Aktuale
Vushtrriasit dhe mitrovicasit me peticion kërkojnë përfundimin e rrugës magjistrale Prishtinë-Mitrovicë
Qendra Rinore dhe shoqëria civile përmes një peticioni të nënshkruar nga vushtrriasit dhe mitrovicasit do t’i kërkojnë Qeverisë së Kosovës që në buxhetin e vitit 2018-të të fut edhe përfundimin e rrugës magjistrale Prishtinë me Mitrovicën.
Për kërkesën e tillë, Qendra Rinore dhe shoqëria civile kanë njoftuar të parin e Komunës së Mitrovicës, Agim Bahtiri, i cili priti në takim përfaqësuesit e OJQ-ve.
Florentina Hajdari Hajra pjesë nga organizata “Mundësia”, ka thënë se zvarritja e vazhdueshme e punimeve në autostradën Prishtinë-Mitrovicë ka bërë që të kërkohet peticion nga mitrovicasit dhe vushtrriasit në mënyrë që Qeveria të ndaj buxhet për këtë.
Ajo madje ka kërkuar edhe mbështetjen e kryetarit Bahtiri për të përkrahur këtë iniciativë edhe me shpenzime teknike dhe logjistike.
“Duke u nisur nga vështirësitë e qarkullimit në rrugën magjistrale Mitrovicë-Prishtinë por edhe zhagitjet e vazhdueshme me vite të përfundimit të pjesës së autostradës ndërmjet Prishtinës e Mitrovicës janë ftuar qytetarët e Mitrovicës dhe Vushtrrisë të nënshkruajnë peticion me të cilin do t’i kërkohet Qeverisë që të futet në buxhet përfundimi i këtij segmenti rrugor gjë që do të krijonte mundësi lëvizje e qarkullimi por edhe ulje të aksidenteve” ka thënë Hajra.
Ndërkaq, Kryetari i Komunës së Mitrovicës, Agim Bahtiri i cili ishte edhe nikoqir i këtij takimi ka përgëzuar iniciativën për një peticion të tillë. Ai ka ofruar edhe mbështetje finaciare.
Kryetari Bahtiri ka përgëzuar qytetarinë aktive të Komunës së Mitrovicës të cilët janë mirë të organizuar që të realizojnë projekte në të mirë të shoqërisë, duke iu ofruar në këtë rast edhe mbështetje financiare.
“Unë do të jem i pari që do ta nënshkruaj këtë peticion, i cili është shumë i qëlluar dhe njëkohësisht bëjë thirrje edhe nga të gjithë qytetaret që peticionin në fjalë të mos hezitojë dhe ta nënshkruajnë sepse është në të mirë te tyre, për një infrastrukturë moderne duke mundësuar lëvizje e qarkullimi më të mire”, ka theksuar Bahtiri.
-
Infrastrukturë8 hours ago
Prezantohet projekti për ndërtimin e Digës së Dragaçinës në vlerë 40 milionë euro
-
Infrastrukturë2 days ago
Një perandori me 10 shifra, Investitorët në ishullin Sazan deklarojnë 3 miliardë dollarë asete
-
Infrastrukturë2 days ago
Në Tajvan po ndërtohet ura më e gjatë në botë asimetrike 920 metra
-
Aktuale2 days ago
Ndërpritet gjykimi ndaj ish-drejtorit të kompanisë “Sallahu” dhe drejtorit të Njësisë së Auditimit në MI
-
Infrastrukturë2 days ago
Vërshime në Dubai, një viktimë nga shiu më i madh në Emiratet e Bashkuara në 75 vjet
-
Infrastrukturë2 days ago
Shumica e banesave në Gjilan janë të banueshme dhe pa certifikatë të përdorimit!
-
Infrastrukturë6 hours ago
Tenderi 1.2 milionë euro që u vlerësua nga ‘dostat’ për t’ia dhënë shokut të Përparim Ramës!
-
Infrastrukturë2 days ago
2 miliardë euro kostoja e totale e linjës hekurudhore nga Durrësi në Bullgari
You must be logged in to post a comment Login