Connect with us

Infrastrukturë

Qytetarët e Prizrenit ankohen për projektet infrastrukturore

Published

on

Komuna e Prizrenit, pas debateve të shumta, të organizuara tanimë, ka marrë edhe të gjitha preferencat dhe sugjerimet e banorëve për buxhetin e vitit 2018, se ku janë nevojat dhe prioritet e investimeve.

Prizreni ka votuar shqyrtimin e parë të Kornizës Afatmesme Buxhetore për vitet 2018-2020,sipas së cilës në vitin 2018 buxheti i Prizrenit rritet për 5 milionë euro dhe do të jetë mbi 43 milionë.

Drejtori i Financave, Ertan Simitçi, sqaroi se Komuna e Prizrenit ka pranuar qarkoren e Ministrisë së Financave që e përcakton kufirin e buxhetit që Komuna e Prizrenit do ta ketë në tri vitet e ardhshme.

“Buxheti i Komunës së Prizrenit vjen nga dy burimet kryesore, nga grantet qeveritare që janë mbi 35 milionë euro, e që për vitin 2018 shënojnë një rritje prej 3 milionë dhe të hyrat vetjake që janë mbi 8 milionë ose rreth 2 milionë më shumë se në vitin 2017. Buxheti i Prizrenit në vitin 2018 do të ketë rritje për 5 milionë euro”, u shpreh Simitçi. Mirëpo, duhet se kërkesat e qytetarëve janë shumë të mëdha lidhur me këtë buxhet.

Lubizhda ka shumë nevoja

Halim Bytyqi pohon për “Kosova Sot” se nuk ka marrë pjesë në debate për buxhetin, por e di se në rrugën “Nëna Terezë” në Prizren ka nevojë të bëhen shumë investime.”Së pari atje që nga paslufta s’ka ujë të pijes, pastaj ajo që duhet të thuhet atje ende ka rrugë pa rrjet të kanalizimit dhe pa rrjetë të ujësjellësit”, është shprehur ai.

Kurse Nehat Vehapi, nga Lubizhda e Prizrenit, tregon për “Kosova Sot” se si fshat kanë shumë nevoja.”Atje tashmë kemi nevojë për infrastrukturë të shumtë. Kemi nevojë për rrugë për një terren sportiv, për një ambulancë të re e për shumë gjëra të tjera”, është shprehur ai. Shaip Kryeziu, nga “Handikoss”, ka folur për shumë pengesa që tani e sa kohë i kanë në rrugën”Marin Barleti” dhe tanimë është vështirë- suar shumë rasti i të barturit të anëtarëve të kësaj shoqate deri në lokalet e shoqatës.

Shumë projektet janë elektorale

Përderisa bëhet planifikimi i buxhetit përmes debateve, organizata nga komuna e Prizrenit thonë se prizrenasit kanë një mal kërkesash, të cilat kryesisht janë në fushën e infrastrukturës.

Haxhi Avdyli, kryetar i degës së LDK-së në Prizren, pohon se tani ky vit është vit zgjedhor dhe se edhe buxheti do të destinohet me qëllime dhe për shërbime zgjedhore.

Po kështu mendon edhe Zafir Berisha nga Nisma. “Tanimë dihet se buxhetin pushteti aktual dëshiron ta orientojë drejt interesave të veta për zgjedhje, por kjo s’ besoj se do t’u ndihmojë”, është shprehur ai. Kurse, dhjetëra qytetarë pohojnë se kanë shumë nevoja për infrastrukturë. Avdi Rashana, nga lagjja “Takakane”, ankohet në faktin se rruga “Azem Bejta” ka mbetur rrugë e paasfaltuar. Ai kërkoi edhe shtrimin e trotuarit, i cili në mes të Prizrenit po e shëmton këtë pjesë të qytetit. Në emër të banorëve të lagjes “Jeta e re”, tani e një kohë ankohen banorët për rrugën rreth ish-hekurudhës që e kanë pa shtruar.

“Ne, banorët të kësaj lagje, asnjëherë s’e kemi gëzuar shtrimin e rrugës. Në pluhur, në baltë, jemi gjithmonë. Nxënësit tanë dimrit shkojnë gjithmonë me këmbë të lagura. Unë besoj se kjo pjesë e qytetit nuk ka më kuptim në vitin 2017 të jetë në këtë gjendje”, pohon Agim Berisha. Lidhur me këtë rrugë zyrtarët e komunës gjegjësisht drejtori i Shërbimeve Publike, Sulltan Badallaj, për gazetën pohon: “Këtë vit jemi të bindur se do ta shtrojmë atë rrugë”, ka theksuar ai. Kurse Haziz Hodaj tregon se në fshatin Gjonaj problemet e banorëve mbesin të njëjta dhe ka nevojë për më shumë buxhet.

