Connect with us

Aktuale

Rrëfim nga Fabrika e radiatorëve në Gjilan, e vetmja që mbijetoi pas privatizimit [video]

Published

on

Shkendije Ahmeti

Vetëm kjo fabrikë ka mundur të mbijetojë pas privatizimit në Gjilan. Dikur e njohur si “Jugoterm” e sot si “EnRad”, mbijetoi në mesin e katër fabrikave që kishte qyteti i Gjilanit

Prej vitit 1978, kur edhe është hapur Fabrika e Radiatorëve, deri më tahs ka pasur ndryshime e investime. Pas vitit 2012, kur u privatizua në të u futën tre milionë euro investime. Teknologjia e tanishme, mundëson që brenda ditës të prodhohen rreth 500 radiatorë e 50 kamina.

Të rindërtosh një fabrikë e cila ishte shuar, e që kishte humbur besimin e qytetarëve  jo vetëm brenda tregut por edhe jashtë vendit ishte sfidë në vete për pronarët.

Drejtori i “ENRAD”, Tahir Tahiri për Ndërtimi.info ka rrëfyer se si brenda pesë viteve fabrika që u shua u rikthye fuqishëm me prodhim jo vetëm brenda por edhe jashtë vendit.  Tahiri i cili ishte punëtorë në këtë fabrikë edhe në kohën e ish-Jugosllavisë, tregon se fabrika ka qenë thuajse në kolaps.

“Kur ka filluar prodhimi, kanë qenë kapacitete shumë më të vogla sepse ne kemi pas problem me riorganizu, dukeë pas parasysh që kanë munguar edhe mjetet, edhe tregu ka qenë pothuajse i humbur si në tregun e vendit edhe në eksport ka qenë i humbur. Kështu që është dashur të derdhet mjaft mund  për me arrit që me i kthy ato tregje ku kemi qenë prezent, dhe normalisht me depërtu në tregje të reja si në Greqi, Moldavi, Qipro”, thotë ai.

Janë mbi 200 punëtorë, të cilët derdhin djerë për të prodhuar radiatorë, e që numri pritet të rritet.

“Fabrika tani ka mbi 200 punëtorë dhe është me tendencë  të rritjes përherë duke bërë përpjekje në zgjerim të tregut, madje duke zgjeruar edhe gamën e produkteve. Kur e them në zgjerim të tregut bëhet fjalë se nëse krijojmë ende hapësirë për tregje tjera”, theksoi Tahiri.

Procesin e prodhimit të një radiatori e trengon më së miri drjetori i këtij reparti, Skender Sylejmani.

“Fillon nga prerja e llamarinës, varësisht nga madhësia dimesionale të radiatorit. Kalon në procesin e presave, ku bëhet profilizimi i llamarinave. Kalon në procesin e saldimit ku bëhet saldimi ku bëhet saldimi me retrozistencë. Saldimi gypor, gjatësor, tërthor. Pastaj radiatori pritet me dimensione të caktuara, vendoset llaminat me pikëzim. Tani kalon në repartin e batallit ku bëhet formimi i radiatorit ku vendos cepat distancat masha dhe përgatitet për testim. Prej testimit praktikisht është i gatshëm për ngjyrosje dhe aty fillon procesi i ngjyrosjes ku së pari bëhet pastrimi i radiatorëve, mandej bëhet ngjyrosja me zhytje me ngjyrën themelore, e prej aty kalon në furrën ku bëhet pjekja e ngjyrës pastaj vazhdon në shiriti transportues deri të ngjyrosja elektrostatikë ku bëhet ngjyrosja me pluhur në mënyrë robotike”, tregon Sylejmani.

E pas gjithë këtyre fazave, krejt në fund radiatori hyn në furrë ku ngjyra e tij piqet në temperaturë prej 180-200 gradë celsius.

Por me kalimin e kohës, kjo fabrikë ka zgjeruar gamën e produkteve. Aty tashmë bëhet edhe prodhimi i kaminëve, që brenda një ditë arrin numrin 20 sosh.

Drejtori në Repartin e Kaldajave, Behar Azemi,  ka treguar për Ndërtimi.info se prodhimi shkon në bazë të kërkesave të tregut, e më së shumti kërkohet kamini me pelet.

“Tash për momentin kemi kamina që prodhojmë. Prodhojmë kryesisht në bazë të kërkesave të tregut. Tregu kryesisht tregu për momentin është i fokusuar në kamina në peletë. Kaminat janë prej 11 kilovatë më e vogla deri në 46 kilovatë (KV). Kryesisht vazhdojmë prerjen e llamarinave e cila prehet me makinerinë e cila vjen prej Italisë. Është prodhim italian, është makineri sencil që bënë prerjen e llamarinave. Pastaj vjen lakimi, bëhet lakimi i llamarinës. Janë saldime, saldimi bëhet me robot automatik i cili saldon. Pas saldimit vjen testimi, testimi bëhet deri në 5 vatë, pas testimit bëhet ngjyrosja…pas ngjyrosjes vazhdon montimi me mbështjellës, pjesa përfundimtare  dhe del në treg”, ka treguar Azemi.

