Connect with us

Aktuale

Po rritet numri i kompanive ndërtimore që po shuhen në Kosovë[dokument]

Published

on

Kompanitë e ndërtimit po kanë trend rritës në shuarjen e tyre. Kjo konstatohet në raportin e publikuar nga Agjencia e Statistikave të Kosovës në lidhje me ndërmarrjet ekonomike.

Në tremujorin e dytë të këtij viti (Prill-Maj-Qershor) në Kosovë janë shuar 30 kompani ndërtimi. Në krahasim me tremujorin e parë (Janar-Shkurt-Mars) numri i kompanive të shuara dallon për tri kompani, pasi atëherë ishin shuar 27 kompani, raporton Ndertimi.info.

Komunat që prijnë me shuarjen e kompanive të ndërtimit në tremujorin e dytë janë Prishtina me 5 kompani, Peja dhe Prizreni me nga 4 kompani e Istogu me 3 kompani të shuara. Ky trend Prishtinën e ka përcjellur edhe tremujorin paraprak, që kishte 5 kompani të shuara, ndërsa Mitrovica, Ferizaj e Vushtrria kishin nga 3, e me 2 kompani të shuara ishte Prizreni, Suhareka e Lipjani.

Shqetësuese shihet shuarja e kompanive në tremujorin e dytë, pasi janë muajt vetëm kur fillon të rritet ritmi i punës në ndërtimtari. Mirëpo, kryetari i Odës Ekonomike të Kosovës, Safet Gërxhaliu nuk e sheh shqetësuese këtë gjendje. Ai thotë për Ndërtimi.info se Kosova është më mirë se rajoni.

“Është e vërtetë që në Kosovë aktualizohet çështja e mbylljes së kompanive. Nuk është një situatë alarmante. Situatat më alarmante janë në vendet e rajonit ku ndoshta nga 100 për qind e bizneseve të hapjes brenda vitit, dhe mbi 70 për qind mbyllen, dhe maksimumi në Kosovë është 24 për qind që do të thotë i tejkalon disa standarde rajonale evropiane”, ka thënë Gërxhaliu.

Një nga arsyet që Gërxhaliu përmend për mbylljen e bizneseve në terma të përgjithshëm është se ato “rifillohen ose ristartohen” pas mbylljes. Ai, gjithashtu, potencon se biznesi në Kosovë nuk po mbrohet nga informalitetit.

“Fatkeqësisht në Kosovë biznesi nuk mbrohet dhe më tepër cungohet nga informaliteti që vjen qoftë në aspektin intern nga brenda kompanive në Kosovë por edhe nga aspekti ekstrem nga kompanitë nga rajoni e më gjerë”, përfundoi Gërxhaliu.

1 Comment

You must be logged in to post a comment Login

Leave a Reply

Aktuale

Rasti ‘Brezovica’, arrestohen 4 persona, dy të tjerë mbeten në arrati!

Published

on

Prokuroria e Ferizajt, ditën e djeshme ka njoftuar se ka bastisur gjashtë lokacione dhe ka arrestuar katër persona, ndërsa dy të tjerë mbeten në arrati pasi nuk ishin hasur në vendbanimet e tyre.

Ndër të arrestuarit është edhe Bekim Pireva i cili është ortak në një biznes në Ulqin më Idriz Thaçin, vëllain e ish Presidentit Thaçi. Kallxo.com ka kontaktuar me avokatin e Pirevës, Arben Shala, por ai ka qenë shumë i shkurtër.

“I vetmi bashkëpunim i yni me z.Idriz Thaçi është në projektin ndërtimor në Ulqin. Të dhënat e kompanisë dhe aksionarëve janë të gjitha publike dhe online”, pati deklaruar Bekim Pireva, drejtor i kompanisë “Premium Bau Ulqin”.

Bekim Pireva, gjithashtu e kishte pranuar se ka qenë aksionar edhe me qytetarë serbë, por kishte deklaruar se ato nuk janë bërë asnjëherë aktive. Ai pati deklaruar se është aksionar me 70% të aksioneve në biznesin “Energy Power” Sh.P.K. me seli në Zubin Potok, në të cilën janë aksionarë edhe Bojan Jakshiq (20% të aksioneve) dhe Millovan Simiq (10% të aksioneve).