 

Infrastrukturë

Tirana, çmimet më të larta në rajon për apartamentet/2,545 euro për metër katror

Published

on

Qendra e Tiranës gëzon çmimet e banesave më të shtrenjta në krahasim me kryeqytet e tjera të vendeve të Ballkanit me një çmim prej 2,545 euro për metër katror.

Sipas “NUMBEO” që mat çmimet për produktetet e konsumit, por edhe për ato të shërbimeve, vetëm Beogradi gëzon vlerë më të lartë për sa i përket çmimeve të apartamenteve, shkruan Scan TV.

Kryeqyteti i Maqedonisë së Veriut Shkupi paraqitet si vendi me çmimin më të vogël, rreth 1900 euro, për të vazhduar me Prishtinën, Podgoricën e të tjera.

Tirana prej vitesh tani si një qytet i mbipopulluar nga shqiptarët dhe jo vetëm, ka njohur rritje konstante për sa i përket rritjes së çmimeve të banesave, ku në varësi të zonave “stampohet” dhe vlera e apartamenteve.

Rritja e kostove të ndërtimit, migrimi apo urbanizimmi dhe rritja e taksës janë disa nga faktorët kryesorë që pritet të vendosi rekorde të reja përgjatë vitit 2024,  për çmimin e banesave me një rritje që pritet të shkojë deri në 20% më shtrenjtë se vitin e kaluar.

Të dhënat e publikuara nga Banka e Shqipërisë tregojnë se sektori i pasurive të patundshme ishte tregu ku ishin investuar paraja më e madhe ne krahasim me sektorët e tjerë.

Gjatë tremujorit të katërt të vitit të kaluar në sektorin e pasurive të patundshme janë investuar rreth 103.18 mln euro, me një vlerë totale përgjatë viit 2023 që shkon përafërsisht në 325.45 mln euro./Media Ndërtimi

Continue Reading

Infrastrukturë

15 kompani do të ndërtojnë katër lote në rrugën Kijevë-Dollc në vlerë 21 milionë euro

Published

on

Dy ditë më parë janë nënshkruar kontratat për ndërtimin e rrugës Prishtinë-Pejë, përkatësisht segmenti Kijevë-Dollc (llotet 2,3 dhe 4).

Vlera e ktyre kontratave është 21 milionë euro. Punimet pritet të fillojnë brenda pak ditëve.

Kontratat e kompanive fituese të tenderit tashmë janë publike.

Në garë kanë qenë gjithsejtë 26 operatorë, shkruan Indeksonline.

Loti 1 do të ketë vlerën e 7.3 milionë eurove dhe do të ndërtohet nga Rukolli, Saba Belca dhe Elmazaj Konstruksion.

Loti 2 ka vlerë mbi 6 milionë euro dhe do menaxhohet nga Empreus, Jaha Compani, Premium, Toifor, NNT ABC SHPK dhe Metag Insaat Ticaret.

Loti 3 është me vlerë më të ulët me 5.4 milionë euro dhe do të punohet nga kompania Lika.

Loti 4 ka vlerën më të madhe me mbi 9 milionë euro. Kompanitë fituese janë Famis CO-HC, SH.A KIT-AK, Gradnje, KAG-Asphalt Company./Media Ndërtimi

Continue Reading

Infrastrukturë

Nga 415 rrugë në Prishtinë, vetëm 9 mbajnë emra të grave

Published

on

87% e rrugëve në Prishtinë mbajnë emra individësh; megjithatë, vetëm 2% janë emëruar me emra të grave.

Nga 415 rrugë në Prishtinë, vetëm 9 mbajnë emra të grave.

Këto të dhëna janë siguruar nga iniciativa Mapping Diversity (platformë për zbulimin e fakteve kryesore rreth diversitetit dhe përfaqësimit në emrat e rrugëve në të gjithë Evropën).

Sipas Endrit Pllashnikut, që ka përpiluar tabelën, të dhënat tregojnë një hendek të theksuar gjinor në emërtimin evropian të rrugëve: mesatarisht vetëm 9% e emrave të rrugëve në kryeqytetet e listuara evropiane më poshtë nderojnë gratë.

Continue Reading

Trending