Me radiatorët dhe kaminët e kësaj fabrike ngrohen jo vetëm shqiptarët. Gjashtëdhjetë për qind të pordhimit e eksporton në Greqi, Qipro, Moldavi dhe vende tjera të Ballkanit, duke rikthyer një treg që ka qenë në vitet e ’80-ta.

1 Comment

You must be logged in to post a comment Login

Leave a Reply

Aktuale

Cilat janë ndryshimet në dënime me Ligjin e ri për rregullat e trafikut rrugor?

Published

on

Në muaji prill të këtij viti do të fillojë të zbatohet Ligji i ri për rregullat e trafikut rrugor pasi Ligji është votuar në Parlament dhe është dekretuar nga presidentja e Kosovës, Vjosa Osmani, më 11.03.2024.

Mosvënia e rripit të sigurisë, mbajtja në prehër e personit tjetër gjatë vozitjes, tejkalimi në vijë të plotë, përdorimi i celularit gjatë vozitjes dhe garat me vetura janë vetëm disa prej veprimeve të vozitësve që pritet të dënohen shumë më ashpër sesa me Ligjin e vjetër për rregullat e trafikut rrugor.

Sipas Ligjit të ri, i cili është publikuar në Gazetën Zyrtare më 19.03.2024 dhe hyn në fuqi më 03.04.2024, parashihet që dënimi me gjobë për personat që nuk vënë rripin e sigurisë të jetë 150 euro. Mosvënia e rripit të sigurisë me Ligjin e kaluar dënohej me 40 euro gjobë.

Gjatë vozitjes nuk lejohet përdorimi i telefonit. Këtë e ka paraparë Ligji për rregullat e trafikut rrugor. Nëse një person përdor telefonin gjatë vozitjes i njëjti do të dënohet me 100 euro gjobë dhe do t’i shqiptohet një pikë negative.

Nëse veprimi i njëjti i përdorimit të telefonit përsëritet për herë të dytë, ngasësi i veturës do të dënohet me 200 euro gjobë dhe me shqiptimin e dy pikëve negative dhe do t’i ndalohet ngasja për tre muaj.

Ndërsa nëse për më shumë se dy herë vozitësi ka përdorur telefonin do të dënohet me gjobë në shumën 500 euro, do t’i shqiptohen tri pikë negative dhe do t’i ndalohet ngasja e veturës në kohëzgjatje prej 6 muajsh.

40 euro dënim me gjobë është ajo çfarë kishte paraparë Ligji aktual për vozitësit që kapen duke përdorur telefonin gjatë vozitjes.

Ligjvënësi ka paraparë që të ashpërsojë dënimin edhe ndaj këmbësorëve që në vendkalimin për këmbësorë përdorin telefonin apo dëgjuese me të cilat do të mund të humbnin koncentrimin.

Ligji i ri ka paraparë dënimin deri në 50 euro gjobë kurse Ligji i vjetër (aktual) këtë veprim të këmbësorit e kishte konsideruar si kundërvajtje, e cila dënohej me 40 euro gjobë.

Tutje, Ligji i ri parasheh dënime me të ashpra për vozitësit të cilët nuk e respektojnë shpejtësinë e rekomanduar.

Kështu nëse një vozitës jashtë zonës së banimit, pra në autostradë dhe në magjistrale, vozit me mbi 100km/h më shumë se shpejtësia e lejuar, ai do të dënohet me 500 euro gjobë, shqiptimin e 5 pikëve negative dhe 6 muaj do t’i ndalohet vozitja e automjetit.

Ndërsa Ligji i vjetër, për tejkalimin e shpejtësisë jashtë zonës urbane, kishte paraparë dënimin prej 200-600 euro gjobë, nëse tejkalimi i shpejtësisë ka qenë 50 km/h më shumë se shpejtësia e lejuar. Krahas gjobës, nëse është tejkaluar shpejtësia ishte paraparë shqiptimi i 3 pikëve negative dhe 3 muaj do t’i ndalohej vozitja e automjetit.

Ligji i ri ka paraparë dënime më të ashpra edhe nëse vozitësit bëjnë gara jashtë vendbanimeve apo brenda vendbanimeve.

Kushdo që bën gara jashtë vendbanimit do të dënohet me Ligjin e ri me 400 euro gjobë, shqiptimin e katër pikëve negative dhe 10 muaj do t’i ndalohet vozitja e automjetit. Kurse nëse garat bëhen brenda vendit ku ka banim, dënimi do të jetë më i ashpër prej 500 eurove dënim me gjobë, shqiptimin e pesë pikëve negative dhe 12 muaj do t’i ndalohet personit që të vozitë automjetin.

