Asociacioni i Arkitektëve të Kosovës, në vazhdën e aktiviteteve të rregullta, bën përcjelljen, monitorimin, analizimin dhe propozimet konkrete të aktiviteteve, ngjarjeve, vendimeve dhe planfikimeve praktike, programore e profesionale, që lidhen me profesionin sublim të Arkitektit, në mbarë territorin e Kosovës, me theks të veçantë kryeqytetin – Prishtinën.
Meqë një prej temave më me interes, peshë e ndikim të drejtpërdrejtë në përmirësimin e kualitetit të jetesës së Qytetarevë të komunës së Prishtines, dhe jo vetëm – është procesi I themelimit të Zyrës së arkitektit të Kryeqytetit, a-a-k ka sjell në fokus të saj këtë temë.
AAK është organizatë profesionale që ka nën ombrellën e saj profesionistët më të mirë të të gjitha fushave që ndërlidhen me arkitekturë, planifikim urban, trashëgimi kulturore, arkitekturë të qëndrueshme dhe fusha të tjera relevante. Duke u bazuar në planin dhe informacionet e shpalosura në mbledhjen e datës 26.07.2022 e ftuar nga Komuna e Prishtinës – gjegjësisht kryetari Përparim Rama, ku u prezentua vizioni I shërbimit të Arkitektit të Kryeqytetit, por edhe dokumenteve të tjera publike në dispozicion, ka vlerësuar unanimisht, se është imperativ themelimi I Shërbimit/Zyres së Arkitektit të Qytetit të Prishtinës.
Ky hap, ndikon drejtpërsëdrejti në përmirësimin e kualitetit të jetës së qytetarëve të Komunës së Prishtinës, në identifikimin, adresimin dhe zgjidhjen e problematikave kyçe të Kryeqytetit, në fushën e arkitekturës, urbanizmit, infrastrukturës, rrjetit rrugor, komunikacionit etj. Po ashtu, kjo zyrë, do të ndikoj edhe në rritjen, avansimimin dhe tërheqjen e turizmit në zonën urbane e rurale të Komunës së Prishtinës, ruajtjen e ambientit përmes hartimit të rregullativave e normave për projektim të qëndrueshëm, rritjen e efikasitetit, kualitetit, profesionalizmit të lëshimit të lejeve ndërtimore, përmes digjitalizimit të procesit, automatizimit dhe hartimit të projekteve në BIM. Impakt tjetër I kësaj iniciative, do të jetë ai në rritjen ekonomike të kryeqytetit.
Marrë parasysh këto dhe shumë benefite tjera direkte e indirekte të kësaj iniciative për qytetarët e Prishtinës dhe Komunitetin profesional, Asociacioni I Arkitektëve të Kosovës, përkrah plotësisht themelimin e Zyrës së Arkitektit të Kryeqytetit, dhe njëherazi vë në dispozicion të plotë kapacitetin e saj akademik, profesional e intelektual, në funksion të përkrahjes teknike e praktike të kësaj iniciative të domosdoshme dhe të nevojshme.
Besojmë dhe shpresojmë në funksionalizimin sa më të shpejtë të Shërbimit të Arkitektit të Kryeqytetit./Media Ndërtimi.