Connect with us

Aktuale

Ndërtimtarët që punojnë në vapë nuk i mbron ligji në Kosovë, Inspeksioni bën vetëm kontrolla

Published

on

 Shkendije Ahmeti

Javët e fundit po bëhen thirrje qytetarëve që t’i evitonin daljet jashtë, shkak i temperaturave të larta. Por, kjo nuk po vlen edhe për punëtorët e ndërtimtarisë.

Ata po detyrohen të punojnë edhe në temperatura deri në 40 gradë Celsius, duke rritur kështu edhe më shumë ekspozimin ndaj rrezikut në vendin e punës.

Jeta e tyre ka mbetur në “duart e fatit” meqë institucionet nuk kanë bërë asnjë rregullore, apo edhe ligj që mbron punëtorët të cilët po punojnë në temperatura tejet të nxehta. Madje, nuk ka as gjoba ndaj kompanive të cilat lejojnë punëtorët të punojnë në këto kushte klimatike.

Mos krijimi i një rregullore të tillë nga qeveria është bërë edhe arsyetim i Inspektoratit të Punës për t’iu ikur përgjegjësive ndaj punëtorëve.

Kryetar i Sindikatës së Sektorit Privat, Jusuf Azemi për Ndërtimi.info është shprehur i shqetësuar për situatën me të cilën po përballen këta punëtorë, duke shtuar se ata po trajtohen si “skllevër”.

Madje ai thotë se pronarët e kompanive të cilët lejojnë punëtorët të punojnë në temperatura të larta duhet të gjobiteshin me shuma marramendëse, edhe për një gërvishtje më të vogël të punëtorit.

“Fatkeqësisht institucionet tona nuk kanë bërë asnjë gjë edhe kur ne po kërkojmë që sidomos kur temperaturat kalojnë mbi 35 gradë celsius në ndërkrejnë punën. Inspektorati i Punës ndoshta me të drejtë thirret në Kosovë, gjegjësisht Ministria e Punës nuk ka bërë asnjë rregullore dhe asnjë ligj që i sanksion pronarët e kompanive nëse punëtorët punojnë edhe kur temperaturat kalojnë mbi 33-35 gradë. Dhe këta po thirren në atë se ne nuk kemi diçka ligjore që e pengon ose ndëshkon pronarët e kompanive”, ka thënë Azemi.

Mos krijimi i ligjit nuk i jep mundësinë e arsyetimit vetëm Inspektoratit të Punës, por edhe pronarëve të kompanive që t’i trajtojnë punëtorët si skllevër, kështu është shprehur i pari i Sindikatës së Sektorit Privat. Ai madje thotë se Ministria e Punës asgjë s’ka bërë për punëtorët.

“Megjithatë unë çdo ditë po bindem që punëtorët tonë po trajtohen si skllevër sepse të punohet në temperatura mbi gradë, kjo është diçka e pakapshme. Por pronarët e kompanive po e gjejnë një modul, hap tjetër se shteti ynë nuk e ka krijuar që të sanksionohen, do të thotë ata i trajtojnë tamam si skllevër. Tek ne punëtorët me mund duhet të punojnë, dhe nëse fatkeqësisht vjen deri tek më e keqja nuk mbajnë përgjegjësi, sepse shteti nuk ka krijuar kushte, nuk ka krijuar ambient për këta punëtorë. Ministria e Punës ka pas shumë efekte pozitive tek disa raste ama tek punëtorët e sektorit privat ama bash kurgjo hiq nuk kanë bërë”, ka theksuar ai.

Përgjegjësinë për punëtorët e ndërtimtarisë po hidhet nga institucioni në institucion.

Ndërsa, kryeinspektori i Punës, Basri Ibrahimi për Ndërtimi.info lidhur me këtë problem ka thënë se a duhet të ndalohen punëtorë që të punojnë në temperatura të nxehta, ai tha se kjo është kompetencë e organeve tjera.

E deri sa nuk ka një konstatim dhe një vendim për këtë, Ibrahimi thotë se nuk mund të bëjnë asgjë.

“Për çështjen e kushteve klimatike inspektorati i punës nuk është kompetentë është një organ  tjetër i cili duhet me analizu motin, me pa kushtet klimatike a janë të jashtëzakonshme dhe a duhet me ndërmarr ndonjë masë të veçantë. Ne nuk kemi parë që organi kompetentë ka dalë  me një vendim të tillë , prandaj ne e konsiderojmë sipas tyre që janë kompetentë janë kushtet normale të punës dhe ne nuk kemi kompetencë”, tha Ibrahimi, që ka shtuar se ata kanë bërë vetëm kontrolla nga muaji Qershor deri në muajin Shtator.

Dallim nga shteti i Kosovës, vendet në rajon e kanë ligjin për punëtorët e ndërtimtarisë ku vë gjoba ndaj pronarëve të kompanisë nëse lejojnë punëtorët që të punojnë në temperatura mbi 33 gradë celsius.