Ligji i vjetër nuk kishte bërë diferencimin për garat që zhvillohen brenda apo jashtë vendbanimit. Si dënim për këdo që bën gara, më Ligjin e vjetër ishte paraparë dënimi me gjobë prej 100-300 euro.

Tutje, Ligji i ri ia ndalon vozitësit të automjetit të mbajë në prehër dikë tjetër, duke përfshirë këtu edhe fëmijët, gjë të cilën nuk e kishte specifikuar Ligji i vjetër (aktual).

Ligji i ri ka paraparë dënimin me gjobë prej 400 euro, shqiptimin e 5 pikëve negative dhe ndalim të vozitjes së automjetit për 6 muaj nëse mban në prehër dikë tjetër.

Kushdo që ka pasur të vendosur folie apo ndonjë material tjetër me të cilin do t’i ndihmonte në errësimin e xhamave të veturës me Ligjin e vjetër ishte dënuar me 60 euro dënim me gjobë. Ligji i ri nuk ka specifikuar asnjë nen apo paragraf me të cilën do ta rregullonte këtë veprim të shoferit.

Kallxo.com i ka dërguar pyetje Ministrisë së Mjedisit, Planifikimit Hapësinor dhe Infrastrukturës për të kërkuar sqarim lidhur me këtë çështje, por deri në publikimin e këtij artikulli nuk ka kthyer përgjigje.

Ligji i ri ka paraparë dënime edhe për vozitësit të cilët bëjnë tejkalime në vijë të plotë. Gjoba për këtë veprim do të jetë 200 euro, shqiptimi i 2 pikëve negative dhe 3 muaj ndalim të drejtimit të automjetit.Ligji i vjetër kishte paraparë dënimin me gjobë nga 100-300 euro, 3-6 muaj ndalim të vozitjes dhe 2 pikë negative.

Ajo çka konsiderohet risi në këtë Ligj është përcaktimi i rregullave për vozitësit e trotineteve elektrike.Personat nën moshën 16-vjeçare nuk kanë të drejtë të ngasin trotinet. Nëse një gjë e tillë ndodh qiradhënësi do të dënohet me gjobë në shumën prej 500 euro, prindi dhe kujdestari i fëmijëve do të dënohen me gjobë në shumën prej 100 euro./Media Ndërtimi

Continue Reading

Aktuale

Çka parasheh Ligji i ri i trafikut rrugor për ngasësit e trotinetit elektrik?

Published

on

Ligji i ri për rregullat e trafikut rrugor, i cili pritet të hyjë në fuqi në fillim të muajit prill, ka paraparë rreth tri dispozita ligjore që specifikojnë mënyrën se si do të veprohet në trafik me trotinet elektrik.

Ky Ligj pritet të hyjë në fuqi muajin e ardhshëm (prill 2024) pasi është votuar në Parlamentin e Kosovës dhe është dekretuar nga presidentja Vjosa Osmani më 11.03.2024.

Sipas Ligjit të ri, drejtuesit e trotinetit elektrik duhet të lëvizin në shiritin e biçikletave ose në shtegun e përbashkët për biçikleta dhe për këmbësorë.

Shpejtësia me të cilën lejohet të operojë një trotinet elektrik do të jetë 25 km/h e kushdo që nuk e respekton këtë kufizim do të ndëshkohet me 150 euro gjobë dhe do t’i konfiskohet trotineti për 3 muaj, shkruan Kallxo.com

Sipas Ligjit të ri do të dënohet me 150 euro gjobë dhe 3 muaj do t’i konfiskohet trotineti elektrik kushdo që e nget në zonën për të cilën nuk është përcaktuar lëvizja e tij.

Kështu, me 150 euro dhe 3 muaj konfiskim të mjetit do të dënohet personi që vozit trotinetin në trotuar dhe në hapësira të tjera të parapara për këmbësorë/sheshe.

Fëmijëve nën moshën 16-vjeçare nuk do t’u lejohet që të vozisin trotinetin në rrugët publike. Nëse një gjë e tillë ndodh prindi ose kujdestari i fëmijës do të dënohet me gjobë në shumë prej 100 euro. Kurse qiradhënësi do të dënohet me 500 euro dënim me gjobë.

Sipas Ligjit të ri, në trotinet nuk do të lejohen dy apo më shumë persona, sepse në të kundërtën do të dënohen me gjobë prej 100 euro dhe do të konfiskohet mjeti për 3 muaj.

Ligji ka paraparë se nëse vozitësi i trotinetit elektrik manovron me një rrotë, vozit më dëgjuese, dhe vozit pa dy duart do të dënohet me gjobë në shumë 40 euro.

Ligji i ri i cili pritet të zbatohet që nga muaji prill ka shfuqizuar Ligjin për rregullat e trafikut rrugor, i cili ka qenë në zbatim që nga gushti i vitit 2016.

Continue Reading

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Trending