Edmondin, si dhe bashkëshortin Halimin. Nga ajo shtëpi u rrëmbyen edhe Vegim Qerkezi, Shpejtim Ymeraga, Skender e Myrteza Dylhasi, dhe Shpend e Fatos Jetishi.

Në Dardaninë e Pejës, më 27 mars 1999 forcat e armatosura serbe, policë të njësive speciale dhe serb lokal, brenda tri orëve i masakruan 40 civilë shqiptarë të kësaj lagje.

Ne i kujtojmë çdoherë e nuk do t’i harrojmë kurrë.

Në këtë 25 vjetor i përkujtojmë edhe 75 të vrarët në masakrën në Klladernicë të Skënderajt, 18 të vrarët në Mamushë, dhe 10 anëtarët e familjes Rama të vrarë në Obiliq. Sot, në Fushë Kosovë përkujtohen 168 shqiptarët e vrarë nga forcat e armatosura serbe.

Me mall e dhembje, i kujtojmë sot dhe ҫdo ditë, të gjithë të vrarët dhe të zhdukurit me dhunë nga Serbia.

Sakrifica e popullit tonë është themeli i Republikës sonë të lirë.

Lavdi të gjithë të rënëve në rrugën e gjatë për çlirimin e Kosovës!

Albin Kurti, kryeministër i Kosovës. Prishtinë, 27 mars 2024./Media Ndërtimi

Continue Reading

Trending