Ndryshe, për shkak të mosrespektimit të rekomandimit për mbrojtjen e punëtorëve nga moti i nxehtë, Inspektorati Shtetëror i Punës në Maqedoni u ka shqiptuar dënime të konsiderueshme materiale 84 kompanive private.

Sipas një njoftimi, nga 4 e deri më 6 gusht janë kryer 207 inspektime dhe tek 84 kompani është konstatuar se nuk i janë përmbajtur ndalimit të punës në qiell të hapur prej orës 11:00 deri në orën 17:00.

Click to comment

You must be logged in to post a comment Login

Leave a Reply

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Aktuale

Rama paralajmëron se Tirana do të jetë metropoli me atraktiv i Ballkanit

Published

on

Kryeministri Edi Rama i ftuar në një ceremoni në kryeqytet, foli për Tiranën dhe transformimin e saj ndër vite.

Rama tha se në 5-6 vitet e ardhshme, këto që shohim do të jenë një pjesë dhe jo shumica e asaj që do të shohim, duke theksuar se ka shumë projekte, dëshirë, ambicie dhe shpirti i sipërmarrjes është futur në një garë për ndërtuar ndërtesa jo vetëm të mira, por edhe të bukura.

Ai shton se Tirana kështu do të bëhet një destinacion edhe arkitektonik.

Sipas, Ramës gjatë viteve në vazhdim shqiptarët do të jenë banorë dhe qytetarë të njërit prej kryeqyteteve më të bukur të Evropës, duke specifikuar se Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.

“Kjo është historia e një qyteti që nuk i ka thënë të gjithë. Unë besoj që në 5-6 vitet e ardhshme, këto që shohim do të jenë një pjesë, jo shumica e atyre që do të shohim, sepse ka shumë akoma projekte, dëshirë, ambicie dhe një lloj gare që është futur në shpirtin e sipërmarrjes që të bëjmë ndërtesa jo thjeshtë të mira, por edhe të bukura, duke i dhënë Tiranës mundësinë që të bëhet një destinacion arkitektonik.

Një vend mes Ballkanit që do të disponojë një koleksion veprash të arkitekturës të mbledhura së bashku nga arkitektët më të mirë të kësaj kohe dhe do të krijojë një trashëgimi të denjë për gjeneratat e tjera.

Unë nuk dyshoj, që nëse sot në ndjejmë kënaqësinë që kemi dalë nga ai llum i tmerrshëm ku e hapëm shekullin e ri në Tiranë, nesër do të jemi banorë dhe qytetarë të njërit prej kryeqyteteve më të bukur të Evropës. Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.”, deklaroi kryeministri Rama./Media Ndërtimi

Continue Reading

Aktuale

“Brenda shtëpisë së zbrazët, ajo jeton mes kujtimeve dhe dëshmon forcën e Nënës”

Published

on

Në rrugën “Martirët Qerkezi”, në shtëpinë-muze qëndron Nëna Ferdonije. Brenda shtëpisë së zbrazët, ajo jeton mes kujtimeve dhe dëshmon forcën e Nënës. Shtëpia e familjes Qerkezi, në Gjakovë dëshmon gjenocidin dhe spastrimin etnik të Serbisë në Kosovë.

Nga aty, 25 vite më parë, forcat policore të Serbisë ia rrëmbyen dhe zhdukën të katër djemtë: Artanin, Armendin, Ardianin e Edmondin, si dhe bashkëshortin Halimin. Nga ajo shtëpi u rrëmbyen edhe Vegim Qerkezi, Shpejtim Ymeraga, Skender e Myrteza Dylhasi, dhe Shpend e Fatos Jetishi.

Në Dardaninë e Pejës, më 27 mars 1999 forcat e armatosura serbe, policë të njësive speciale dhe serb lokal, brenda tri orëve i masakruan 40 civilë shqiptarë të kësaj lagje.

Ne i kujtojmë çdoherë e nuk do t’i harrojmë kurrë.

Në këtë 25 vjetor i përkujtojmë edhe 75 të vrarët në masakrën në Klladernicë të Skënderajt, 18 të vrarët në Mamushë, dhe 10 anëtarët e familjes Rama të vrarë në Obiliq. Sot, në Fushë Kosovë përkujtohen 168 shqiptarët e vrarë nga forcat e armatosura serbe.

Me mall e dhembje, i kujtojmë sot dhe ҫdo ditë, të gjithë të vrarët dhe të zhdukurit me dhunë nga Serbia.

Sakrifica e popullit tonë është themeli i Republikës sonë të lirë.

Lavdi të gjithë të rënëve në rrugën e gjatë për çlirimin e Kosovës!

Albin Kurti, kryeministër i Kosovës. Prishtinë, 27 mars 2024./Media Ndërtimi

Continue Reading

Trending