Connect with us

Infrastrukturë

Banesat në Kosovë shiten me koston më të lirë në rajon!

Published

on

Rritja e çmimeve për metër katror të banesave në Prishtinë po vazhdon në bazë të kërkesës por edhe të zhvillimeve infrastrukturore të zonave, deklaroi njohësi i tregut të patundshmërive, Petrit Kastrati.

Duke treguar për diversitetin e çmimeve të banesave në bazë të lagjeve, ai tha se aktualisht një metër katror i një banese e ndërtuar te Rruga B, çmimi arrin në 1400 euro.

“Nëse një pronë (banesë) në këtë rrugë shumë vite më parë është blerë për 850 euro, tashmë ajo ka ngritje prej 1200-1400 euro për metër katror. Çmimet nëpër lagjet e kryeqytetit rriten ku fillon një zhvillim të asaj zone ku është ndërtuar. Banesat tek Rruga A, aktualisht kanë çmim të ulët krahasuar me ato tek Rruga B. Pastaj, Në lagjen Emshir, banesat variojnë deri në 1000 euro për metër katror. Te ‘Muhaxherët’, çmimi për metër katror i një banese shkon deri deri në 1200 euro.”, tha Kastrati në magazinën televizive “Ju flet Prishtina”, duke shtuar se banesat e ndërtuar në ‘Mati 1’, ‘Aktash’ dhe te ‘Muhaxherët’ janë më të kërkuarat në treg për blerje.

Faton Hoxha, kryetar i shoqatës së ndërtimtarëve në Kosovë, mendon se çmimi i banesave që shitet për metër katrorë jo vetëm në Prishtinë, por edhe qytete tjera, është i lirë.

“Nëse krahasohemi me rajonin, kostoja e tokës që paguhet për të ndërtuar në Kosovë është gati dyfishi i shteteve përreth. Shumicën e materialeve në i importojmë dhe nga kjo në treg rezulton se kemi çmimin më të lirë në rajon për metër katror.  Nëse tek ne tashmë një banesë ka shifrën për metër katror prej 1200 euro, në Shkup një çmim i tillë i apartamenteve ka kushtuar në vitin 2019, kurse në Tiranë, aktualisht një metër katror i apartamenti shkon deri në 4000 mijë euro. Një anomali e tregut te ne është që banesat e ndërtuar vite më parë shitën më shtrenjtë sesa banesat e reja.”, deklaroi kryetari i shoqatës së ndërtimtarëve Faton Hoxha./Media Ndërtimi.

Infrastrukturë

Komuna e Prizrenit harton projektin për rrugën “Shaip Spahiu” pa konsultime

Published

on

Praktika e hartimit të projekteve për intervenime në hapësirat publike të qytetit, pa zhvillimin e konsultave me të gjithë hisedarët, që prej fazave të hershme, po vazhdon që të aplikohet nga Komuna e Prizrenit. Shembulli i fundit është projekti për rrugën “Shaip Spahiu” i prezantuar së fundmi para numrit të vogël të banorëve dhe bizneseve të kësaj rruge.

“EC Ma Ndryshe” prej shumë vitesh kërkon nga organet komunale që ta ndryshojnë këtë qasje, dhe të aplikojnë gjithëpërfshirjen në planifikim, sidomos të hapësirave publike, pasi që ato shfrytëzohen nga grupet e ndryshme të komunitetit. Mos përfshirja e të gjithë hisedarëve në planifikim po rezulton me projekte që nuk po kanë qëndrueshmëri.

EC përsërit thirrjen ndaj organeve komunale të Prizrenit që pjesëmarrjen publike ta shohin si proces gjatë të cilit qytetarët përfshihen në vendimmarrje, në identifikimin e problemeve si dhe mundësive për zhvillim. Përfshirja e publikut në planifikim kontribuon në ndërtimin e zgjidhjeve zhvillimore më të qëndrueshme dhe të adaptueshme për interesat e hisedarëve të ndryshëm. Gjithashtu ky proces fuqizon demokracinë lokale, besimin në institucione publike, ndjenjën e përkatësisë dhe pronësisë për hapësirat publike, si dhe fuqizon komunitetin dhe qytetarinë aktive. Prandaj, EC rekomandon Komunën e Prizrenit që ta ndryshojë qasjen dhe projektet për intervenime në hapësirat publike ti hartojë në konsultim që prej fazave të hershme me të gjithë hisedarët./Media Ndërtimi.

Continue Reading

Infrastrukturë

Kryeministri Rama publikon pamje nga punimet për zgjerimin e aksit Elbasan-Qafë Thanë

Published

on

Kryeministri i Shqipërisë, Edi Rama e ka nisur ditën duke publikuar pamje nga kantieri për zgjerimin e rrugës Elbasan-Qafë Thanë.

Në një postim në Facebook ai shkruan se ky projekt si pjesë e korridorit të 8-të, do të shkurtojë distancat dhe do të kthehet në një rrugë interurbane me katër korsi.

“Mirëmëngjes dhe nga kantieri për zgjerimin e rrugës Elbasan-Qafë Thanë, ku aktualisht po ndërtohet nënkalimi dhe ura automobilistike, një projekt që do të shkurtojë distancat dhe do të kthehet në një rrugë interurbane me katër korsi, si pjesë e korridorit të 8-të, tanimë i përfshirë në rrjetin europian, ju uroj një ditë të mbarë”, shkruan Rama.

Puna për projektin e korridorit 8 erdhi pas marrëveshjes tripalëshe mes Shqipërisë, Bullgarisë dhe Maqedonisë së Veriut, më shumë se 2 vite më parë./Media Ndërtimi

Continue Reading

Infrastrukturë

Në Zvicër zbulohet një lloj i ri i materialit termoizolues me bazë bimore

Published

on

Një organizatë hulumtuese zvicerane ka zhvilluar një lloj të ri materiali termoizolues që vepron gjithashtu si një lavaman karboni.

Materiali, i njohur si “biochar”, është bërë nga lëndë të para me bazë bimore ose produkte të mbeturinave dhe krijohet përmes një procesi të veçantë trajtimi termik.

Ai u zhvillua nga Empa, laboratori federal zviceran për shkencën dhe teknologjinë e materialeve.

Biochar vepron si një lavaman karboni, duke lidhur përgjithmonë CO2, por mund të përdoret gjithashtu në bujqësi për të rritur pjellorinë e tokës pas prishjes së ndërtesave.

Sektori i ndërtimit përbën 40% të konsumit të energjisë, 30% të emetimeve të gazeve serrë dhe 36% të mbetjeve të gjeneruara në BE, llogarit Empa.

Raportohet se ky material ka potencial të madh për të reduktuar gjurmën ekologjike të ndërtesave me materiale lidhëse afatgjatë të CO2./Media Ndërtimi.

Continue Reading

Trending