Connect with us

Aktuale

Mbi 377 mijë euro për rregullimin e rrugës së fshatit Koshare

Published

on

Kanë nisur punimet e rrugës në fshatin Koshare të Ferizajt, që kap shumë mbi 377 mijë euro, ndërsa në kuadër të këtij projekti përfshihen edhe rrugët e fshatit Slivovë.

Nismën e punimeve i ka përcjellë nga afër i pari i Komunës së Ferizaj, Muharrem Svarqa në shoqërim të drejtorit të infrastrukturës, Gafurr Ilazi.

Kryetari Svarqa, është shprehur se këto projekte janë të rëndësishme për banorët e këtij lokaliteti, raporton InfoKomuna.

“Këtu po fillojmë sot asfaltimin e disa rrugicave dhe rrugëve në tërë territorin gjeografik të fshatit Koshare, një pjesë e kësaj rrugë ku sapo filluam punimet lidhet me unazën nga magjistralja që shpie në drejtim të Ferizajt dhe Prizrenit lidhet me një pjesë që shpie në drejtim të fshatit Muzeqinë dhe dërgon më tej në Prishtinë përmes Lipjanit. Është një arterie jashtëzakonisht e rëndësishme e cila do të asfaltohet sipas standardeve të një gjerësie prej 6 metrash”, tha Svarqa.

Me këtë projekt banorët e fshatit Koshare përfitojnë asfaltime të 8 rrugicave, dhe 2 trotuareve, ku kjo pjesë ende vazhdon të mos ketë ndriçim. Por që për këtë ai ka premtuar që do të punohet të inkorporohet edhe ndriçimi.

Tutje ai ka uruar banorët e këtij fshati për rrugën.

E nga ana tjetër Valon Halimi banor i këtij fshati është shprehur mirënjohës komunës së Ferizajt dhe kryetarit Svarqa që po bën rregullimin e rrugëve të këtij fshati.

1 Comment

You must be logged in to post a comment Login

Leave a Reply

Aktuale

‘Marakli t’Biciklave’, adresojnë problemet në Ministrinë e Infrastrukturës për sigurinë e çiklistëve

Published

on

Grupi ‘Marakli t’Biciklave’, përmes një njoftimi treguan se janë takuar me zv.ministrin e Infrastrukutrës Hysen Durmishi, me të cilin kanë biseduar për sfidat dhe problemet me të cilat përballet komuniteti i çiklistëve.

“Çdo ditë në rrugët e vendit, probleme këto për të cilat edhe avokuam duke paraqitur kërkesat tona të arsyeshme të cilat sa më shpejt që të prioritizohen në periudhë kohore do të ofrojnë edhe zgjidhje mbi problemet, kërkesat të cilat u mirëpritën edhe nga ana e zv. Ministrit Durmishi.

Marakli t’Biciklave ka në fokus të veçantë mbajtjen e kontakteve të vazhdueshëm më këtë ministri dhe institucionet e tjera të nivelit qendror dhe lokal, për t’i adresuar sfidat, problemet por edhe mundësit reale për të bërë sa më praktike dhe të lehtë qarkullimin e çiklistëve nëpër rrugët e qyteteve e lokaliteteve te Republikës së Kosovës.

Një nga mundësit reale mbetet dhe Agjenda e gjelbërt e cila mbetet prioritet i çiklistëve, sepse përmes përdorimit të saj ne e ruajmë ambientin e ajrin dhe njëkohësisht promovojmë përdorimin e transportit alternativ, siç është biçikleta.”, shkruan në njoftim./Media Ndërtimi.

Continue Reading

Aktuale

Dogana e Kosovës për herë të parë ka arritur të kaloj 500 milion euro të  hyra

Published

on

Dogana kalon gjysmë miliard euro të hyra

Kjo shifër paraqet një rekord të ri pasi që nga themelimi i Doganës të hyrat në këtë periudhë të vitit kanë tejkaluar shumën e mbledhur prej 500 milion eurove.

Krahasimi me vitin e kaluar tregon që Dogana ka mbledhur deri me 19 maj 500,1 milion euro derisa vitin e kaluar të njetën periudhë ne kishim mbledhur 434,4,ilion euro, respektivisht shprehur në përqindje 15% më shumë apo 66 milion euro më shumë.

Gjithashtu edhe në krahasimi me projeksioni buxhetor të mbledhjes së të hyrave për vitin 2022 dogana e ka tejkaluar me  6.11% më shumë.

Trendi pozitiv që dogana kishte gjatë vitit 2021 ka vazhduar edhe gjatë vitit 2022./Media Ndërtimi.

Continue Reading

Aktuale

“Lumbardhi: një Histori Episodike”, publikohet më 25 maj

Published

on

Lumbardhi ju fton në lansimin e “Lumbardhi: një Histori Episodike” që mbahet me 25 maj prej orës 19:00 në Kino Bahçe.

Libri flet për takimin dhe ndërveprimin midis Kino Lumbardhit dhe Prizrenit, prej rrethanave që sollën te hapja e kinemasë në vitin 1952 e deri te ndalja e aktivitetit pas falimentimit të ndërmarrjes shoqërore “Kino Bistrica” në fillim të shekullit të ri.

Duke u mbështetur në procesin e mbledhjes dhe interpretimit të materialeve të gjetura në kinema, në arkivin e gazetës “Rilindja” dhe burime tjera, sikurse dëshmitë e akterëve në epizode kyqe, hulumtuesit Bengi Muzbeg dhe Tevfik Rada sjellin një tregim të fragmentuar që përshkruan ndeshjet dhe kontradiktat mes një ndërtese, një qyteti dhe artit të kinemasë, përbrenda kontekstit të transformimeve shoqërore, politike e teknologjike.

“Lumbardhi: një Histori Episodike” është botuar nga Fondacioni Lumbardhi me mbështetjen e Ministrisë së Kulturës dhe Sportit të Kosovës, zyrës në Kosovë të forumZFD, Fondacionit për Iniciativa të Artit dhe me bashkëpunim të Agjencisë Kosovare të Privatizimit./Media Ndërtimi.

Continue Reading

Trending