“Jemi vetëm tre aksionarë atje në Ulqin, unë bashkë me Arben Jetullahun dhe Idriz Thaçin, që të dy i njoh në Prishtinë kohë më parë. Po, Idrizi është vëllai i Hashim Thaçit, unë kam pas edhe një kompani tjetër me disa serbë të Zupqit por nuk është më sepse nuk kemi mujtë me hapë fabrikën”, theksoi Pireva.

Emisioni KallxoPernime i titulluar ‘Veriu dhe investimet në Ulqin’, të transmetuar vitin e kaluar mund ta ndiqni në linkun e mëposhtëm.

Sipas njoftimit të Prokurorisë në Ferizaj, personat e arrestuar janë me inicialet Xh. B., I. F., Xh. Sh., dhe B. P. Ata janë ndaluar për shkak të dyshimit se të njëjtit kanë kryer veprat penale “Marrja e ryshfetit” “Ushtrimi i ndikimit” dhe “Dhënia e ryshfetit”./Media Ndërtimi.

Continue Reading

Aktuale

Nexhat Krasniqi mbetet pa pozitën e shefit të Prokurimit në Ministrinë e Infrastrukturës

Published

on

Shefi i Prokurimit në Ministrinë e Mjedisit, Planifikimit Hapësinor dhe Infrastrukturës, MMPHI, Nexhat Krasniqi nuk mban më pozitën udhëheqëse të këtij divizioni.

Në një përgjigje të MMPHI për Kallxo.com bëhet e ditur se më datë 24 maj Ndriçim Mustafa është caktuar zyrtar përgjegjës për menaxhimin e Divizionit të Prokurimit.

“Më datë: 24.05.2022, Ndriçim Mustafa, është caktuar zyrtar përgjegjës për menaxhimin e Divizionit të Prokurimit, në kuadër të MMPHI-së, si rezultat i bashkimit të Ministrisë së Mjedisit, Planifikimit Hapësinor dhe Infrastrukturës, me qëllim të koordinimit të aktiviteteve të dy Divizioneve të Prokurimit, deri në hyrjen në fuqi të rregullores së re për organizimin e brendshëm të MMPHI-së”, thuhet në përgjigjen e tyre.

MMPHI nuk kanë treguar se cilat kanë qenë arsyet e largimit të Krasniqit dhe nëse do mbajë ndonjë pozitë tjetër brenda ministrisë ku udhëhoqi divizionin e Prokurimit.

Në emisionin “KallxoPernime” më 27 prill 2022, zëvendësministri i Infrastrukturës Hysen Durmishi ka folur për raportet e tij me tashmë ish shefin e prokurimit Nexhat Krasniqi, ku deklaroi se nuk takohet çdo ditë me të.

“Jo, nuk rri natë e ditë në zyrën time. Në zyrën ku punoj unë, çdo drejtor i departamentit, çdo shef i divizionit, çdo zyrtar që punon në ministri, e ka derën çelur sa unë jam aty. Ai (Nexhat Krasniqi), nuk vjen shpesh te unë. Ai vjen vetëm kur ka nevojë për m’u konsultu me mua. Së pari, unë përveç që jam zëvendësministër jam edhe inxhinier dhe për ashtu unë nuk duhem me bo kurrgjë e veç duhet me pritë kur të ma sjellin ndonjë dokument me e nënshkru”, deklaroi Durmishi.

Durmishi ka thënë se Krasniqi ka ardhur 2-3 muaj në punë para se të vinin në qeverisje, kjo pasi ky i fundit ka qenë i suspenduar./Media Ndërtimi.

Continue Reading

Aktuale

Anulohet vendimi për miratim të Planit Zhvillimor Komunal të Gjilanit

Published

on

Anulimi i vendimit për miratim të Planit Zhvillimor Komunal, sipas kryetarit Alban Hyseni i hap rrugë plotësim ndryshimit të materialit bazë dhe garanton mundësi zhvillimi për Komunën e Gjilanit.

“Bartja e dy aktiviteteve, atij të mirëmbajtjes dhe sigurimit të objekteve komunale, objekteve të arsimit dhe atyre të shëndetësisë në kuadër të ndërmarrjes “Tregu” siguron shërbime me të mira për komunën dhe i jep fund një problemi shumëvjeçar për të cilin asnjëherë nuk është gjetur vullneti politik për t’u trajtuar dhe zgjidhur.

Falënderoj asambleistët e Kuvendit Komunal të Gjilanit për mbështetjen e këtyre dy propozimeve tejet të rëndësishme për Komunën dhe qytetarët.”, deklaroi kryetari i Gjilanit, Alban Hyseni./Media Ndërtimi.

Continue Reading

Trending