Arkitekturë
Ndërtimi unik i Muranës së Barnenezit, njërës prej strukturave më të vjetra që njeh botë
Murana e Barnenezit në gadishullin Kernehelen Francë është ndër strukturat më të vjetra në botë që ende i kanë qëndruar kohës.
Ajo është ndërtuar në periudhën parahistorike të neolitit në gjysmën e parë të mijëvjeçarit V para Krishtit. Shkrimtari dhe politikani francez, Andre Malraux, e quajti atë “Partenoni parahistorik”, ndërsa përgjithësisht është konsideruar si “mauzoleja më e madhe megalitike”.
Faza e ndërtimit: Faza e parë e ndërtimit të strukturës thuhet të ketë që qenë nga viti 4850 deri në vitin 4500 para Krishtit ndërsa faza e dytë-prej 4200 deri në vitin 3900 para erës sonë.
Murana është rreth 2000 vjet më e vjetër se Piramida e Gizës ndërsa pak më e re se Kulla e Jerichos.
Madhësia: Murana e Barnenezit është 72 metra e gjatë, mes 20 dhe 25 metra e gjerë, varësisht vendit nga ku matet dhe afro 9 metra e lartë. Vëllimi i gurit që është përdorur për ndërtim thuhet të jetë mes 6500 dhe 7000 metra kub ndërsa pasha është diku mes 12000 dhe 14000 tonë metrikë.
Fazat në të cilin është ndërtuar murana, mund të dallohen edhe nga materiali që është përdorur. Për shembull doleriti është material që është argumentuar se është përdorur gjatë viteve kur është bërë faza e parë e ndërtimit ndërsa në fazën e dytë është përdorur graniti, i cili kryesisht ka filluar të përdoret në ato vite.
Murana e parë përmban gjashtë dhoma, ndërsa e dyta-pesë. Po ashtu nga dhoma kryesore, mund të dilet edhe në dhomat tjera.
Brenda Muranës së Barnenezit: Puna e bërë nga njeriu në ndërtimin e këtij objekti u zbulua vetëm në shekullin e 19 ndërsa tek në gjysmën e dytë të shekullit të 20 që u njoh rëndësia e saj.
Deri në këtë kohë monumenti u përdor si gurore, nga e cila u ekspozuan edhe dhomat. Në shekullin e 20 janë bërë gërmime dhe restaurime. Janë gjetur copëza qeramike, akse të gurit të lëmuar dhe shigjeta.
Gjithashtu janë zbuluar edhe gdhendje dhe vizatime në mure. Sa i përket funksionit, mendohet se është përdorur si varrezë, megjithatë një gjë e tillë nuk është dokumentuar sa duhet.
Arkitekturë
Çfarë fshihet nën strukturat komplekse sipas arkitektit japonez Sou Fujimoto
Arkitekturë
Arkitektura përmes syve të francezes Odile Decq
Arkitekturë
Le Corbusier: Forma, funksioni dhe modernizmi në arkitekturë
-
Infrastrukturë1 day ago
Rruga Prishtinë-Pejë po bëhet, protestat s’po ndalen, banorët e 3 fshatrave kërkojnë ndihmën e Albin Kurtit
-
Infrastrukturë23 hours ago
Kontraktori austriak Strabag blen prodhues të qëndrueshëm të materialeve të ndërtimit
-
Infrastrukturë23 hours ago
Faton Peci akuzon Përparim Ramën: Po e bllokon ndërtimin e objektit të Ministrisë së Bujqësisë!
-
Infrastrukturë1 day ago
“Kryevepër arkitektonike”, Rama mbron velën e betonit në Durrës
-
Aktuale20 hours ago
Reagon Përparim Rama për akuzat e ministrit Faton Peci
-
Infrastrukturë1 day ago
Cilësia e punimeve për ndërtimin e parkut linear në Prishtinë jashtë rregullave të Komunës!
-
Infrastrukturë1 day ago
Kosova rangohet lartë në Europë për madhësinë e sektorit të ndërtimit
-
Infrastrukturë1 day ago
Prezantohet një plan i ri në Bazel për banim të përballueshëm
You must be logged in to post a comment Login