Uncategorized
Ndërtimtaria si sektor i rehatisë
Shpesh kemi dëgjuar në popull të thuhet shprehja që “zanati nuk të lë pa punë”, që vazhdohet duke i numëruar disa prej profesione si: ndërtimtar, floktar e këpucëtar. Kjo logjikë në të vërtetë funksionon nëse shihet në realitet.
Floktarët, pothuajse, gjithmonë kanë qarkullim të kënaqshëm ditor në biznesin e tyre. Ndonjëherë më shumë e ndonjëherë më pak. Puna u lëviz shpesh sipas sezoneve, por është funksionale. Madje është biznes që mund të hapet gjithandej, pra lokacioni nuk është gjithmonë çelësi i funksionimit, ngaqë ka floktarë edhe në fshatrat më të thella, por edhe nëpër lagje të qyteteve.
Përkundër floktarëve, këpucëtarët janë më shumë të vendosur në qytete. Puna rrallëherë u ndalet, edhe përkundër zhvillimit të industrisë së lëkurës dhe këpucëve. Shumë njerëz refuzojnë t’i heqin nga përdorimi këpucët që kanë për qejf nëse u dëmtohet pak, andaj zgjidhjen e gjejnë tek këpucëtarët. Edhe këta kanë punë varësisht sezonit. Dimri është ai që u sjell punë më shumë ngaqë dëmtimet e këpucëve fusin ujë.
Kurse profesioni i ndërtimtarit, me ose pa shkollim superior tregohet të jetë më funksional dhe jo fort i varur nga sezoni. Punohet verës e dimrit, pa u ndalur. Natyrisht ka përjashtime në konstatimin e vazhdimësisë së punës, ngaqë varet se në kë kompani punon, por shumica e tyre kanë punë.
Kosova, veçanërisht qendrat e mëdha, janë në vlugun e ndërtimeve të larta. Shumë zona, dikur të thata, tashmë janë mbushur me ndërtesa e komplekse të mëdha. Ndërtimet po mbushen me njerëz që janë zhvendosur në Prishtinë, apo qytete tjera të Kosovës, për shkak të punës apo zhvillimeve tjera jetësore. Po të futesh në zonën e njohur në Prishtinë si “Lagja e Spitalit”, mund të shohësh shumë punëtorë që punojnë. Ata janë qindra edhe pse është sezon dimri. Ata janë vetëm një pjesë e punëtorëve, pasi pas tyre qëndron administrata dhe prodhimi i parafabrikuar që përdoret në ndërtim.
Me mijëra tjerë punojnë, fatkeqësisht edhe pa kontrata, në kompani të vogla që ndërtojnë shtëpi të vogla banimi. Një numër i konsiderueshëm është edhe kompani familjare, ku punëtorët janë familjarë mes vete. Kjo bën që ndërtimtaria të jetë profesion që punëson numër të konsiderueshëm njerëzish.
Në statistikat e fundit të publikuara nga Agjencia e Statistikave të Kosovës për tremujorin e dytë të vitit 2016 thuhet se ndërtimtaria është sektori i tretë që punëson njerëz. Pas tregtisë dhe prodhimit, ndërtimtaria vjen me 11.6% nga 3,775 ekonomi familjare që janë anketuar nga Agjencia e Statistikave të Kosovës.
Ndërtimtaria është sektor që shqiptarët i ka përcjellë dhe i ka ngritur në biznes gjithandej botës. Ka me mijëra shqiptarë në shtetet e perëndimit që kanë gjithçka prej ndërtimtarisë, duke mos përjashtuar as kompani super të mëdha që vazhdojnë edhe sot të çudisin botën me kreativitetin e tyre në ndërtim e projektim.
Me ose pa dëshirë, ndërtimtaria është shndërruar për shumë nga ne burim i jetës dhe puna e pashmangshme, sikurse ndërtimtaria që ka përfituar nga punëtorët e palodhshëm shqiptarë.
Autori i këtij shkrimi është Drejtor Ekzekutiv i “KAWA Group”.
Uncategorized
Las Vegas NIGHTCLUBS Guide for Hookup
Uncategorized
Mało znane argumenty na temat Kasyno Platnosc Blik.
Uncategorized
The value of Strategic Planning for Board Management
-
Infrastrukturë22 hours ago
15 kompani do të ndërtojnë katër lote në rrugën Kijevë-Dollc në vlerë 21 milionë euro
-
Aktuale1 day ago
Kredinë do e paguajë edhe për 3 vjet të tjera, por banesën për të cilën mori hua në bankë nuk do e marrë kurrë!
-
Aktuale3 days ago
Si u blenë 30 hektarë tokë për 25 euro ari në Malishevë?, vazhdon gjykimi ndaj ish-kryetarit Ragip Begaj
-
Infrastrukturë3 days ago
Nënshkruhen kontratat për ndërtimin e segmentit Kijevë-Dollc
-
Ndërtim2 days ago
Rritja e shitjeve në sektorin e ndërtimit u frenua në vitin 2023
-
Infrastrukturë3 days ago
Çfarë është ndërtimi modular?
-
Infrastrukturë3 days ago
Jinzhao i Kinës fiton kontratën e ndërtimit të portit prej 405 milionë dollarësh
-
Infrastrukturë3 days ago
Prezantohet dizajni për Qendrën e Transportit Multimodal në Francë, e ndërtuar kryesisht nga druri masiv
You must be logged in to post a comment Login